حمل اطفال الانابيب والتشوهات الخلقيه 💔

بنات انا الحمد لله الحمد لله حملت اطفال انابيب بعد سنوات طويله من الحرمان واكيد المتأخرات حاسين فيني وحاسين في معاناة الحرمان وكلام الناس والنفسية المتحطمة
و ماتبي تطلع ولا تنبسط ولا تفرح ولا تحتك في الناس هذا كله صار معي
والله حتى عيال خواتي ما كنت احب أتقرب منهم ولا اي طفل من أقاربنا عشان ما اسمع كلمة مسكينه والله يرزقك وتعالجي او يجي عيالهم شي
ويقولون مني 😢
انا عملت خمست عمليات أطفال انابيب
وعمليتين منظار +تحفيز
ولله الحمد العمليه الخامسه نجحت وجبت ولد عمره الان اربعه شهور ..
الله يحفظه ويخليه لي ويرزقني بره مره مبسوطه فيه
غير لي حياتي لي الأفضل
لاكن زعلانه عليه
من يوم انولد عنده تشوه خلقي في يده وحده من أصابعه ماطلعت سبحان الله ..رغم انه ما كان واضح لا في السونار ولا شي
وكانت تحاليلي جمعيها سليمه قبل الانابيب وابوه كمان تحاليله تمام وكان جنين درجة اولى
ومافيه احد من العائله له تاريخ في التشوهات الخلقيه
الله يشفيه ويعينه على الايام الجايه شايله همه بعدين اذا دخل المدرسهـ وشايله هم التعليقات الجارحة من اطفال بعمره دعواتكم له لانه عنده عمليه بعد سنه وان شاء الله تنجح ..
الحين انا عندي خمسه اجنه مجمده والشهر ذَا أقرر يا اتلفهم ولا ادفع مبلغ مالي وكمان يجلسون سنه لانه مستحيل أرجعهم الحين ..
قالي الدكتور اذا تبين نفحص لهم فحص الكروسومات عشان نعرف اذا فيه اي تشوه ونتلف المشوه ونرجع الكويسه ..
وش رأيكم لانه اخاف كمان أرجعهم بعد فتره واحمل ويطلع في طفلي الثاني نفس المشكله
اخر كلامي دعواتي الصادقه لي جميع المتأخرات بلحمل السليم المعافى ومره لا تيأسون رحمة الله واسعه وكل شي بأجره ❤️
ومعليش على الأطالهـً ..