حمل بدون الم في الصدر؟

!!!!!!!!!!!!

حبيبتي ما عندي خبره ان شاء الله البنات تفيدك

بدري حبيبتي مالك الا12 يوم مستحيل يتحجر الصدر الحين توكلي على الله وتفائلي

مشكورين

وين باقي البنات ليش تدخلون ماتردون اقلها ارفعوا الموضوع

يارب يا كريم يفرح قلبك ويقر عينك بالذرية الصالحة ..
أنا بقول لك عن تجربتي ..
حملي الأول أول شيء لاحظته في نفسي تحجر صدري .. ولا خطر في بالي إطلاقاً إني أكون حامل وما كنت أعرف ان هذي علامة من علامات الحمل ..
لكن الي حصل اني فعلا طلعت حامل وما تم حملي لأنه ما ظهر نبض للجنين إطلاقاً .. فعملت عملية تنظيف ..

الحين حملي هذا الله يتممه على خير
ما عرفت اني حامل إلا بالتحليل فقط لا غير !!

يعني جاتني آلام الدورة الطبيعية قبل موعدها بكثير على غير العادة وما جاء في بالي انه حمل لأني كنت الفترة هذيك ضاغظة نفسي كثير فقلت شكله من الضغط الي حصل لي هالشهر .. لأني استبعدت الحمل بسبب اني أخذت فكرة ان تحجر الصدر لازم يصير وهالشيء ما صار ابدا ..
سبحان الله حللت وطلع حمل .. والحمدلله على عطاياه

وحتى يومك ما حصل تحجر صدر زي حملي الاول أبداً ..
وسألت الدكتورة في البداية لأني خايفة انه يكون فيه شيء او شيء فقالت لي لا طبيعي جدا انه يكون حمل بدون هالشيء
يعني هذا عرض من الأعراض لكن مو شرط يكون ثابت عند كل الحوامل وهذا انتِ مثال حمل حسيتي فيه وحمل أبدا ما جاك ..

فاطمأني وادعي ربنا والله يكرمك وينعم عليك وتفرحينا بإذن الله تعالى ..