حمل بدون انابيب......!!!! لايطوفكم

رحت يوم أزور رفيجتي وخبرتني بقصة قريبتها أتمنى انها تزرع فيكم الامل

قريبتها ماحملت مادري عاد كم سنه الله العالم ...... المهم انها ليلة من الليالي شافت بمنامها رؤيا توصيها بقراءة سورة الكهف يوميا المهم ابتدت تسوي العمل هذا وقررت انها تكتم على الامر الا انها اخبرت به وحده فقط من أهلها تعاني من نفس المشكله فقالت لها :
لقد رأيت بعالم الرؤيا كذا وكذا...... ولم أخبر بالامر أحد والحمد لله الدورة ماجتني بنفس الشهر اللي بتديت فيها شرايك تعمليها وبإذن الله مايخيبك
المهم بدت الست الثانيه تعمل بقراءة الكهف يوميا وكانت تنوي انها تعمل أنابيب بالدورة الجديده لكنها سوت الكهف حتى الله يوفقها للحمل
قالت رفيجتي انها كلمتها بيوم وكانت متوترة بالمرة وتقول لها : مادري شسوي هالشهر ببدأ اضرب ابر الانابيب والدورة لسه مانزلت فقمت انطط ابيها تنزل غصب طيب جالسه انتظرها بقوه احس نفسي متفائله هالمرة مادري شلون

( تدري ان الله كريم وبيوفقها هالمرة بنجاح الانابيب فعملت بسورة الكهف لكن ماتوقعت ان الله كرمه يفوق خيالها وماخلاها تحتاج أصلا انها تسوي الانابيب لانها حملت طبيعي )
سبحان الله

تقول رفيجتي اتصلت عليها يوم ثاني وتقول مو مصدقه اني حامل وبدون أنابيب اعجوبه فعلا

اللي يترجى الله ويوثق برحمته مايخيب

أتمنى اني كتبت شي يفيدكم ونجربها مع بعض انا بديت فيها والله كريم