كانت المده مع العلاج والتعب والمواعيد سنه وسته شهور .

وفعلا اذا حملتي اول مره خارج الرحم ، خطر الاصابه فيه بالانبوب الثاني لاول مره مرتفع غير ان المقويات تزيد النسبه كمان.

والحين لي سبعه شهور منشطات والتبويض يطلع يمين سبحان الله وكم مره يسار بس قليل ولا يسير حمل . تبعت من هالموضوع ومن المواعيد والابر والحبوب ودي اختفي .

وزوجي رافض رفض تام الانابيب

كل ما اخذتي منشطات كل ما يقل مخزون البويضات عندك كثره المنشطات مو زينه وليش تاخذين منشطات وانتي مو ناويه انابيب والبويضه ماتتلقح حرام كذا البويضه تكبر وتموت وتضيع عليك وانتي تتفرجين العمر يمضي والدنيا تجري يا زوجك يتعاون معك يا الانفصال هو الحل لان بكره بيتزوج وبيجيله عيال وانتي بتقعدين بحسرتك ما ادري كيف يفكر بالانابيب وش مشكلته وش فيها مو عيب ولا حرام اعرف وحده جابت ثلاث بنات وهي تبي الولد وولداتها قيصريه مايمديها تجرب وتخاطر راحت سوت هي وزوجها انابيب ترجيح جنس الجنين وجابو ولد ياخذ العقل فطين وذكي يحميه ربي انتي لو صغيره انفصلي لو بعده تاخذين واحد متزوج اهون من انك تفقدين حلم الامومه وهو يتزوج ويجيب عيال ولا عليه منك هذا القرار لازم تتخذينه الحين مو تكبرين وتقل فرصك وتتطلقين يا تعيشين معه من الحين للابد يا لو لك نيه انفصال تاخذين القرار بدري اعرف وحده العيب من زوجها وقررت انها تعيش معه وتصبر وتمر السنين ويوم صار عمرها ٣٩ ولا عاد حلم الامومه يسيطر عليها مايفارقها وتروح تطلب الطلاق بس بعد وش بعد العمر ذا كله وبعدها بسنه تزوجت واحد كبير يمكن عمره ٧٠ ومنشطات وابر وتجيب بنت داون الله يخليها لها وماعاد قدرت تجيب غيرها . قرارت مثل ذي يا تاخذينها بدري يا بلاش يا ترضين الحين يا ما ترضين اجلسي مع نفسك وشوفي وش تبين وشوفي فرصك راح تتزوجين بعده ولا لا جسمك وشكلك يساعد تنخطبين جماعتكم كثار المطلقات يتزوجون عندكم بسهوله شوفي احسبيها من كل الجهات وجربي المحاوله اللي قال عنها محاوله وحده مدري ليش محاوله وحده انتي وش رايك تكلمين الدكتور يخزن حيواناته المنويه علشان لو جيتيله مره ثانيه تسوين انابيب ما تضطرين تاخذين منه يكون عندهم مجمد يالله يرزقك من اول مره قادر يا رب يعطيك التؤام اللي تفرحين فيهم واذا ما ضبط معك شي ارجعي وفكري بقراراتك وحياتك

هلا خيتي
كلام خيتي ميلا ٢٠٢٠ ،، صحيح ١٠٠٪
لاتضيعين عمرك وتحرمين نفسك من أعظم نعمه أعطانا الله سبحانه نعمة الأمومة وهاالنعمة ماتتعوض والرجال بطبعه أناني عارف ان الشرع محلله اربع وبأي وقت يقدر يتزوج ويجيب عيال.. فكري زين وأنا أختك
جربي أول محاولة وعسى ربنا يكتبلك الحمل السليم المعافى
الله يرزقك بالحمل السليم المعافى عاجلا غير آجلا ويفرح قلبك