كنت كتبتلكم عن موضوع استفسر فية عن الحمل خارج الرحم
http://forum.hawaaworld.com/showthread.php?t=1721009
حبيبت احكيلكم قصتى بعد ماخرجت من المستشفى قعدت فيها 5 ايام
طبعا فى الاول الدكتورة بتاعتى كانت شاكة ان الحمل ممكن يكون لسة صغير
لانة مكنش باين فى السونار وعملت تحليل دم رقمى عندها طلع 1434
وبعد يومين عملت تانى طلع برضة 1420 وطبعا النسبة قلت بس مش كتير
سالتنى اذا كان فى دم بينزل قالتلها اة بس خفيف يعنى مش حاسة انة اجهاض
بما انى اجهضت مرتين قبل كدة فكان يعتبر خفيف جدا
المهم هيا كانت قالتلى انها شاكة ان الحمل ممكن يكون خارج الرحم
واليوم دة قالتلى انة اكيد خارج الرحم وانى لازم اروح المستشفى علطول
وفعلا اليوم دة روحت على المستشفى على طول وحجزونى طبعا اما عرفوا الحالة لانهم
قالولى انه خطر عليا انى ابقى برة المستشفى بصراحة انا رفضت اقعد وقولتلهم اما اتعب
ارجع المستشفى خرجتنى على مسئوليتى الشخصية وخرجت واليوم دة رجعت الفجر تانى
لانى كنت حاسة ان المبيض الشمال وظهرى هينفجروا واتحجزت وعملولى سونار مهبلى
وبرضة مشفوش حاجة طبعا كان فى متابعة عن طريق ضغطى
وتانى يوم الصبح حسيت بالم شديد جدا فى مبيضى الشمال
هو دايما بيتعبنى واعطونى حقنة ريحتنى والحمدلله
وانا كنت خايفة جدا ان الحمل يكون خارج الرحم ويسبب انفجار فى الانبوبة زى ماسمعت من
بنات كتير بس السيستر قالتلى ان دة يتعرف اذا فى اى تغيرات مقللة فى الضغط
لانهم كانوا برضة مش عارفين هو خارج ولا داخل
قالولى يااما حمل خارج الرحم يااما الحمل لسة صغير وبيتكون ودة احتمال ضعيف
عملولى تحليل حمل هرمونى طلعت النسبة 1700 يعنى زادت تانى
وبعديها بيومين عملولى تانى طلعت 1000 وحاجة ونزلونى للدكتورة المتخصصة فى السونار
وقالت واكدت ان الحمل خارج الرحم
الدكتورة قالتلى انهم هيدونى حقنة توقف نمو البيبى والحقنة دى بيعالجوا بيها مرضى
السرطان والعياذ بالله
سالتها على اضرارها قالتلى اضرارها بنسبة 20%فى اجسام مش بتستحملها او مبتنفعش
معاها وساعتها هتحسى بالم شديد ونضطر نعمل جراحة
واخدت الحقنة الساعة 7 بليل اليوم ودة وكان نفسى اطلع من المستشفى بس قالولى
صعب لانهم لازم يتابعوا الحالة وكانت حقنة مؤلمة بعض الشىء
والمفروض وبعد كدة المفروض يحصل اجهاض طبيعى
***طبعا كنت خايفة جدا من جراحة والحمدلله الحقنة معملتليش اى مضاعفات لحد الان
والبيبى ينزل وكمية الدم زادت عن الاول
ومعادى بعد اسبوع علشان اعرف هحتاج تنظيف ولا لا هيعملولى تحليل هرمون رقمى تانى
***الدكتورة قالتلى انى لازم اعمل تحليل كروموزومات (تحليل الجينات )
لان دة ممكن يكون اخر حاجة لانى كل تحاليلى كويسة الحمدلله
بس ولا دكتور قالى جوزى يعمل تحاليل اخلية يعمل ؟؟واية نوعية التحليل اللى بيعملوها ؟؟؟
قالولى بما انك بتحملى يبقى جوزك كويس؟اية رايكم ؟؟ممكن تكون الحيوانا ت المنوية فيها نسبة تشوة؟؟؟
***وقالولى الحمل خارج الرحم لا يعد من ضمن الاجهاض المتكرر لانة ممكن يحصل لاى حدد بيحمل عادى
طبعا انا هوقف الحمل لحد مانعرف اية الاسباب
حد عمل تحاليل جينات وطلع عندة حاجة واتعالج؟؟؟هو او زوجة ؟؟؟
تنصحونى باية الفترة اللى جاية ؟؟والله الواحد تعب من كتر الاسقاطات
الحمدلله على كل شى ء ادعولى يابنات
ربي ارزقها كما رزقت مريم وزكريا واجعله امر مقضيا هي خاصه وجميع المسلمات عامه