أمل تايه :

انا قلت لدكتور ماصار عندي حمل الا بالوقت هذا وقلت له انا كل حملي يتأخر تايبين عالسونار يقلي اسكتي حسابك غلط انتي خلصتي الشهرين انا بعرف حالي وشاطرة بحساب الحمل وكل روحتي لعنده عشان ضغطي ينزل وغثيان حتى دوة ماعطاني حتى لوخارج الرحم حرام يسويلي قيصيريه تنحسب علي اساسا انا خلفت توم اول بطن وماتو وهاي قيصريه ينحسبو علي 2ببلاش بكرى بغير الدكتور وبشوف كيف وشكرا لجميع على الردود

انا قلت لدكتور ماصار عندي حمل الا بالوقت هذا وقلت له انا كل حملي يتأخر تايبين عالسونار يقلي اسكتي...

Mazyoonaa :

السلام عليكم ورحمة الله وبركاته … هذي لي اول مشاركة وان شاء الله ما تكون الاخيره بس حبيت افيدج بموضوع حمل خارج الرحم راح اقول قصتي وان شاء الله ما يصير لج اللي مريت فيه بس حطي في بالج كل شي له علاج والصبر والتوكل على الله هذا زواجي الثاني واخر طفل من ١٥ سنه وما كنت مخططه للحمل نهائيا المهم شهر ديسمبر ٢٠١٧ تاخرت الدوره وطلعت حامل وفرحنا انا وزوجي ورحت حق الدكتوره عشان اتاكد من حملي حللت هرمون الحمل كان قليل جدا وقالت لي نعيده بعد يومين عشان يبين نمو الجنين وبعد يومين حللت وطلع ارتفع نسبه بسيطه ما تعدي ال ٢٠٠ قالت لي راح انطر عليج اسبوع واذا النتيجه مازالت ضعيفه يعني حمل خارج الرحم المهم نطرت والنفسيه صفر. والنتيجه مثل ما اهي ارتفاع بنسبه بسيطه جدا ما صدقت كلامها ورحت حق دكتوره ثانيه ونفس الشي وقالت احتمال حمل متاخر وننطر يمكن يبين الكيس بالسونار وسوت لي سونار وقالت مو باين اي شي المفروض يبان الكيس وقالت لي راح احولج مستشفى حكومي عشان يعطونج ابره وتنزل الجنين اللي بخارج الرحم زوجي رفض انه اخذ ابره كيماوي عشان انزل الجنين بما لها اثار جانبيه تاثر بالجسم خليتها على الله وقلت بنطر واشوف يمكن يبان الجيس بعد اسبوع كانت راس السنه الميلاديه صار معي نزيف وكنت مسافره عشان اغير جو دوله قريبه خليجيه على طول رحت المستشفى هناك وعادت لي تحليل هرمون الحمل وانا معاي كل نتايج اللي قبل المهم سوت لي سونار وعطتني حبوب دفاستون وقالت لي حدار الرحم سميك وهذا يدل انه في حمل المهم ظليت بالمستشفى يوم لين وقف النزيف بس مو نهائي يعني ينزل علي خفيف ورديت الديره على طول حجزت عند دكتوره ثالثه قلبي حاس انه مو خارج الرحم بس الحقيقه غير رحت حق الدكتوره الثالثه وعطتني امل انه موجود بالرحم فرحت وقلت الحمدالله واستمريت على الحبوب لين اخر يناير وكان ينزل علي دم بني طوال الفتره هذي وسويت تحليل عشان تقارن باللي قبل الارتفاع نسبه بسيطه لانه المفروض عقب يومين يرتفع الدبل ويوم شافت نسبه هرمون الحمل وسون لي سونار داخلي وما بين شي قالت هذا حمل خارج الرحم بس روحي سوي سونار تخصصي اي مفصل ورحت سويت ونفس الكلام مابين الكيس قالو لي احتمال عنقودي او احتمال خارج الرحم طبعا صارت عندي ثقافه من كثر ما قاريت عن الحمل العنقودي وحمل خارج رحم وللعلم لا يوجد اي اعراض تدل انه حمل خارج رحم سواء الدم البني طبعا نفس الشي حولتني على المستشفى الحكومي عشان يشوفون شنو فيني وطبعا مشوار الحكومه مشوار طويل بس لانه كنت حاله طارئه دخلوني بسرعه وعادو كل التحاليل من الاول وانا جبت التحاليل القديمه معاي ويوم السونار بان انه في قطعه بالرحم حجمها ٣ سانتي وما شافو اللي خارج الرحم قالو ماكو شي خارج الرحم دخلوني العمليات على طول وسويت عمليه تنظيفات ونظفو الرحم وتقرير نتيجه العمليه يطلع بعد شهر ورديت البيت على اساس مافيني شي واخذ لهوم وحسو على اساس اني نفاس بعد شهر رحت خذيت النتيجه ودخلتها على الدكتور وقالي انتي دخول ما تطلعين وبعد سويت نفس اليوم تحليل هرمون حمل المفروض صفر او اقل من ١٥ بس الصدمه كان واصل ١٣٠٠٠ اخترع وقالي دخول على طول وسوالي سونار مره ثانيه واهي شافو اللي خارج الرحم كان حجمه ٢.٨ سم ومستحيل ينزل بابره ولازم عمليه ثانيه بس عقب اللي شفته من داخل المستشفى حرمت اقعد ولا دقيقه خذيت تقاريري والاشعه والسونار والملف وطلعت من المستشفى ورحت حق اخصائيه المهم عطيتها التقرير واهني الصدمه انه كان حملي بتوام واحد داخل الرحم وواحد خارج الرحم سبحان الله اللي داخل الرحم طلعوه بالعمليه واللي خارج الرحم موجود للحين طبعا هذي الدكتوره الخامسه من بعد الحكومه طيبه ونفسها حلوه ويوم شافت نفسيتي اشكثر تعبانه قالت لي لا تخافين احنا راح نسوي تحليل كل اسبوع اذا الهرمون بدى ينزل راح ننطر عليه لانه معناته انه الجنين قاعد يموت واذا ارتفع لازم عمليه قلت لها اوكي والحمدالله بفضل الله الهرمون قاعد ينزل اسبوع بعد اسبوع مع المراجعات ويتني االدوره شهر ٣ وكانت غزيره وكان قطع ينزل مني وعقبها باسبوعين انزلت دوره ثانيه اهني نظفت الحمدالله والهرمون وصل ١ ولله الحمد وسوت لي سونار وكل شي طبيعي الحمدالله وتخلصت من حمل خارج الرحم بفضل الله والصبر والدعاء ومن بدايه شهر ٤ قاعده اشوف دورتي والحمدالله الحين منتظمه وتنزل كل شهر مع مراجعتي للدكتوره كل شهر وان شاء الله الله يرزقني وياج بحمل سليم وطفل معافي يارب يا سميع يا عليم واسفه على الاطاله

السلام عليكم ورحمة الله وبركاته … هذي لي اول مشاركة وان شاء الله ما تكون الاخيره بس حبيت افيدج...