حمل عنقودي جزئي

السلام عليكم ورحمة الله وبركاته 

انا ماقدرت اشارك بمعرفي القديم من بعد هالتحديث والمنتدى كلشي فيه صعب المهم موضوعي طويل نوعاً ما علشان تعرفون وضعي بساللي مرت بتجربة تذكرها 

بدخل في موضوعي انا حملت الحمدلله وكانت امور الحمل ماشيه تمام كيس الحمل كان تمام المضغه موجوده تضاعف الهرمون كان مناسبلا اسابيع الحمل بس وصلت الاسبوع السادس وكم يوم الجنين حجمه مناسب لعمر الحمل بس مابين النبض وعطوني موعد بعد اسبوعينممكن يكون حمل متاخر صراحه مانطرت رحت خاص عند بروفيسور وقال النبض موجود بس الحمل صار متاخر وعطاني موعد بعد اسبوعجيته تغير كلامه قال النبض متوقف والجنين حجمه ماتغير مثل ماهو نطرت موعد الحكومي لانهم ادق وماعندهم سالفه يماطلون بالمواعيد ياحمل بيكمل او خلاص ينزل والعيد قرب وانا ضايعه كانت اعراض  الحمل عندي نفس اعراض حملي اللي قبل بس اشد يعني ماشتهي ولااي شي من السوائل وصايرة ام دميعه ذبحني الوحم والاعراض شديده كرهت كلشي حتى بيتي ونفسي والخدم وبناتي وزوجي ودوامي انامن النوع اللي يتعب في الوحم بس ماوصلت لحد فقدان الوعي الا في هالحمل جيت على موعدي في الحكومي يوم الاربعاء قبل يوم عرفةبيومين الدكتوره قالت الجنين اصغر من عمر الحمل كبير بما فيه الكفايه انه يكون فيه نبض والمفروض في هالحجم يكون نبضه واضح وعقبقالت بينزل بروحه المهم شكت بكيس حمل ثاني خارج الرحم لاني من قبل حملت خارج الرحم ونادت اخصائية الاشعه قالت لا تجمع دمويبس الحمل شكله عنقودي جزئي يعني فيه جنين بس المشيمه مشوهه او عنقوديه عطتني دخول ودخلت واطلبوا تصوير للرئة والحمدلله طلعتسليمه وسويت تحليل حمل هرموني كانت النسبه 86000 قالوا مرتفعه وبكره بنسوي عملية شفط الجنين  مادري تنظيف سويتها اليوم الثانيوالحمدلله على كل حال سويت تحليل بعد اسبوع من العمليه الحمدلله نزل الهرمون وايد بس للحين باقي وعندي موعد يوم الخميس بعد اعيدالتحليل لازم يوصل صفر وعندي موعد الاسبوع الجاي علشان فحص انسجة الحمل يارب يكون حمل عادي مب عنقودي نفسيتي تعبانه هذارابع حمل اخسره والحمدلله اللي يجي من الله كله خير بس الوضع متعب وانا حملي صعب ومتاخره بالحمل اول  حمل اجهضته ودخلت غرفةالعمليات مادري عن شي وسويت عملية تنظيف وبعدها تاخرت في الحمل سنوات وسويت حقن وفشلت العمليه وعدتها ونجحت وكانت اولخلفة لي كانت اطفال انابيب وكان عمري 34 تقريباً  واللحين عمرهم اربع سنوات بس الحمدلله بعدها كم مره حملت طبيعي بس مايتم اولحمل بعد ماجبت بناتي نزل وبعدها حمل خارج  الرحم عطوني ابره بس مانفعت وشلت الانبوب اليسار  لانه انفجر وصادني نزيف وبعدهاسويت اطفال انابيب مره ثالثه وفشلت وبعد العمليه حملت في بنتي الحمدلله كانت جبر خاطر من رب العالمين 

والله مب معترضه على قضاء الله وقدره بس العمر راح وخسارة الحمل متعبه نفسياً وجسدياً اربع مراتٍ اخسر الحمل وانا اتشفق عليه وافرحواخسره بس العوض عند رب العالمين ‏(يؤتكم خيراً مما أخذ منكم)

اسفه عالاطاله ابي تجارب تجبر الخاطر قريت في النت زاد الهم والخوف والدكاتره بعضهم يروع والله انها جاتني روعه الله لا يفجعنا ياربوانا ماقدر اخذ مانع خذيت مرتين ذبحتني في معدتي وانا معدتي بعد مب تمام عندي ارتجاع وحالتي حاله ومن غير خربطة الهرموناتوتاخر الحمل اللي عندي انا مابي احمل اللحين بس انا وزوجي متفقين هو يستخدم وقريت بعد تجارب خوفتني مادري شسوي ضايعه