حمواتك يمدحونك؟ انا لا بس يفشلوني وانا بطبعي خجولة!!!

سلام
بخش بالموضوع على طول:angry:
مرة مرة متضايقة من حمواتي(خوات زوجي)
مدري ليه حاطين دوبهم ودوبي يحبون يحرجوني مع اني وربي شاهد ماعمري سويت لهم شي
بالعكس قد مقدر احاول اكسبهم بس مافيه فايدة الكبيرة مرة جرحتني في لبس بنتي وقالت ليه ماتلبسين
بنت اخوي ماركة وانا والله مراعية ظروف زوجي اللي هو اخوها المادية مرة سيئة
انا ماتهمني الشكليات والارقام بس هم مدري وش فيهم علي مع ان المفروض ينبسطون مني عشان اخوهم:mad:
دائما اي شي يشوفونه علي يسألوني بكم؟ مو من وين؟ لا بكم؟
وقبل فترة كانو يحضرون لعرس أخوهم اللي هو اخو زوجي وكانو يتكلمون عن اسعار فساتينهم الخيالية وانا ساكته
بعدين سألتني وحدة منهم لقيتي لك فستان؟ قلت لا توي ولاحظت انهم صارو يلحون علي بالسؤال كل ماشافوني قالو هاه؟
وانا والله ماقدرت اشتري حتى اللي ب500ريال غالي علي يوم بقى على الزواج اسبوع شريت قماش ب150 وخيطته بقرية
اهلي عند خياط مرة ممتاز ورخيص ب70 ريال وباقي الحركات اللي بالفستان انا ركبتها زي السوارفسكي
والحمدلله طلع فستاني مرة نعوم وراااااقي وهو ماكلفني 400 ريال
ومكياجي انا سويته وشعري سويته ب20 ريال الله يديم الرخص المهم كلي على بعضي الحمدلله صرت مو أقل منهم في شي بالعكس يمكن غطيت على ثلاث ارباعهم مع انهم مررررة متكلفين
وحدة منهم بالزواج وانا واقفة استقبل معهم تتطالعني بحقد وتسألني بكم؟ ومن سوالك شعرك ومكياجك وانا اقولها انا
وهي كأنها بتاكلني بعيونها من القهر( مدري لييييييييييييه)
هذا اللي مضايقني ليه يسبوني ويحطموني ولا يمدحون بي شي مع اني والله امدحهم ولا عمري تطنزت على وحدة فيهم
بالعكس ودي نكون زي الخوات نتشاور وناخذ من بعض بدل ونتلابس:39:
بس مدري ليه كذا
تصدقون بالعيد مرة صادين عني كأني غريبة بينهم حسيت بغصة ووحدة وتفشلت محد يسولف معي هم وامهم عروستهم الجديدة!!
حتى بنتي مسكتها عمتها على جنب وفتحت نمرة فستانها بتشوف من وين من غير ماادري مع اني شفتها بس مابينت لها
ماحبيت افشلها



ازعجتكم ولا تدرون وش ابي من هالكلام كله بس تكفوون ساعدوني:44:
انا نفسيتي مرة زفت من اسلوبهم وثقتي بنفسي فقدتها مع ان قرايبي انا يقولون انتي اكشخ واحلى منهم
وهم غايرين منك وان الكشخة مو بالغالي بالعكس انتي اثبتي لهم ان الاناقة بالذوق مو بالسعر
بس انا مابي نكون عداوة عشان تفاهات ابي نكون كويسين مع بعض ولاقدرت
زوجي يقول ماعليك منهم ولايبيني احتك فيهم خصوصا انهم راعين مهايط وفشخرة وهو عاجبه اني بسيطة ولا اكلف
عليه بشي

طيب وش تفسرون اتصال وحدة من خواته قبل زواج اخوها باسبوع تقول وش صار على فستانك؟ مع انها ماعمرها اتصلت علي حتى وانا متنومة بالمستشفى مادقت علي؟
يعني خبر الفستان اهم من انها تحمدلي بالسلامة؟

فهموني تكفون وش يبون مني؟ وش السالفة؟ وليه اسلوبهم كذا معي؟
تعبتتتتتتتتتتتتتتتتتتتت مرة:44::icon33:



الله يجزاكم خير ياللي رديتو علي
بس خواتي مافهمتوني انا ودي اعرف هل هم متفشلين مني لاني مالبس ماركات؟ يعني يستحون من الناس لأني مرة ولدهم؟
والا تصرفاتهم تدل على غيرة منهم؟
عشان اعرف اتعامل معهم
انا مافهمت وش يرضيهم ووش يبون بالضبط؟