حمولتي 💔

بنات انا اهلي زوجي كويسين الحمدلله وانا كويسه جداً بس مدري بديت احس اني من طيبتي مو شايفيني شي ! مع انهم يحترموني بس فيه مواقف احس اشوفها يسونها واضح بدون قصد بس ماحبهاااا لاني وضحت اني طيبه شايفيني عادي عندي كل شي ! يعني مره كنا طالعين كشته ككلنااااا بحدود ٧ سيارات المهم يتوزعون هم عوايل وانا جيت ركبت ورا على ان ام زوجي بتركب معانا وغيرت رايها قالت بتركب مع بنتها المهم الا تنزل بنت اخت زوجي من سيارة امها وبتركب قدام ! على اساس عشان تصور للعايله المهم جايه بتركب قدام طيب سلمات احترميني !!! اصغر مني بالعمر بيني وبينها سنه انقهرت مرهه انا ماعندي مانع والله لو استأذنت مني عادي اقلها تحترمني وتستأذن ! مو كذا جايه تركب قدام سبقها اخو زوجي وركب قدام عاد هي ركبت ورا جنبي وانرفع ضغطها حسيت سلمات مالي رأي ؟ شلت بخاطري ! مدري وش كنت بسوي لو ركبت قدام احس زوجات اخوانهم الباقيات مايسوون فيهم كذا لا تقولو خففي العلاقه بالعكس انا ترى ماروح لهم كثير مع اننا كل الحموله ساكنين جنب بعض ٣ عماير وكلها حملوتي ماشاء الله بس والله اروح لهم بالاسبوع مره واحيانن ب١٠ ايام مره ماروح الا لما انعزم بس حتى بالمزح اخته الكبير مزحها ثقيل وطول وقتها تمزح معاي بالسوالف تافهه جداً اخر مره رديت عليها وحست اني زعلت قامت جتني ومدحتني قالت عشان تعرفين اني احبك ابتسمت لها بس انا محترمتها عشانها كبيره بالعمر بنات لو انتو مكاني بسالفة السياره وش بتكون ردة فعلك ؟ انا كويسه وهم كويسين بس كيف احط حدود لما يبغون يسون شي يعطوني خبر قبلها شوفو هم خصوصياتي ابد مادخلهم فيها وحتى هم والله مايتدخلو بيني وبين زوجي ابداً بس حزت بخاطري كثير تصير مثل هالمواقف بس انا ذكرت لكم هالموقف ذا اللي يحظرني اللحين احيانن احس لان زوجي كويس ونوعيته يمزح مع بنات اخواته ويضحك فايمونو عليه ويحبونه وبنات اخواته ترى بعمري ماشاء الله عشان كذا بنت اخته ماتجرأت الا مع زوجي اما خوالها الباقين تستحي منهم يعني احيانن يحبون زوجي لدرجة كل شي بنات اخواته يتهاوشو مع رجالهم يكلمو زوجي اي شي لهم زوجي يحله انا عادي عندي والله انا احيانن اكلملهم زوجي لما اشوفهم خايفات انه يهاوشهم لاكن احس لاني طيبه معاهم صارو يمونو معاي 🙂🙂 ومعتبريني مثل الصديقه مافيه حدود اني مرت خالهم ترى حتى لو بعمركم احترموني !! مو الميانه انك تركبي مع زوجي قدام وانا ورا !