ماقصرو البنات كفو وفو كل شي قالوه

للأسف كتبت خلطة التمر وتعبت وانمسحت بكرة اعطيك ,بانام

الصبايا ماقصرو

والاهم يحسو انهم مو ثقيلين عليك كلهااسبوع ويروحو

الله ييسر عليك ويعينك ويجملك مع زوجك واهله
لاتركزين عالكبسه لاني مثلك ماأظبطها كثييير وفي المقابل دجاج متبل يتحمر في الفرن مع رز ابيض يعوض ويعجب اللي متعود على كبسة الدجاجواذا كبسة لحم اخذت من المنتدى طريقة لحم مشوي في الفرن والله العظيم تبيض وتجمل الوجه مع رز ابيض وسلطة
اكثر الشياب يحبون الخضار بدون قلي وعندي طريقة سهلة جداً وتبان حاجه متعوب عليها وهي دجاجه تقطعينها من ست إلى ثمان قطع وبطاط وحبتين كوسه ومثلها باذنجان وجزر تقطع ارباع بالطول وتوضع في قدر الضغط وضبطي بهارات وملح على ذوقك واذا حبيت ماجي واضيفي شرايح بصل اذا حبيت وفلفل بارد بدون ماء وزيت واذا تبغينهاحاره فلفل حاروغطي قدرك زين وشغلي النار واذا سمعت صوت صفير القدر احسبي تقريبا ربع ساعه ويكون الغدا جاهز وطبعاً يقدم مع الرز الأبيض واذا كنت رايقه ويعني اني تعبت بعد ما يستوي وكون جاهز اضعه في بايركس قزاز وادخله الفرن كانك صينية خضار بالفرن
ولاتنسين كبار السن وحتى الشباب يحبون خبز البيت سواء فطور او عشا جربي طريقة عجينه قالت لي وحده الله يسعدها ويوفقها ويرزقها من حيث لاتحتسب لما قلت لها الخبز مايضبط معي يطلع قاسي قالت سوي عجينة الفطاير ولا البيتزا لكن حطي نص كمية الدقيق اسمر وادهني الوجه بشويه صفار بيض وانا صرت استخدم عجينة العشر دقايق والله خبزي صار مميز وحتى الحريم الكباريسألوني عنه
انا انصحك طبعا زي ماقالوا الصبايا تنظيف البيت ولا يبان قدامهم ابداً كثرة اغراضك وقاضيك وتسوقك
اعملي قائمه بوجبة الغدا لأسبوع وطبعاً الفطور من اكلاتكم الشعبيه يوم ويوم فول وتميس وكبده ويوم خبز بيت مع نواشف
طبعاً انا ما اهتم بالحلا البارد يعني ممكن لوبسوي يوم وثلاثه لا ويكفي كريمه او مهلبيه لان وقت الغدا زحمة شغل وخاصه نافيه بنات يساعدونك يعن الفرش والترتيب والطبخ وبعدها مواعين وتبخير البيت تعودي باب المطبخ مقفول علشان ريحة الطبخ ماتلخبط البيت حتى وانت لحالك ومروحة الشفط تشغلينها وتقفلينها قبل النوم
وبعد الغدا الله يعينك شاهي وبعد ماتغسلين مواعينك قهوه وكيك ويوم بسبوسه ويوم تمريه ويوم جوزيه ويوم كنافه سوي الاشياء البسيطه المضمونه واحذري تجربي حاجه جديده قدامهم
اجهز الشيره دائما في الثلاجه
خلي الفتره هذي تجارب غدا وحلا وخبز واللي يضبط رتبيه في قائمتك
الله يسخرهم لك ويعمي عيونهم عن اخطائك وعيوبك ...ودام نيتك طيبة وحريصه عالجميل إن شاء الله تعدي الاجازه خفيفه وانت راضيه وهم مبسوطين وزوجك مفتخر فيك  

الله يسر امرك زيني معجنات وسمبوسه وع التفريز اشتري مكسرات وبيتفور وبالنسبه للرز جربي الشعلان وابدي من الحين تجارب لين يظبط وقدر الضغط من سب روعه للكبسات قللي الماي ع الرز وقصري من البداية وعشر دقايق وهو خالص وبالتوفيق