زوجي طيب جدااا لكن عنده مشكله الا مصيبه بعد واللي ماتكمل الموضوع ما استفدنا شي
عمرنا ماكلنا بمطعم الا وتوصلهم صور الاكل اللي طلبناه و قبل لانبلع اللقمه ورب الكعبه هم شافوها من تصوير زوجي
عمرنا ماطلعنا لسوق الا ويتصل عليهم ترانا الان موجودين بالسوق الفلاني
اهله لو سافروا يعلمهم وش المطاعم اللي اكلنا فيها بالبلد اللي سافرنا لها ويعلمهم باسماء الفنادق اللي نزلنا فيه واقنعهم ينزلون بنفس الفندق وهم ماصدقو خبر طبعا نزلو بنفس الفندق لقااافه وعلمهم وش الاكل اللي كلناه باللوبي حق الفندق اللي كنا فيه قالهم عليه وهم على طول كلوا منه
وعلمهم وش الصالون اللي أنا رحت له لما سافرنا قال لاخواته عليه وراحوه ركض طبعا اللقافه لابد منها
اهله ساكتين ومبسوطين لما ولدهم يعطيهم التقارير اول بأول.
والله ثم والله مانغادر من مطعم الا ويتصل عليهم وحنا لسه بالسياره قبل لانوصل ل بيتنا هم وصلهم التقرير طلبنا كذا والمنيو فيه كذا وكان جمبنا عايله كذا والجرسون قالنا كذا وشربنا كذا يعطيهم تقرير مفصل من ساعه جلوسنا بالمطعم لين نركب السياره وش صار ووش ماصار عندهم الخبر، حتى الكبينه اللي جلسنا فيها يصورلهم اياها حتى السقف يصوره ويرسلهم،وهذا الكلام من يوم زواجنا إلى هاليوم.
لو قلتله ودني المكان الفلاني وهو مايعرفه وعجبه المكان يرفع جواله و يدق عليهم والله انصحكم بالمكان الفلاني رهييب ويعطيهم العنوان قدامي والاسعار والتفاصيل لدرجه احس ان العرق يصب مني من القهر
هو واهله مسويين قروب بالواتس القروب هذا كاشف بيتي واكلي وشربي ومشترياتنا وتمشياتنا في السفر والغرف اللي نستأجرها والفنادق وديكورنا وكل شيء بحياتي يطلع على هالقروب والسبب من زوجي و هم على انهم اصغر منه الا انهم شاطرين مايرسلون شيء واذا ارسلو يلمحون لزوجي لاتعلم فلانه اللي هي أنا طلع زله من لسانه كم مره انهم متحفظين علي أنا .
اخواته عمري بحياتي ماسألتهم على اي شيء لالبس ولاسوق ولااسأله خاصه لاني محترمه نفسي وبيوم وحده منهم سوت فطاير تصرع وكانت هالفطاير الشي الوحييييد الوحييد اللي سألتهم عليه وياليتني ماسألت سوت نفسها مو سامعتني وجلست تناظر التلفزيون كررت سؤالي عشان اتأكد هل هي خبيثه ولا فعلا ماسمعت وفعلا طلعت خبيثه ماشالت عينها عن التلفزيون وصارت تكلم اختها يعني انها موسامعه وعرفت موية اهله بالذات اخواته الوسخين يعني ياخذون من اخوهم كل علومي وشايفين حياتي مستخسرين فيني طريقه فطاير؟؟؟!!!!
والله لو ضيف يبي يجيني اهله عندهم الخبر قبل لا الضيف يوصل عندي، لو صار عزا وقلتله وديني يروح يكلم امه يعطيها خبر حرمتي بتروح عزا بيت فلان ومرات يقولي امي بتجي معك، امه عندها علم بكل زياراتي وزيارات الناس لي عزيت مين ووجبت مين وزرت نفاس مين ورحت خطوبه مين وعايدت بيت مين حتى في العيد جاها تقريربالبيوت اللي عايدناها .
مافي هيبه ولاخصوصيه حياتنا مكشوفه بالكامل.
لو رفعوا راتب زوجي يروح يعلم امه واخواته واخوانهم كلهم يدرون بزياده الراتب
طيب ليــــــه النذاله حقهم إذا هو سخيف وغبي هم المفروض يقولون له عيب هذه اسراركم لكن بالعكس فاتحين اذونهم عالاخر وامه واخواته مكيفين على غباء زوجي وماغير كل 3 ايام امه داقه على جواله ها وش الجديد؟ اسمعها لان صوتها عالي لما اكون جمبه يقول مافي جديد وبس ادخل المطبخ يرجع يتصل عليها وهاتك يالعلوم مايخلي شيء الا ويقوله
ولو امه جات بيتنا لازم يمسكها ويقولها تعالي اوريك البيت ويدخلها كل غرفه وكل شبر وكل زاويه كل شيء يوريها اياه لو ورده شريناها يقولها شوفي وش شرينا مع انها عارفه وحافظه بيتنا مو شيء جديد عليها
اخرتها برمضان صار موقف كبير وكانت اللي صار عزمتها برمضان و أنا كنت بالمطبخ وحوسه اثاري زوجي المصون مدخل امه غرفه نومي وهي حافظه شكل غرفه نومي مو جديده عليها لكن لاني مشغوله بالمطبخ استغلت الوضع تمااام وكانت الغرفه مكركبه ومو مرتبه وربي الهمني اني اطلع من المطبخ على اساس اجلس مع عمتي بالصاله لاتكون لوحدها الا وانصدم انها بغرفه نومي وجالسه كمان على تسريحتي وزوجي فاتح خشته ويضحك ويقولها شوفي فتشي الغرفه زين يمه يعني انه يمزح
كل مواقف زوجي مع اهله احط الغلط على زوجي واركبه الغلط بالكامل الا بموقف غرفه نومي الغلط والعيب على امه يعني حتى لو ولدها دخلها غرفتي المفروض شافت صاحبه البيت حايسه بالمطبخ وماعندي خبر انها بتدخل غرفتي ولا استأدنتني المفروض تحترم نفسها وتحترم عمرها وماتطاوع ولدها صح ولاانا غلطانه؟
أنا عاده ما اقفل غرفتي لسببين اولا لان غرفتي تطل عالصاله مباشره يعني احس كأني عيني عينك اخبي عنهم غرفتي والسبب الثاني عاملتهم على اخلاقي لاني توقعتهم مثلي، أنا لو اشوف غرفه صاحبه البيت مفتوحه تنقص رجلي ولاادخلها حتى لو هي قالتلي تفضلي
على قد ما زرت بيت عمتي ورتني بيتها بالكامل الا انها ولايوم قالتلي تعالي شوفي غرفه نومي ماعرف وش لون غرفتها هل هو اسود ولاابيض ولا احمر ولا اعرف وش شكل غرفتها ولا حجمها ولااااشي، على اني لي فتره معاشره حمولتي ما شفت غرفه نومها نهائي، ماشفت الا باب مصكر بالمفتاح تخاف على غرفتها مني كأني حراميه طيب ليه تقتحمين غرفتي بهالسوقيه دامك مصكره باب غرفتك وتترعبين لا المح غرفتك حتى لمحه من بعيد؟؟
(يا اخوات ابيكم تفهمون شيء أنا من يوم تزوجت ولدها عمري بيوم والله العظيم مافكرت بغرفه عمتي ولاجاني فضول حتى اني اعرف وش شكل غرفه نومها او ليه مادخلتني او او او ابدا ماجتني هالتساؤلات الا لما هي دخلت غرفتي بدون علمي فمن القهر قعدت اقارن بيني وبينها) انا دايما ادخلها غرفتي وما اخليها تصلي الا بغرفه نومي (والباب مفتوح طبعا).
اهل زوجي بشكل عام يكتمون على امورهم ولما يبون يسافرون او يسوون شيء مايعلمون زوجي الا قبل بكم يوم تدرون ليه؟ لانهم عارفين ولدهم يفلت علومنا عندهم ف يخافون لا يفلت علومهم عندي فيكتمون عنه ويخبون.
طيب وش ذنبي أجل ان كل حياتي تحت عيونهم لان اللي عندي مايمسك لسانه؟
أنا بصراحه كرهت اهله حيييييل عارفين ولدهم غشيم واللي بقلبه على لسانه ماصدقوا خبر حياتي صوت وصوره تحــــت عينهم واذونهم وهم شادين حيلهم بالسمع والنظر حسبي الله بس.
تخيلو مره زعلوا قدامي على زوجي وكانو بيسبوه بس مسكوا نفسهم باخر لحظه استحو من وجودي والسبب عشان زوجي وراني صوره قديمه لـــه هم حاطينها بالقروب تخيلوا زعلو اني شفت صوره زوجي؟؟ بس عشانهم محتفظين في الصوره اعتبرو مالي حق اشوفها وكانو بيهاوشوه ليه وراني الصوره ؟!!!!
ومره حصل موقف ما انساه لا لزوجي ولا لاهله راحو يتمشون وانا وزوجي بالبيت اشوفه ماسك جواله وفاتح فمه ومنسجم اكلمه مو سامع قلتله يافلان اكلمك وش فيك؟ قال لا بس اهلي قاعدين يرسلون صور كشتتهم وكانت اول مره اواجه وحبيت اختبر زوجي قلتله يرسلون لك ولا توريني انا؟ غير الموضوع على طووول والمشكله تدرون من اللي ارسل صور الكشته اخواته اللي اصغر منه ب20 سنه خايف منهم تخيلو؟ ما قلت لكم يهاوشونه؟؟؟ لكن اذا سمحوله يوريني زوجي طيب لكن يخاف منهم
طبعا ما الحيت عليه ولاكررت طلبي من الاساس بس كنت ابي اختبره وطلعو اهله من جد انذاااال يوصونه يخبي عني استغلو انه يخاف منهم ومن اخواته المشكله اصغر منه بكثييير.
اكثر شيء شايله همه دايم زوجي يلمح انو لو جانا اطفال راح يعيشون اغلب وقتهم عند اهله يتحجج يقولي ابيك ترتاحين واهلي يشيلون التعب عنك و هو كذاب يبي اهله يربون اطفالي على مزاجهم وعلى كيفهم وعلى اخلاقهم وطريقتهم حتى تربيه ابنائي يبيهم يشاركونا فيها كل تلميحاته وكلامه كذا وحمولتي بالاساس لما شافو زوجي كل شارده ووارده عندهم صارو يرمون كلام عن طرق تربيه الابناء وينقدون على طريقه تربيه فلان وعلان لسه ماتزوجوا ومنصبين انفسهم مربيين ماشاءالله أجل وش بيسسون بعيالي بالمستقبل؟!! اللي هم عيال اخوهم الضعيف اللي ماله كلمه عليهم؟؟؟
وعشان اكون منصفه امه طيبه وانا بعد اطيب منها ماقصرت معاها اعاملها احسن من معامله بناتها بعظمه لسانها تقول
وزوجي طيب مره لكن هل طيبتهم مبرر لاني اسلمهم حياتي بهالطريقه؟ اجل بكره عيالي مالي كلمه عليهم ولاراح يحترموني ولايخافو مني لان اهل زوجي فيهم تسلط وشخصياتهم شوي قوويه عكسي أنا هادئه واكيد الاطفال مايحسبون حساب للهادئ
واذا زوجي اكبر غلطان ف استحلفكم بالله وش رايكم بأهله لما كل شيء يسوونه او مكان يروحونه او صوره يرسلوها لزوجي يحذروه لاتعلمني؟ كم مره يطلع من لسان زوجي يقولي اهلي ارسلولي او راحو المكان الفلاني وبعدها ينبهني لاتقوليلهم اني علمتك معليش بيزعلون !! طيب لما ولدهم يجبلهم تقارير حياتنا اليوميه ليه مايسكتونه ويقولوله هذه حياتكم عيب تعلمنا فيها ؟ ليه يسمعون وهم مستمتعين ومكيفين؟؟؟ عساهم للوجع يوجعهم!
أنا اعصابي تعبت مرره مرره
زوجي عمـــره بالثلاثينات
هيبه ورزه @hybh_orzh
عضوة نشيطة
يلزم عليك تسجيل الدخول أولًا لكتابة تعليق.
ضيء الفجر
•
ياختي طيب انتي ليه ماتفهمين زوجك ان حياتكم لازم فيها خصوصيه وانه مايصير كل شيء ينقله لاهله وان هذا الشي يضركم انتو من باب الخوف من الحسد يعني انتي وعي زوجك وثقفيه وانه مو كل شي يقال
تفاهمي مع زوجك بشأن دور الأهل فى حياتكما حتى تتأكدى أنكما متفقان، اتفقى معه على المجالات المسموح وغير المسموح للأهل بالتدخل فيها، والحدود التى توضع مع الأهل
تفاهمي مع زوجك بشأن دور الأهل فى حياتكما حتى تتأكدى أنكما متفقان، اتفقى معه على المجالات المسموح وغير المسموح للأهل بالتدخل فيها، والحدود التى توضع مع الأهلتفاهمي مع زوجك بشأن دور الأهل فى حياتكما حتى تتأكدى أنكما متفقان، اتفقى معه على المجالات المسموح...
كم عمره¿¡
شكله صغير سن باين من تصرفاته ماعنده خبره...
شكله صغير سن باين من تصرفاته ماعنده خبره...
والله كانك تتكلمين عن طليقي بس الفرق ان طليقي كبير عمره 37 لكن شخصيته ضعيفه
انتي لازم تقعدين معاه وتكلمينه وتفهمينه ان حياتكم لها خصوصيتها محد يدخل فيها سوا اهلك اواهله ومع الوقت بيتعود ان شاءالله
انتي لازم تقعدين معاه وتكلمينه وتفهمينه ان حياتكم لها خصوصيتها محد يدخل فيها سوا اهلك اواهله ومع الوقت بيتعود ان شاءالله
تفاهمي مع زوجك بشأن دور الأهل فى حياتكما حتى تتأكدى أنكما متفقان، اتفقى معه على المجالات المسموح وغير المسموح للأهل بالتدخل فيها، والحدود التى توضع مع الأهلتفاهمي مع زوجك بشأن دور الأهل فى حياتكما حتى تتأكدى أنكما متفقان، اتفقى معه على المجالات المسموح...
انا من راي الاخت
الصفحة الأخيرة