الله يعينك اختي على زوجك صراحه شيء يقهر
وبالنسبة لبعض الردود والدفاع المستميت عن الزوج واهله
لو كل وحدة حطت مكانها محل صاحبة الموضوع لماتت من القهر
خلونا عن المثالية اللي مال امها داعي
الرسول صلى الله عليه وسلم يقول اقضوا حوائجكم بالكتمان
ومثل مافي زوجات يحبون المشاكل مع اهل الزوج اكيد في اهل زوج يحبون المشاكل
وهي ماقالت تبي تمنعه من اهله تبي يترك هالطبع الشين
استغرب من اللي تترك صلب الموضوع وتمسك التوافه
ياناس اتقوا الله حطوا محلكم محلها تبي المشورة وكليتوها بقشورها
الله يعطي العافيه كل وحده ترد بذوق وادب وتنظر للموضوع بحياديه وتحكم بحق
وكلنا خوات لازواج واهل زوج لزوجات ولدينا اهل زوج وعاشرنا اجناس مختلفة لكن نعامل الجميع بما يرضي الله ولو كنا محلها مارضينا بهالحال ابدا

واتوقع الاخت منجو كفت ووفت اتبعي اللي قالته
ربي يهدي زوجك ويسخره لك ويترك هالطبع لانه مايليق برجل ابداً

اتفق مع الأخت دلوعة في كلامها ليه دائماً اذا كان الشي على غيرنا سهل وتافه ولا يسوى ولو كان علينا قامت الدنيا ولا قعدت أنا لا اقصد الأخوات اللي ردوا. لكن اقصد النماذج اللي نشوفها بالحياة لازم مرة الولد ولازم ....و..و والقائمة تطول لكن بنتهم ماهو لازم تسوي اقل شي. لزوجها وأهله ليه. لازم البعض يعرفوا كل صغيرة وكبيرة ببيوت الناس وبالمقابل ييحيطون بيوتهم وخصوصيتهم بحصون. فولاذية لماذا نرى هذا التناقض العجيب بعض الحريم لما تجلسي معها تفكري انك جالسه مع ضابط تحقيق من كثرة اسئلتها وفضولها تسال بكل شي حتى الجلسة معها ممله لكن تعالي اسأليها .الله يعينك على اللي بتسمعيه منها ياليت بعض مما نراهم في مجتمعنا يعي ويفهم ان الحضارة والرقي ليست بلبس اخر ما انتجت دور الأزياء. وليست في اقتناء أفخم الأثاث وليست في السفر لهناك وهناك لكن الحضارة في احترام خصوصية الآخرين وعدم التدخل في شؤونهم وترك القيل والقال والتسامح والظن الحسن

الله يعيني. ويعينك والله مجربه حاسه بكل كلمة قلتيها اي شي عندي كل الناس تدري فيه وانا عندي صامت ما يقول لي اي شي دائماً أنا آخر من يعلم ي ليت بس هذي المشكلة هذا غيض من فيض الله يرحم حالي ويفرج كربي ينصرني على من ظلمني وآذني حسبي الله ونعم الوكيل اختى اسأل الله ان يصلح لك زوجك

حبيبتي كل الكلام اللي كتبتبه كان لازم تفضفضيه على زوجك... خليه يعرف ان اللي يسويه غلط و ان هالحياة مو حياته لوحده انتي شريكه له... زوجك تطبع بطبع و عنده صعوبة يبطل هالعادة.. انتي و شطارتك حاولي انه يبطل هالعادة و إن شاء الله راح يقدر بمساعدتك...

يؤؤ الله يعينك على هالعيشه والله ينرفزون يختي لازم تجلسين مع زوجك تفهمينه ان لازم تكون لكم خصوصية وان ماتعدل معك دخلي اهلك يتفاهمون معه وش هالرجال كل شي يعلم اهله فيه اعوذ بالله وانا اقرا موضوعك تنرفزت مدري كيف صابره ومتحمله انتي الى الحين شافوك طيبه وتجاوزوا حدودهم صحيح هالدنيا مايعيش فيها الطيب مايبي لهم الا وحده مثلهم توقفهم عند حدهم الله يعينك ويصبرك