رحوووبه :

*دلع بنات* :

هلا هلا فوتوشيني نورتي فعلا أنا ناويه أكسب أهل زوجي الدنيا فانيه والحياة قصيرة ما ودنا نقضيها بمشاكل ومضايقات :)

هلا هلا فوتوشيني نورتي فعلا أنا ناويه أكسب أهل زوجي الدنيا فانيه والحياة قصيرة ما ودنا نقضيها...

بالونة فوشية :

هلا بدلوعتنا:) وانا بالونه فوشيه حبيت اساعدك وارد على اسئلتك أولا مبروك والله يوفقك ويسهل امورك وهذي هديه مقدمه مني لك:26: كيف أتصرف في بيت حمولتي؟؟ مفروضاً متى أصحى من النوم؟؟ << أنا في بيت أهلي مدلعة مررررررررره ولا أسوي أي شيء مع إن ما عندنا خدامة لكن أنا آخر العنقود والوالدة مدلعتني حيل حيل أصحى متى ما أبي وأنام متى ما أبي إذا صحيت أنزل عند (خالتي وخالي) <<< أول مره أنطقهم خخخخخخ بما ان زوجك يشتغل فانزلي افطري معهم اوسع لك صدر،، بس مو تتاخرين وتجين وكل شي محطوط حاولي تقومين بدري شوي وتنزلين تساعدين خالتك اذا كان ماعندهم شغاله،،،وحاولي تسوين شي يحبونه وعندك مثلا البيض بانواعه والمنتدى مليان باشكال وانواع للفطور بس عاد لاتنسين انهم اذا صاروا كبار في السن فمايحبون الاشياء الجديده كثير يعني لايضيق صدرك وحاولي تسوين الاشياء اللي يحبونها الكبار مثل المصابيب والفول ووو... واذا خلصتوا طبعا انتي شيلي الاكل:angry: ------------------------------------------------------------------------- أجلس معاهم كثير وإلا أنطق بغرفتي أحسن لي وعشان هم ياخذون راحتهم؟؟ هذا يعتمد على طبع حمولتك وهذا بيوضح من معاشرتك لهم،،، لكن عموما انصحك بالوسط يعني مو لزقه 24ساعه،، ولا مختفيه تماما في الغرفه:) ------------------------------------------------------------------------- عادي إذا اشتهيت حلى قهوة أروح أصلح وإلا يسوون لي مشكله!! << ما همني إلا بطني خخخخخ بالعكس الا البيت بيتك خلاااااص لكن لاتنسين اذا سويتي اي شي قدمي لهم منه مو تتوزين في غرفتك انتي وزوجك وتاكلون بلحالكم:angry2: ------------------------------------------------------------------------- ألبس جلابيات على طول في البيت وإلا أغير بسبورات في البدايه ماانصحك بالجلابيات خلي لبسك ناعم وحلو واهم شي ساتر ومع الوقت البسي جلابيات اذا تبين ----------------------------------------------------------------------- << جلالي أعلقه في رقبتي على طول وإلا أنطله << منيب سنعه أبد إلا على طاري جلال << كم أشتري من واحد؟؟ خخخخخخخ جلالك خليه على كتفك علطول ازين لك عشان لو دخل اخو زوجك فجاه تقدرين تتغطين بسرعه ،،خاصه وانه اكيد ماتعود:arb: وطبعا خذي 3-4 اجله لانها تستهلك كثير وبشكل يومي وعلطول يطيح عليها شي او يجيها اكل وانتي تاكلين فخذي احتياطك اريح لك.....ولاتنسين انه جلال يعني للستر فحاولي تاخذين الوان غامقه وهاديه --------------------------------------------------------------------- هل كل ما طلعت لغرفتي أخلي علي جلابيتي وإلا أغير لأجل عيون العريس << فاضية أنا كل دقيقة ألبس شكل !! في البدايه اكيد بتغيرين وبتلبسين شي خاص لزوجك يعني ماتقدرين تلبسينه برى مثل البناطيل والكت والشورتات وووو....وانتي تعرفين الباقي:icon28: -------------------------------------------------------------------- ألقي السلام على أخوه إذا مريت وكان موجود وإلا أسفهه ؟؟ طبعا سلمي عليه وحاولي تتعودين من الاول علشان يروح الحياء --------------------------------------------------------------------- إذا طق أحد علي باب الغرفه أخته أو أمه أدخلهم وإلا أنا أطلع لهم وإلا أكلمهم من ورا الباب <<< يقطع أبو السؤال بالعكس سؤالك مره مهم وانا من رايي تطلعين لهم لان غرفتك هي كل خصوصياتك وعلشان مايتعودون على دخول الغرفه،،،لكن لامانع انك تدخلينهم اذا شريتوا شي جديد لغرفتكم يشوفونه... واهم شي انك تخلين غرفتك على سنقه عشره اذا دخلوها لان شكلها يدل على شخصيتك ونظافتك وترتيبك وهذ اللي يرسخ في بالهم عنك ------------------------------------------------------------------ والله ما أعرف شيء أبد كلنا كنا مانعرف لكن الايام تعلم الكل،،، واذا عندك اسئله ثانيه احنا في الخدمه ونحاول نفيدك وطبعا مو كل اللي قلتلك فيني لكن الواحد اذا احد سئله يعرف يفكر ويجاوب لكن اذا انحط في الموقف معد عرف يسوي شي:icon33:

هلا بدلوعتنا:) وانا بالونه فوشيه حبيت اساعدك وارد على اسئلتك أولا مبروك والله يوفقك ويسهل...