حمولتي والطبخ

السلام عليكم
كيفكم ان شاء الله كويسين
انا داخله على الله ثم عليكم انا حرمه الطبخ عندي وسط والله الحمد
مو هنا المشكله المشكله في اهل زوجي ماشاء الله تبارك الله بناتهم طباخات على مستوى ايش كبسات ايش اسرار بالطبيخ والله تطيح عيوني من شي يقدمونه وفطاير واشياء غريبه والله يابنات اني انهبل احيان يتكلمون عن اشياء يحطوها مع الكبسه حتى السكر واسرار اتحدى احد يعرفها
وتدرون مو هنا مشكلتي المشكله كمان بحريم اعيالهم الثانيات بعد طباخات والله العظيم زوجي بهدلني تحطيم
ماتعرفين تطبخين واكلك مو حلو شوفي مرة اخوي وشوفي اختي والله انقهر محد راضي يساعدني اسألهم كيف سويتي عجينة الفطاير تقول ماء وطحين وماتحدد الكميات وتنقص اشياء الله يهديهم
والله اجيب معاي لهم حلى وفطاير مايذوقوها ولايمدون ايديهم عليها والله اني بكيت من القهر والاحتقار لطبخي ولي وانا مستعده اخليكم حكم وانزل صور طبخي مهي شينه ولاطعمها شين بس هم مدري ليش كذا
ابي مساعدتكم تكفون ابي كتب طبخ تعلمني اهم شي الفطاير وتشكيلها وحشواتها والحلويات الغريبه لاني متاكده ان عندهن كتب طبخ ومايطلعونها ولايعلمون احد عليها
والله اللي تساعدني باي شي سواء اسم كتاب طبخ او رابط موقع اتعلم منه حركات واسرار والله لدعيلها ان ربي يرزقها اللي تتمناه وتحلم فيه بالدنيا والاخره