مرحبا يا حلوااات.........
خبرتي مع أطفالي لا أبخل بها عليك...خاصة اذا كنتي بعيده عن الوالدة من بيرشدك؟
1-كانت بنتي تمرض وانا أهمل استخدام القطرة لحد ما نبهتني وحدة لها ...
استخدمي القطرة أول ما تحسي ببدابات الزكام عنده...عشان ما يتجمع الوسخ في الجيوب الانفية وينزل الزكام في الصدر
2- اذا شفتي طفلك يكح ويعطس بنفس الوقت وطوال الوقت اذن يحتاج مضاد حساسية ..كلارتين مثلا..والجرعة حسب عمره.الدكتور بيوصف بك..الي 10 شهور ملي واحد والي سنتين 2ونص ملي
3- الحمي درجة 37ونص أو 38 اعطيه كالبول..بيأخذ مفعوله بعد ربع ساعة..حطي له كمادت ماي دافي وبعيد عن التكييف
4- اذا الحرارة أكثر من 38 جا وقت التحميلة....بتريحه 5 ساعات
5- البخاخ أحسن من دواء موسعات شعب هوائية ..فلا تقولي ابني بيتعود عليها لآن البلغم اذا تجمد صعب يطلع
ولازم شي يخليه لين
6- ابنك مب مثل ابن اختك...هو لازم يتعالج مع دكتور والثاني امه تعالجه في البيت ويخف بفضل الله
7-المضاد الحيوي ينعطي حسب وصف الطبيب..كل 8 ساعات مثلا جرعة الساعة 10 مساءا والثانية 7صباحا والثالثة 3ظهرا...اقل شي 3 ايام ..
8-الفكس زين للصدر ...وايضا خلطة عسل وزيت زيتون وليمون ممتااااازة
9- اذا مرض ابنك المكيف طفيه لا تشغليه ابدااااا..صدره بارد والمكيف يدخل هواء بارد كمان!!
10-التسنين: بتلاحظي اللثة وارمة والولد يبكي بكاء خفيف متواصل..ادهني لثته بمرهم تخفيف الاام التسنين بتحصليه فالصيدلية...والتسنين يسبب حرارة خفيفة وليونة في البراز
11-الدكتور قال لا تعطوا اولادكم مسكن عن الكحة فقط...اذا كان عنده بلغم...لان الكحة هي الي تنظف الصدر والحل انه يشرب موسع ضعيبات هوائية ومسكن الكحة حسب وصفة الطبيب
12- فطريات الفم البيضاء علاجة انه يشرب ماي وبتروح على طول بعد يومين خاصة للرضع
13- حلمة الرضاعة لازم تنحط في ماي حار يوميا والا عاشت عليها الفطريات وصارت لوعة
-- حليب الطفل البودرة..حطي ماي مسافي او اي ماي من السوق مب لازم تسخنيه ونمنظري يبرد والطفل يصرخ
14- حطي قفشة عسل فماي واعطيه لطفلك يوميا لحد ما يكبر...واحد متبع هالطريقة بفضل الله عياله ما يمرضوا
15- اذا طاح على طول سخني ماي وملح وخليه يبرد وحطيه على رجله ا راسه..واذا صفتي تجمع دم سخني كركم وملح وشويييية ماي وحطي على المكان لحد الصبح بيروح الدم
16- اذا طاح وانتقخ جزء من راسة سخني تمر وملح وحطي على راسه بينزل الورام
أرجو منكن الدعاء لأختي بالزوج الصالح عاجلا غير آجل)))9
أسوار قوية @asoar_koy
عضوة مميزة
يلزم عليك تسجيل الدخول أولًا لكتابة تعليق.
الصفحة الأخيرة
استفدت منك