حمية قوس قزح

بسم الله الرحمن الرحيم

مرحبا ياأحلى البنات كيف احوالكم؟
عندي اليوم تساؤل وش رأيكم بحمية قوس قزح ؟ زي ما يسمونها
انا قرأت عنها وهذي الحمية وضعها اختصاصين فرنسيين في محاولة منهم لمكافحة السأم الذي يصيب الكثير من الاشخاص الذين يحاولون تخفيف اوزانهم ونظامهم هذا يعتمد على تناول أطعمة من لون واحد فقط ويقولوا ان هذه الحمية تلاقي رواجا ونجاحا لدى الكثيرين
اليوم الأول يوم الأطعمة البرتقالية
اليوم الثاني يوم الأطعمة الحمراء
اليوم الثالث يوم الأطعمة الخضراء
اليوم الرابع يوم الأطعمة الصفراء
اليوم الخامس يوم الأطعمة البيضاء
طبعا ماتاكلين اي شئ على كيفك تحت كل يوم في النظام حقه اذا فيه وحده تبيه اكتبه لها مستعدة
بس انا اشوف هذا الرجيم لاكسر سأم ولا يحزنون زي مايقولون كل يوم نظام ثابت زيه زي غيره صح ولا لأ يابنات؟
وهل يترى الألون لها دخل بالتخسيس؟
يمكن يابنات في نهاية هذا الرجيم يصير الوجه ابيض من غير كريمات التفتيح والخدود حمراء من غير بلاشر والشعر اصفر من غير صبغات والعيون خضراء من غير عدسات (اتغشمر وياكم ):42:
بس والله احسهم يضحكون علينا لانهم شايفين كيف احنا متلهفين على الرشاقة ترى والله النظام حقه مايختلف عن انظمة الرجيم الثانية بس من جد من جد ابي اعرف رأيكم فيه لأن اختي تشوفه رائع وانا ماأشوفه كذا اذا ماتعرفونه وتبونه حكتبه لكم واعطوني رأيكم بصراحة