السلام عليكم ورحمه الله وبركاته
بنات في حناء اكتشفتها الوالده مو طبيعيه ماما شعرها مره جاف ولمن حنته فيها محد مصدق انها حنه يقولوا صبغه لان الحنه مره تنشف الشعر وهيا شعرها زايده رطوبته
انا حاقلكم ايش جربنا من المحل
انا جربت شامبو يسوي كونترول عالدهون والله يابنات جلست كم يوم مااتحممت لاني كنت في بدايه الدوره
وشعري نفس اللمعه ونفس الكثافه مافيه اي دهون الين مارجعت اتروشت وهوا لسه ناشف مو مزيت
ومعاه ماسك وبلسم ومع الاستمرار يخفف التساقط بس انا مو مركزه عالتساقط فما انتبهت في فرق ولا لا
ماما شعرها عكسي مره جاف
استخدمت من عندهم صابونه وبلسم طبعا اغارضهم ريحتها جنان ومره فواحه
والله يابنات ماما كانت لمن تصحى شعرها مره طاير صاير كانها داهنته كريم من كتر طراوته ورطوبته
وصار الاستشوار مره اسهل اصلا صارت ماتستشوره كل يوم لانه طري ومرطب كانها حاطه كريم
وجربت الحنه
الحنه متوفره بالاسود والبني والاحمر والكستنائي
والحنه معاها زبده كاكاو
تخلطيها مع مويه وتحطيها
والله يابنات طراوه روعه واللون الابيض اختفى بس ماما حطتها كم مره عشان يختفي الابيض كويس لان مع البرد انا باقلها لاتخليها كثير خايفه عليها
وهيا استخدمت البني
والله درجه البني طلعت خطيره يني شوكليت طبيعي مره خيالي عجبني عليها اللون اكثر من الصبغات
ورجعت اشترت منها حبتين عشان تسوي لجدتي لان شعرها جاف
وانا من الحماس نفسي اجربها مع اني احب الاشقر دايما
وهذا المحل موجود في المدينه في الراشد
واسمه لاش
lush
وترى كل اشياءه رهيبه الصابونه من عنده خلت ريحه غرفتي مره فايحه فيها
وحتى مزيل رائحه العرق مره عبى ريحه الغرفه
والصوابين حقت البشره الدهنيه حلوه اخويا جرب الفحم والبابونج
واحلى مافيه انه كلها طبيعيه ميه بالميه
انا مره عجبتني فكرة الحنه لان كثير متعقدين من الحنه من جفافها للشعر وبكده انحلت المشكله
لايفوتكم المحل
المجهولة9 @almghol9
محررة فضية
هذا الموضوع مغلق.
جزاكي الله الف الف خير
في احد يعرف اذا موجود في جده
انا في محل في الروشان مول تقريبا زي ماوصفتيه بس مدري اسمو لا ش ولا لأ
في احد يعرف اذا موجود في جده
انا في محل في الروشان مول تقريبا زي ماوصفتيه بس مدري اسمو لا ش ولا لأ
الصفحة الأخيرة
وفكرة الحنا عندهم فضيعه دخلت راسي
ودي اجرب الاسود
لان الحنا العاديه تقلب الشعر احمر وما احب الاحمر وووووووووووووووااااع
مشكوره
والله يحفظلك الماما