حنا بنات الوطن

حنّـا بـنـات الـوطـن وشـمـوع ديـجـوره
وحنـاّ بنـات الـوطـن وأحـلـى سعـوديـه
منابـت المجـد وأصـل المجـد والصـوره
مــرابــط الــعــز وســبــوق الـنــداويــه
منابـت الملـح وأصــل الــورد وزهــوره
مـكـاسـر الـعــود والـنـفـحـه سـمـاويــه
عذبات الانفاس وأغلى المسك وعطوره
نفـحـات الاشـجـان والنـسـمـه ربيـعـيـه
فـوح الخزامـى بـروض ٍ قيـل ممـطـوره
قـدِ علّـهـا مــع بـكـور الـوسـم وسمـيـه
حـنّـا بـنـات الـوطـن سكـنـاه وخـــدوره
حـنّـا بـنــات الـوطــن والـثـقـل مـاريّــه
يالـلـي تـعـذرب بـنـا يمـنـاك مـكـسـوره
مـاكــن فـيـنـا لـــك أم وبـنــت وأخــيــه
أفـكـارك الـســود مشـبـوهـه ومـبـتـوره
وعـلـومـك الـعــوج ملـفـوفـه ومـلـويـه
تــلــف وإلا تــزيــد الــلــف لـــــك دوره
الـعـلـم بـالـهـون والـحـاجـات مقـضـيـه
خذهـا عـلـى نــور والـرايـات منـشـوره
بـالـعـدل والـمـيـز مـكـتـوبـه ومـقـريــه
خـذهـا وبـاقـي بـهـا وقـفـات مـذخــوره
تجـيـك مــن فــوق وإن حـبـيّـت رديـــه
بنـت الوطـن ياضعيـف الـرأي مـذكـوره
بالـخـيـر والـطـيـب مـذكــوره سنـافـيـه
مــن أول الـوقـت يالمسكـيـن مشـهـوره
بالفـكـر وأحـلـى التواصـيـف النسائـيـه
بنـت الوطـن ياقصيـر الشـوف معمـوره
بالـعـطـف والـلـيــن وتــزيــده بـحـنـيـه
إن كـان بالكـون قـالـوا عيـنـه وحــوره
بنت الوطـن مـن عظيـم الشـان حوريـه
بنت الوطن مـن جمـال الخلـق مستـوره
الـطـبـع هـــادي ووقـــت الـجــد جـديّــه
ممـكـن تـقـوّم بـوجـه المعـتـدي ثـــوره
والأصـــل تكويـنـهـا ثــابــت حـيـاويــه
شيهـانـة اللـحـظ بـنـت الـريـح منـثـوره
ملمومـة الخـصـر بـنـت الـذيـب ريمـيـه
يـعـنـي حـجـازيـة العـيـنـيـن مـخـبــوره
نـجـديـة الـخـصـر واللـمـحـه خليـجـيـه
ريحـانـة الـفـل بــأرض الـفـل مـبــذوره
يعنـي عسيـر وعبـيـر أحـلـى عسيـريـه
وقـــاّدة الـحــس بـالاشــواق دكــتــوره
يضـيـق صــدر الـزمـن تبـقـى شمـالـيـه
تكتـب حـروف الـوفـا وتـسّـن دسـتـوره
بحروفهـا إخـلاص وإن حـبّـت هـواويـه
يعنـي هـي الجـو مــع بـيـداك وبـحـوره
مــن رأسـهـا لـلـقـدم بـالـزيـن مكـسـيـه
سمـعـت يالـلـي حسبـتـه لعـبـة الـكـوره
بـعـض السوالـيـف لا سقـتـه عـمـاويـه
لا ضيّـع الـدرب مثلـك وأخلـف شـعـوره
نــدلّــه الــــدرب والاعــمـــال بـالـنـيــه
يـاخــاوي الـفـكـر والـعــدلات مـقـبـوره
فـي صـدرك اللـي لبـس بلـواه صـدريـه
مغـرور مغـرور مثـلـك نــاس مـغـروره
بـمـركـب الـنـقـص والاوهــــام مـبـلـيـه
منـادمـيـن الـخـطــا مـلـفــاه وطــيــوره
الـفـكــر خــيــاّل والـسـاحــه خـيـالـيــه
مــن الحمـاقـه لبـسـك الكـبـر وشــروره
والحمـق رمـح الــردى وحــدود هنـديـه
تسـكـن زوايــاك والطـرقـات مـهـجـوره
ياغـراب خـل الحـمـام إنـسـى خطـاويـه
لـو تفـرد الريـش يالـطـاووس مـأثـوره
عـواقــب الـكـبــر يـالـمـغـرور سـلـبـيـه
يـاسـيّـد الغـطـرسـه يـاقـاصـر شـبــوره
ياعاشـق الـذات عـشـق الــذات نفسـيـه
سمـعـت رد الاصيـلـه وإفـهـم سـطــوره
بـسـيــط مـنـســاب والاوزان شـعـبـيــه
وإسلك طريـق الهدايـه وإحفـظ السـوره
الـسـوره الـلـي عـلـى المعـنـى ومـكـيـه
وإن كان نفسك على الشينـات مجبـوره
والــنــار يـامـيّــت الـنـيــران مـطـفـيــه
أجـيـك أنــا بـنـت هـالـديـره ومـأجــوره
وتشـوف بنـت الوطـن والجمـره الحيـه
أجيـك وتشـوف بنـت السـبـع مسـعـوره
وأخــرك مـعـروف والـدعـوى طبيـعـيـه
الـوقـت مـعـروف فـــي زنـــات دبـــوره
يـخـرّب الـعـش وهـــو الـعــش راعـيّــه
ماهـي بشرَبـه مـن الـغـوري وشـابـوره
بعـض الحكـاوي وفـيـه حــدود محمـيـه
خـذهـا ولا أقـــول لا رديّـــت مـشـكـوره
مــن واجـبـي لا دفـعـت الـشـر والسـيّـه
بــأول خـطـوط الـدفـاع وراس طـابـوره
أصــــــد وأرد والـــصـــدّه هـجـومــيــه
خذها وأنـا بنـت قـوم المجـد وحضـوره
مـنـي وأنــا مــن بـنـات الــدار نـجـديـه
من نجد ماجيـت أنـا المغـرب وناطـوره
وماجيـت حـد اليمـن مـا كنـت مصـريـه
خذها وأنا ماعرف الحمراء ولا شتـوره
ولا جـيـت عـمــاّن وإلا كـنــت شـامـيـه
ولا نيـب مـن بـابـل النهـريـن وآشــوره
وإلا بـعـد مــن بـنـات الـشـرق شـرقـيـه
خذها وأنـا مـن عظيـم الشـان منصـوره
مـن نجـد ماقـول أنــا شـقـراء وغربـيـه
أعـيّـد الـعـيـد مـــا عـوشــر بـعـاشـوره
الـديــن الاســــلام والـمـنـهـاج سـنـيــه
خذهـا ونفسـي علـى المسفـار مـأمـوره
والنـفـس مـعـروف مـأمــوره ومنـهـيـه
ماقلتهـا مـن غضـب بالـوقـت مقـهـوره
علـى المـلا وإن بغـيـت السـلـم سلمـيـه
خذها وأنا بنت روس الطيـب وصقـوره
الـاهل عتبان والـمـنـشـأالسعوديه