ماأحب انا مسلسلٍ .. يبثّ عبرالقنوات
عجزت اصدقّ قصّته .. من مطلعه لنهايته
اكره سذاجة فكرته ًّ..بما بها من تلميحات
للجنس واللّذه وما يغوي البشر بغوايته
يبي يلامس واقعٍ..سمّوه باسم الساكنات
في قلوب من يجهل بنا ..ليبرال ناعي نكايته
يبي يبيّن انّنا .. اكثر بناتٍ تافهات
لابوه لابو (ا)مثّله لا مخرجه لا ادعايته
يفهّم العالم غلط .. بنّا الدّمى المستعبدات
والذّيب ماهرول عبث..مدرك قنيبه وغايته
يبي يجرّدنا الحيا..ونصير به متحرّرات
نترك مفاهيم العرب .. ونسير خلف وشايته
يسعد صباحك ياعرب .. ونطْلبك يالله الثبات
من اللي تبلّى موطني .. تبي تدنّس رايته
(لجين ) ماهي منّنا .. حنّا ترى متبرّيات
منهي على ذا الشاكله ..كلٍ حسب تربايته
تلقاهن طروش البحر .. والاغصب متسعودات
ماينْتمنّ لموطني مايعْكسنّ مرايته
حنّا سترنا ديننا..حنّا تجمّلنا العباة
حنّا على هدي النبي ..ولا(ا) تنعدّى (ا)هدايته
حنّا البداوه دمّنا .. حنّا الجبال النايفات
إليا انتخى رجّالنا .. له محزمه وغطايته
حنّا فبيوت اهل الكرم معزّزات مكرّمات
في ظلّ ابونا نحتمي .. ونعيش تحت رعايته
حنّا بنات اهل النّسب اهل الحسب ..(سكّر نبات)
واللّي يشوه صورتي .. بـ(ا)ـيدي اخطّ نهايته
تحياااات بنت الحسب والنسب ولااااايهونون باقي القبااااايل
نجـــد بنت مطــــير
عنود مطير @aanod_mtyr
عضوة جديدة
يلزم عليك تسجيل الدخول أولًا لكتابة تعليق.
ملاك سدير
•
ونعم فيكم
هالله الله ونعم ب حمرآن النوآظر قصيدهـ رآئعه لآهنتِ ..هالله الله ونعم ب حمرآن النوآظر قصيدهـ رآئعه لآهنتِ ..
مشكوووووووورات على المرور العطر
الله لا يهينكم
الله لا يهينكم
*ركاز*
•
حنّا سترنا ديننا..حنّا تجمّلنا العباة
حنّا سترنا ديننا..حنّا تجمّلنا العباة
حنّا سترنا ديننا..حنّا تجمّلنا العباة
صح لسانها الله يسعدها ويجزاها الجنة
حنّا سترنا ديننا..حنّا تجمّلنا العباة
حنّا سترنا ديننا..حنّا تجمّلنا العباة
صح لسانها الله يسعدها ويجزاها الجنة
الصفحة الأخيرة