حنة الشعر بلييز ساعدوني

عطي عليه عصير ليمون او خل وان شاء الله يصبغ

السلام عليكم ورحمة الله وبركاته
كيفك اختي زوينا بخصوص الحنه اللي طلبتيها ان شاء الله اقدر على مساعدتك علشان انا حصلتلك كذا طريقه على حسب اللون اللي تبغيه انتي وبامكانك الحصول على العديد من الالوان لشعرك با ستخدام مسحوق اوراق الحناء عن طريق اضافه بعض النباتات و الاشيا ءالاخرى, للون الكستاني واللون البني واللون الاحمر واللون الاصفر:27: وشكرا

اختك خضرة

احسن شي حناء المدينه وحطي معه مغلي كركديه وليمون

السلام عليكم
ممكن خضرة تعطينا النبتات التي توضع مع الحناء معقول يعطي الوان ؟
لان انا شعري اسود بس الحناء تعطيه الون الحمراري مهما سويت
ابغاه يصير بني كيف ؟

السلام عليكم ورحمه الله وبركاته

اختي زونيا انا كنت كتبت موضوع باسم كيف تجعلي الحناء تكسب شعرك الوااان ؟؟ تلقينه بالرابط هذا

http://forum.hawaaworld.com/showthread.php?s=&threadid=133577

بس المهم اني بقولج جم شغله اول شي

اعصري ليمونه كامله وحطي عليها ملعقه خل وحطيها على شعرج واهو رطب وطلعي بالشمس لمده ربع ساعه او اقل احد ماتحسين ان الشمس بدت تنشف شعرج - نشفي شعرج بالشمس - بس حاسبي على نفسج لاتحوشج ضربه شمس :11: بعدين تقولين ام طيبه اهي السبب

خلي الليمون بشعرج لمده نص ساعه وبعدها اشطفي الشعر بالماء فقط وكرريها ثلاث مرات اسبوعيا لمده اسبوعين او اكثر على حسب نوع شعرج وبعدها استعملي الحنه الي معاها خل او ليمون حسب اللون الي تبينه

على فكره مو من اول مره تحطين حنه راح يبين اللون بالشعر اتوقع اذا كان شعرج عنيد مايصبغ بسرعه تحتاجين انج تحطين الحنه ثلاث مرات اسبوعيا لمده شهر على ماتحصلين على اللون الي تبينه وكل مره راح يتغير اللون معاج الى ان يصير اللون مثل ماتبين والخل يثبت الصبغه مالت الحنه ماتطلع بسرعه من الشعر

ملاحظات هامه جدااااا

لاتستعملين الليمون والخل على شعر جاف او متقصف لانه يزيد التقصف وينشف الشعر
لاتستعملين الحنه على الشعر اذا كان جاف اكثر من مره بالاسبوع الواحد او مره بالاسبوعين لان الحنه تنشف الشعر ايضا تنشششششششششفه حيل
اتوقع ان الحنه مناسبه جدا للشعر الدهني

بصراحه مادري اذا نسيت شي بس اي سؤال او استفسار انا بالخدمه
اتمنى اني فدتج ياختي