هلا خواتي حبيباتي اولا فكروا انكن الحين بنعمه عشان الشغل مقسم بكرا ان شاء الله بتتزوجوا ويصير الشغل كله عليك طيب والحين ليش ما يكون وحده لها المطبخ من الى والثانيه الكنس والمسح فوق وتحت والترتيب طبعا والثالثه عليها الغسيل والكوي وترتيب الدواليب والادوار تبدل كل عشر ايام بحيث انه ما يجيك المطبخ الا ثلث الشهر وخواتك بعد نبدا بالكبيره مطبخ والوسطى كنس والصغينونه غسيل بحيث لو جاكم ضيوف يصير البيت يلق وكلا عارف شغله هاه وش رايكم

الدور الثاني مثل نظام المطبخ كل يوم على وحده(طبعا مو اللي ماسكه المطبخ)
والحوش والحديقة كل يوم على وحده(برضو مو اللي ماسكه المطبخ والدور الثاني)

يبقىالدور الاول المجالس والصاله والحمامات
اسبوع كامل وحده تمسك الحمامات والثانيه غرفة الجلسه وكركبت الاطفال والثالثه الصاله ومجلس الحريم الرسمي ومجلس الرجال الرسمي

طبعا عزيمة عشاء او غداء او عصر الكل يحط يده ويساعد ماحد منكن يجلس
وكل اسبوع نفس النظام بس تتغير الادوار

هذا توزيع عادل ومنظم والكل يكون عارف شغله

[ جزآكم الله خيـر بـ الفعل أستفـدت ..

سهله

اللي عليها المطبخ ذاك اليوم يكون عليها الغسيل وتنشيف الملابس..

الثانيه اللي عليها الدور الفوقي يكون عليها كوي الملابس..

الثالثه اللي يكون عليها الدور الارضي يكون عليها الاحواش الخارجيه للبيت ..


وبكذا كل وحده تحافظ على جزئها نظيف وحتى ريح البخور فيه وخلوها منافسه بينكم تكون حلوه وبنفس الوقت لاتخلونه شغلكم الشاغل يعني كل وحده تنجز امورها بسرعه علشان تتفضى مثلا لساعه رياضه مشي وساعه ثانيه تهتم بنفسها وتشيك على جزئها في البيت طول اليوم وتتفقون على ساعه اخر اليوم معينه كل وحده تسلم قسمها على سنقة عشره طبعا بتكون محافظه عليه طول اليوم فمراح تتعب اخر اليوم ..

أمي مشيه لنظام هذا النظام على أخواتي كل يوم وحدة عليها الطبخ والمطبخ والثانية عليها لصالة والغرف والثالثة عليها الأسياب والحمامات وإنتي بكرامه وكل يوم وحدة تأخذ شغلها يعني اللي عليها اليوم المطبخ بكرة عليها الصالة واللي عليها الصاله عليها الأسياب والحمامات واللى عليها االأسياب تأخذ المطبخ وهكذا