فيه وحده من العضوات بارك الله فيها مسويه حنيذ والله اني ناسيه اسمها الله يسعدها وين ماكانت
فسويت نفس طريقتها مع شوية تعديلات والله يالطعم انه روووووووووووعه والدجاج بالمره رهيف مثل تبع المطاعم روووووووعه
عندي قدر ضغط كبير مكسوره اليد حقته فكنت حاطته بالمستودع وماستخدمته الا كذا مره للعزايم وبعدها شريت واحد بداله
فقلت خليني اخذه واجرب ولو لاقدر الله صار شيء قدني مااستخدمه
فتوكلت على الله طلعته وجبت قدر ثاني اهم شيء انه يدخل جواته
عاد الملاعق خذوا ملاعق ماتبونه لان حقتي فضيه وبعد الطبخ صار لونها ذهبي
ياربي لك الحمد والشكر على النعمه الي احنا فيها
اول شيء ننقع الرز وانتي ورغبتك
ونقطع الدجاج وننقعها بعلبه زبادي + ملح + كركم وصبغة زعفران + كمون + حبه ثومه مطحونه على الأقل نص ساعه
نأخذ القدر الصغير ونكشن عادي
احب اطبخ بالزبده اطعم مع شويه زيت اول شيء بحط البهارات الحب مع قشر البرتقال وشريحتين جنزبيل طازج لحد ماتطلع ريحتها
بعدين اضيف البصل والثوم والجزر المفروم واعذروني نسيت اصور هالخطوه اول مايذبل البصل ويبداء يحمر الثوم اضيف الرز المنقوع مسبقاً وابداء احرك مع اضافه مكعب مرقة ماجي
لمن يبداء يتغير لون الرز اضيف المويه ( ولاتكثري لانه منقوع مسبقاً ) واملحه وابهره وابعده عن النار ... الحين اجيب القدر الكبير
واحط فيه الملاعق
ندخل القدر الصغير بقدر الضغط فوق الملاعق ونرص عليه اعواد الخشب حقت الشوي
نرص الدجاج عليه
:)
بذا الوقت عملت نوعين سلطه
اخذت بصله كبيره وقطعتها جوانح رفيعه ونقعتها بعصير ليمونه
بعد ربع ساعه نقع اضيف لها ملعقتين طحينيه سائله مع فنجال شاي لبن وملح وذرة كمون وفلفل اسود واخلطهم زين احبها ثقيله اذا تبينها خفيفه زيدي كمية اللبن
وعملت سلطة الزبادي
في الخلاط ( علبه زبادي + 2 خيار+ ملح + عصير نص ليمونه + كفشة نعناع طازج + 2 فصوص ثوم ) بعدما تخلط جيداً نضيف لها 3 خيارات مقطعه صغار
بعد مرور ساعه فتحت قدر الضغط وماشاء الله تبارك الله ياالريحه وكمان الدجاج متحمر
الي بقي من نقيع الدجاج مارميته احتفظت فيه ورشيت منه على الرز
وشرفوني على موضوع حفله احباب قلبي
http://forum.hawaaworld.com/showthread.php?t=3153434
استودعكم الله الذي لاتضييع ودائعه
ولاتنسوا يالغاليات بكره بإذن الله تعالى اول الأيام البيض والذي يصادف خسوف القمر بنفس اليوم
اللهم انا نسألك حسن الخاتمه ياذا الجلال والأكرام