حنين لأعضاء الالفين .. 💔

السلام عليكم ..

فضفضه..
مين نفسي يحن ويشتاق للماضي ؟
مين يتفق معي اني الدنيا صارت مالها طعم كل شي متوفر وبسهوله لدرجة صرنا مانحس بقيمة الوقت 💔
مين صارت تفضل جلسة البيت !
تشوفون وقتنا صاير يروح بسرعه صح ؟!! 
،
من ناحية المنتدى انا عن نفسي احن واشتاق للألفين بداية هبة المنتديات والماسنجر💔
مع اني لحقت عليهم ع السنوات الاخيره😭
تمنيت اني سجلت بهالمنتدى الرائع بس للاسف كنت صغيره مراهقهه اتمنى اني عرفت هالمنتدى وتعرفت ع العضوات وعشت معاهم الايام الحلوووه 💔
،
تحسون ذيك الايام لها جوها نفتح اللابتوب ونسجل دخول للمنتديات ونتفاعل ونعرف اوقات بعض مين العضوات اللي يدخلون بهالوقت ونعرف اخبار بعض حتى نعرف شخصيات بعض وبالذات برمضان المنتدى له جو ثاني غيررر اللي تدخل بعد الفطور واللي قريب السحور واللي ترجع من السوق متحمسه تشوف الردود ع مواضيعها 😭😭
،
دائماً لما ابحث عن مواضيع بقوقل يطلع لي هالمنتدى الجميل ومواضيع وردود العضوات قبل عشره سنين او ٢٠ سنه
اقول ياااااالله فينهم الآن!، ليتهم كانوا يعرفون اننا بعد كل هالسنين بنقرأ كل شي يكتبونه ونحن لايامهم ونشتاق لهم💔
اشوف منهم تفاعل وحماس وردود عكس الآن انشغلنا بالجوالات ومواقع التواصل الجديده اللي مالها اي طعم..
،
الله يرحم اللي راحوا ويحفظ اللي موجودين ويسعدهم ويوفقنا جميعاً 🌹