حواء : اعترضتي شرع الله فخانك زوجك(حقك وماجنته يداك)!

الله يجزاك خير ويعوضك باحسن منه ان شاء الله

الله يجزززاك خير كلام سليم
عمتي من الفئه هذي زوجها يخونها وكانت تقول عادي اهم شي مايتزوج علي
عساه تزوج عليها ولازال مستمر في خياناته كسبت الاثنين
الله لايبلانا

اول شي كل عام وانتي بخير يام الامراء

ان معك بالايمان بشرع الله وعدم الاعتراض عليه

لكن اختلف معك في نقطة ان اعتراض المراه على زواج زوجها يكون سبب في خيانته لها

اغلب الرجال اذا ماتزوج موب لانه خايف من زعل زوجته لا لالا يكون ماعنده استعداد اصلا

يفتح بيتين او اكثر والتزامات بيتين فالخيانه باعتقاده انها افور له واريح من الالتزمات

هو صحيح ان فيه رجال يكون من الاسباب الرئيسيه زعل زوجته فيلجاء للخيانه او للمسيار او يتزوج برى الديره

وفيه رجال رخوم بكل ماتعني نذاله يطلق الثانيه بمجرد علم الاولى <<<<<هذا اللي ودي اصفقه

وانتي يا الامراء الله يوفقك ولو اني منك ما اخليها تهز في راسي شعره ولاخذه عناد فيها >>>> اقول لاتصدقين امزززح

حبيبتي ما اعرف رجال يترك العرس عشان زوجته !!
ياحياتي رحمتهم كني بهم واقفين عند باب الاسريه ينتظرون الحكم بالموافقه مننا !!
اذا نوى بيعرس لو مسيار وعلى فكره المسيار لا تجين تقولين عشان مشاعر حرمته الا عشان يتطرب وينسبط ببلاش ومن غير مسئوليه يعني له وله وله
ولو انه ضده كان ما فكر فيه
يعني حرمته الاولى اقل همومه
يعني محد منعهم حبيبتي
والخيانه مالها دخل بالتعدد
لان اللي طاح بالحرام ما يملا عينه الحلال
الا عاد اذا كان بيتزوج بنات الحمايل ويطلق !! وكل يوم داخل على حرمه وبنت
وياكثر اللي يخونون وهم معددين
وايضا ياكثر اللي معددين ولا يخونون
وبعد ياكثر اللي يخون وهو ما يبغى يعدد الا بعد وده يفتك من الحرمه اللي عنده !!
وياكثر اللي عنده وحده ولا خانها

يعني ياقمرر من عمر الدنيا على قولة ابوي
حنا يالرجال عارفين الحرمه كلمه تجيبها وكلمه توديها
واذا اعرست بتزعل شوي وترضى
يعني محد منعهم

ام الامراء
رمضان كريم
كيفك وكيف اولادك الامراء
موظوعك مره جى بوقته
ياليت يفهمون الحريم ان الرجال يعرس دغري ولايلف ويدور ويسوي عشاق كل ليله احسن
لكن لاتزوج خلاص شهر تساوين انتي وياها لانها بيشوفهااا على طول ولاراح يعشقها مثل المغازل والمكالمات وحركات شوق بس مين يفهم
وتلقين الحرمه الي تلاحق زوجها يتزوج ولي طنش تلقينه لاصق فيها 24ساعه