حواء 🔊ايش الأسباب اللي تخليك ماتحرصين على الوظيفه؟

قد أكون لم أفهم جيدًا المطلوب من موضوعك ولكن أرى أن "الاستقلالية المالية للمرأة" التي تتحقق لها من العمل المناسب لها مهمة جدًا وتمنحها القوة والشجاعة والتقدم على جميع الأصعدة النفسية🤍 والفكرية💚 والاجتماعية❤️ وتمنحها أيضًا نضج أكثر في المجتمع ووعي أكبر في الذات وبدونها لن يكون في وسعها أن تكون نفسها الحقيقية وتعيشها بأريحية غير محتاجة لأحد ولا منحنية ✅️🤷🏻‍♀️🤍🕊...

ومتى ما آمن الإنسان بما يريد سيحقق ذلك في حياته💚 ويتحقق هو أيضًا ضمنه ✅️🤍🕊...لذا من تؤمن أنه يجب أن يكون لها مشروع وجودي خاص بها في حياتها ستستطيع خلقه وفرضه في وظيفة أو في أعمال حرة منوعة تجارية ...لأنها تعلم أنها بدون هذه الحرية 🤍🕊 لن تستطيع تقديم الشيء الكثير لنفسها ولا دعم ثباتها ومساعدة غيرها في مواقف كثيرة🤷🏻‍♀️🤍 وكذلك قد تفوت عليها اكتساب خبرات اجتماعية بالمشاركة والحضور في العمل والتي تؤثر على حياتها الاجتماعية بإيجابية✅️🤷🏻‍♀️🤍🕊...

والله شوفي مع شهادات و الحمدلله منجزه و اجتماعيه و متعاونه ...

بس عندي قناااااعه تاااامه (( انا ما اشتغل لغيري و لا انفع غيري ولا اسمح ل غيري ينافخ او يتحكم فيني على حساب صحتي و نفسيتي عشان كم ريال .... و بالذات الوظائف بالسنوات الأخيره سواء حكومي او خاص فيه اذلال للموظف ماتحفظ كرامته / عشان كذا انا رافضه الوظيفه ...

اذا ابي انفع نفسي اشتغل لنفسي افتح لي مشروع وابدع فيه ... لكن هنا اقول انا كسوله تعودت عالراحه و لله الحمد

اشوف انه في فرق بين انك تبين وظيفه تحقق لك هدف مادي معين
وبين انك تبين تطلعين من البيت تشوفين الناس وترفهين عن نفسك
ولاحظت هذي الصفه في ناس كثير مو عارفين انفسهم وش يبون بالضبط ومعتبرين الوظيفه او حتى الدراسه وسيلة ومكان للترفيه والسوالف وسعة الصدر والنتيجه سوء اداء وتقصير وفشل في الوظيفه او الدراسه
يعني اللي تحس نفسها هدفها تسليه وماتقدر على الإلتزام والجديه ودايما عندها حجج البيت والاطفال و .. الخ لا تتوظف وتجلس بالبيت وتشوف لها وسائل تسليه ثانيه .
وانا صار عندي قناعه ان مو كل الناس يناسبهم يكونون في وظيفه وإلتزام يومي وروتين سواء نساء او رجال
وانا وحده منهم ما اتحمل التكرار ولا القيود والارتباط تستنزفني نفسياً وترهقني
افضل العمل الحر اللي بدون قيود ولا قائد ولا إلتزام يومي متكرر خاصة الشغل الاون لاين وسبق اشتغلت فيه وكذلك جربت اشتغل على ارض الواقع ماناسبني ولا قدرت اكمل لاسباب وضغوطات وقيود كثير
يعني لازم تعرفين نفسك وش تبين بالضبط وتختارين اللي يناسب شخصيتك وقدراتك عشان ما تلاقين نفسك ضايعه بين ابي وما ابي

اللي يمديها تشتغل تشتغل ، الوظيفه اماااان واستقلاليه ،، مافيه احلى من انك تصحين الصباح تكشخين وهووًب لعملك تحسين بالإنجاز وانك عنصر فعال بالمجتمع
الله يرزقني بوظيفه وراتب وقدره وأشتري بيت وسياره
واعيش بمزاجي وبطريقتي ،، واشطب ع اللي حولي
🤦🏻‍♀️🫡🥲

دخلت ٦ وظايف مالله كتب لي فيها نصيب سويت مشروع وصارت حاجة وطار المشروع.
حتى في الوظيفة طلع لي اعداء الله لايوفقهم .