um hissa
اذا حد قال لي شي باسلوب لائق ومؤدب بتقبل الكلام حتى لو مو مقتنعه فيه...اما اذا حد حاول يفرض علي رايه او يكلمني باسلوب حاد او غير مهذب فاكيد ماراح اتقبل اي شي منه ولو كان كلامه صحيح..
واذا جاتني وحدة تقول لي شعرج باين هذا تنبيه منها يمكن ماكون دارية او منتبهه لهالشي وهي جزاها الله خير نبهتني..فاكيد راح اشكرها على هالشي...اما تيجي وحدة تقول لي انتي ليش دايما تطلعين ويا زوجج الاماكن العامة ؟؟بعدين الناس تقعد تشوفكم(كانه مسوين شي غلط ولا كاني رفيجته )وصار معاي هالموضوع طبعا هالشي يضايقني واعتبره تدخل في شي مايخصها....واعتبره موضوع غير قابل للنقاش ولا احب حد يبدي رايه فيه لان يخصني انا وزوجي...

فديت بناتي
مرة انتي سالتي عن الابداع الفني...اعرف مركز ابداع الفتاه وموجود في المعمورة
............
في وحدة سالت عن احسن مركز تعليم انجليزي للاطفال...عن تجربتي المعهد البريطاني احسن شي ..انا دخلت مدرسة حكومية بس من يوم انا في صف ثاني ابتدائي كنت ادرس فيه لحد الثانوية...وطبعا بعدها دخلت قسم اللغه الانجليزية لان كان شي سهل بالنسبة لي من دراستي في المعهد

أم صلوحي
انا صار لي مثل موقفج..كنت شاريه 3 سمكات وانا احط لهم الاكل واغير الماي..,بعد اسبوع الشغاله تبي تساعد راحت غيرت الماي وماتوا!!!بصراحة زعلت عليهم وايد

ام ياسمينا.... نسيت اقول ان الخدامه عرضت انها تشتريلي غيرهم....

ههههههههههههههه ام صلوحي
يا حليلها خدامتج و الله زين منها تعرض عليج تشتري لج غيرهم
يالله المسكينه بغتها طرب صارت نشب