ماعلى كلامج زود اختي ام حمد ولج مني الف شكر

ام ياسمينا ممكن طريقه الحليب بالحلبه
ويابنات بغيت الكرسي المفرد اللي يحطونه في غرفه النوم وين احصله لقيت واحد في دوحه
سيتي ب1990 بس مايستاهل سعره ممكن وحده فيكم ام دواره شافت منه تدلني؟
ام ياسمينا احنا بالخور عندنا انشطه كثيره للفتاه حتى عندنا مركز خاص بس اكيد بعيد عليج

فديت امي
انا اغلي الحليب واحط معاه معلقة حلبه تغلي معاه وبعدين لما يغلي اسكر الفرن واخليه 5 دقايق تقريبا وبعدين اصفي الحليب عن الحلبه وممكن تحلين الحليب بعسل او سكر

هلا بنات
صدقوني ,,, حنا كل يوم نتعلم من بعض ,,, الزين في هالتعلم ان ما نعرف بعض و اذا ممكن اقول الصدامات اللي تصير بينا كأخوات والله العظيم تعلمنا .... يعني قاعدين نستفيد ...
لازم تحطون في بالكم يا اخوتي ,,, ان المجتمع فيه بيئات مختلفة , و اللي عادي عند ناس مب عادي عند غيرهم ,,, ولا يعني ذلك ان احد غلط ,,,, هذه اختلافات بيئية ( طالما ما تخالف الدين ) .
بس اسمحوا لي بهذه الملاحظة :
سواء في المنتدى او غيره ,,,, في شئ اسمه ذكاء اجتماعي . ممكن انتي وحدة في مجتمع ولك ملاحظات ,,, اختاري الطريقة الذكية في اخراجها او الافصاح عنها ... المواجهة ما تجيب نتايج حسب خبرتي في الحياة .... الذكاء في توصيلها هو افضل انواع الافصاح عنها .
موقف مثل اللي صار بين اختينا ام ياسمينا , روزالندا :
ام ياسمينا قالت كلام ,,,, روزالندا ما عجبها جملة في سياق الكلام ,,,
ما نقول هذي صح و هذي غلط ....
ملاحظة عامة من روزالندا غير موجهة الى ام ياسمينا بالذات تحط فيها حديث او اية قرانية عن نعم الله ... توصل الرسالة بدون اي انفعالات ....
اللي صار ,,,,, اسمحوا لي , الانفعال سيطر على التفكير الهادئ , و صار سوء التفاهم .
الكل له حق التعليق / الملاحظة / التنبيه / التذكير طالما الطريقة كانت لبقة والا اصبح مفهومنا لحرية التعبير عليه السلام ....
اخواتي ...
ترى انا ما كتبت هالكلام لاضيع وقتي ووقتكن , او حبا في الفلسفة , انا اشوف نفسي مسلمة قبل كل شئ , وهذا شئ من واجبي , لا ان اسكت واقول كما يفعل الكثير , انا ايش دخلني !
التجربة اللي طلعنا منها :
فكر قبل ان تتصرف ثم تكلم .
في الاخير , انا ما اغلط اي اخت فيكم .... ولا اوافق على ان لا احد له دخل في كلام الثاني , بس اقول فكري , اكتبي او قولي ...
بعدين لا تتضايقون , ترى الصدامات شئ طبيعي في الحياة , بين الاخوة / بين الصديقات / بين الابناء و اهلهم / بين الزوج و زوجته :10_1_103v / بين مصارين البطن !!!
الله يجمع ما بينا على طاعته , امين .

بنات
سواقي بعد 10 سنوات خدمة , بيسافر اليوم للأبد !! :icon33: :icon33: :icon33: :icon33: :icon33: :icon33:

صار موضوع خلاف بينه و بين فلبينية اهل زوجي , الكلبة اشتكت عليه عند السفارة و هددت اذا ما سافر بترفع قضية ,,, و حنا ما نبيه يصير فيه شئ لانه ابو عيال وفقير . المهم , الزبدة !
أبي سواق مؤقت من البلد ,,,,, وين القى ؟