المشكله هم مايبون الا اللي عنده فلووس بيموتون على البيزه..زوجي عنده شركات وهم يتصلون يطلبون رقم صاحب هالشركه عاد انه يبونه في شغل لكنهم يغرونه..مره وحده مغلطه.مره رسايل غرام ماتخلص..وانا ساكته لانه كل شي يقولي اياه اخاف اعصب واخسره ومايقولي شي مره ثانيه يعني اسمع واسكت ومن داخل محترقه اخاف يجي اليوم اللي يضعف فيه
حتى في السفر العام دخلت محل في لبنان شريت كميه كبيره من الصنادل مو لي بس حق هلي 9وهله واحنا عددنا كبير وريلي وهو يدفع سمعت وحده تقول حق رفيجتها
شوفي شوفش هايدا كلوه لبنتوه(عبالها انا بنته لان ريلي اكبر مني بوايد ) وقامت وسالته اخي شو برجك انا كتير شاطره بالابراج(تتكلم وهي تتحكك وتتميصخ) بتموت وتاخذه عيونها على فلوسه بعض الاحيان اتخانق معاه واقوله خلاص لاتشتغل مابي شي اقعد في البيت بلا سفر بلا شغل يقولي هذا كله عشانج انتي وعيالج واذا بين سافري معاي بس ما اقدر كل اسيوع اسافر واخلي عيالي لوتشوفون المصايب اللي يسونه البنات اااااااخ باموت ياريتني ماتزوجت هم؟

يارب شكثر اعاني
يا ربي سلمك يا رب ..... بس انا مب مسافرة الخارج الى نهاية 7 اذا شاء الرحمن , يعني متواجدة .....

اليوم رحت طوارئ السد ,,,, و انا امشي قاعدة أقول في خاطري مدري وحدة من البنات " بسم الله على عيالكم " موجودة ؟؟؟؟

فديت امي كونه يقول لك على الاشياء الي تسير معه هذا اكبر دليل على نقاء سريرته الموت والبلا الي يسوي كل شي من تحت لتحت وقدام زوجته مسوي روحه مثالي
يابنت الحلال لاتفرحين ابليس وتسمحين له يخرب حياتكم وذيك الساعه بيعيفك زوجك مو من الخايسات الا من تصرفاتك وتكونين سمحتي لهاالاشكال تخرب عليك بس بطريقه غير مباشره
ترا فيه حديث بما معناه ان الشياطين ياتون ابليس على عرشه ويسال كل واحد شسويت فالي يقول تسببت بقتل او سرقه عادي عنده بس الي قال فرقت بين زوج وزوجته يفرح ويقول تعال عندي انت افضلهم والله يصلح احوالكم والمسلمين.

الظاهر في النهايه بنستخف ونتجنن(بعيد الشر من هالمنتدى)تصدقين ياام حصه اني حاضره عرس واقول لاختي ياترا فيه حد من البنات الكادي ولاتوتا ولا بترفلاي ولاغيرها قالت لي الحمدلله والشكراحراج بموت وشوفكم ياليت عندي بلوره سحريه يلله كل وحده توصف نفسها وصف عام مودقيق(لاتنسون عندنا ريايل )

فديت أمي
الحين .... انا هديت :)
وراح اتكلم بعقلي لا بمشاعري مثل من شوي ! :D
بكلمات بسيطة ........... لا تخافين من زوجك , ان شاء الله ما عليه شر ,,, واضح انه رجال فاهم / راجح العقل / يحبك .
انتي , ما شاء الله عليك تصرفك 100 % صح ,,, شوفي كيف معطيته الثقة , والاحساس انك صديقته مب زوجته , لأنه يجي يعترف لك , استمري على هذا العقل الراجح , وزي ما قالت شكثر اعاني , الدعاء !!! هو السلاح بأذن واحد أحد على هالاشكال الخبيثة ........
الوالد , الله يطول في عمره امين , انسان عاقل , ودائما يقول لي ..... الرجال اذا المرأة أعطته الاحساس بالثقة , يحاول يحافظ عليه .... أما اذا دائما تشكك فيه ,, وتفتعل المشاكل , يقول : انا ايش باخسر ؟ ثقة و هي اصلا ما تثق فيني .... يعني سواء كذا او كذا هي حاطتني غير جدير بالثقة , لذا ..... " ويقوم بالمحظور " .
اذكر وحدة من الاخوات قالت لي ان في اية " م ابي احرف فيها " بس فيها من خلفه سدا ........ الاية .... اللي تعرفها تذكرني فيها , لو المرأة تقراها على الزوج قبل ما يطلع , بأذن الله ما يضركم شئ ....
والله المستعان .