ايش اسم المنطقه؟(كوتاباتو)انا الحين عندي فيزا لفلبينيه وكنت محتاره ايش اطلبها بس الحين قررت ان اجيبها مشتغله في دول شرق اسيا يعني عندها خبره في كل شي هناك مايقولون لها حق االبيت او العيال او الطبخ .. لا يسمونهم هاوس ميد يعني كل شي يسونه وتتكلم انجليزي...انا جبت طلبات من مكتب فهد مادري اذا في حد عنده فكره او قد جرب هذا المكتب ياليت اتفيدوني.وانا دايما اقول حق ولدي الكبير قدام الشغاله الي ماسكته اذا عصب او قال كلمه غلط قدامها(اتعرفون حركات الجهال وعصبيتهم)اقوله هذي مثل ماما احترمها لانها كبيره واذا ماتبي خلاص انا بخليها تروح حق عيالها احسن... ودايما اقول لها هذي امانه عندك واذا ماتبين وا حسيتي انك ماتقدرين قولي لي... .. علشان يحن قلبها على عيالي..

ان شاء الله تطلع خدامتج مكسوره مب راعية سوالف

هههههههههههههههههه
صايره خبره فالخدم من كثر ما نجيب خدامات

الكادي والله مره جبنا خدامه من كوتاباتو مسكينه ما تعرف تلبس الجوتي (الله يعزكم)
ولا تعرف تشغل الليت
بس والله تخاف وتكرف كراف ولا تقول شي ومن نفسها تشتغل وبس بعد سنتين راحت عشان امها مريضه
صج بتتعبين معاها فالبدايه اذا عمرها ما اشتغلت بس والله تطمأنين لها لأنها بتكون خوافه

انا اول خدامه جبتها كبيرة وراعيه بيت مشتغله في الكويت و البحرين والسعوديه تعرف لليهال كانت بيبي ستر بالسعوديه و طباخه في الكويت و البحرين.. الحمدلله الله وفقني فيها.. اما الثانيه جايبينها انها بيبي ستر كانت في سنغفورا والله ولا تدري شسالفه مع انه عندها ولد عمره 6 سنوات!!!!!

انا كل الي مرو علي لما اتصل على تلفون البيت من الشغل واقولهم مثلا عطوني اختي ... يسكرون السماعه ويروحون ينادونها ... ههههههههه .... اكيد مرت عليك هذي الحركه ... اللهم ادمها علينا نعمه وارزقهم يارب ... والله مرات يكسرون خاطري الله يساعدهم.