حوائياتي الغاليات تعالو قولو لي كيف أوفر من مصروفي

السلام عليكم ورحمة الله وبركاته
أنا زوجي يعطيني 500 ومو كل شهر بعد :blink::44: كيف أوفر واقضي حاجاتي بتقولون لي دوري وظيفة دورت ماحصلت مع اني جامعية ومعي شهادات ثانية لله الحمد قبل كم يوم كان عندي أمل بوظيفة براتب 2000 ريال والله طرت من الفرحه بس للأسف ماصار منها شي عندي 3 اطفال الله يصلحم يارب قلت على الأقل بشري لهم ملابس للشتاء على مزاجي واشري دفايات للشتاء واقدر الم منهم على المدى البعيد واجيب لي غسالة صحون وغسالة اتوماتيك ملابس لكن للاسف خيرة الحمد لله ،،، وقلت بكذب على زوجي الله لا يعاتبني اقوله بدون راتب لمده 4 شهور تدريب بس على النيه هههه سبحان الله طارت الوظيفه لانه والله يصير يآخذ مني ثلاث ارباع الراتب وبعد انا ناويه اعطي أهلي عندي 2 خوات ايتام وغير متزوجات وزوجي قاسي ياخذ راتبي اعرفه زين ويخليني حتى اكل البيت أنا اجيبه علشان كذا نويت الكذبه
لان قبل فترة سويت لي جمعيه من 2000 وآخذ كل ثلاث أرباع الفلوس ..
بنات شايله هم الشتاء عندي 3 اطفال يبون ملابس واغطيه وتدفئه ....
بنات تعبت أبغى فلوس مرات أفكر إني أخيط ملابس وابيع بس ماعرف للخياطه وكيف السبيل للوظيفه وحتى لو توظفت مثلا مثلا مع ان الحصول على الوظيفه صعب حييل مليت وأنا ابحث أكيدزوجي يطين عيشتي على الراتب ... بنات قبل لا يجون لنا أطفال زوجي بخيل ومايحب يعطين فلوس وأنا خلاص تعودت على هالوضع قاومت قاومت لين تعبت ..
يعني يشوف العيال بالشتاء يحتاجون ملابس عادي عنده ، الله يبيض وجيه خواتي هن اللي يشترن لأولادي ملابس ثلاث ارباع ملابس اطفالي منهن ...

رجاء النفسيات اللي يقولون لي اطلبي الطلاق ومن هالكلام اللي يغث لا يردن عليه
والله يجزى كل وحده ترد لي او تدعي لي بخير