حوائيات تعالو عندي شوي أسأله ياليت تجاوبوني عليها

السلام عليكم ورحمة الله وبركاته



حوائيات عندي كذا سؤال

و أتمنى المشرفات ما ينقلونه بسرعه لو مكانه غلط

السؤال الأول أنا عندي زكاة ذهب و زكاة مال و زكاة أرض

كل سنه أعطيها وحده من قريباتنا توزعها بمعرفتها لكن أكتشفت أن اللي يأخذون منها

لا يستحقونها أبداً و يصرفونها على كماليات من أجهزة أتصال حديثه وكاميرات أحترافيه

وملابس ماركات حتى وحده أكتشفت أنها تأخذ زكاة وعندها خادمه ماهي بحاجتها وهي اللي

تدفع رواتبها ووحده راحت تسوي فيها تلبيس أسنان يعني الزكاة تروح لغير أهلها و المصيبه

أنو مو زكاة مالي وبس حتى زوجي يعطيني زكاته أطلعها مع زكاتي

السؤال هل تعرفون ناس مستحقه فعلاً للزكاة ؟!

اللي تعرف ببريده أو الرياض تراسلني على الخاص كان بودي أرسلها للمستودع الخيري

لكن واحد من معارفي يعمل بالمستودع الخيري و نفس الشيء يقول أنها أغلب الزكاة تعطى لناس

مكتفيه و الناس الميته جوع متعففه وما تطلب



السؤال الثاني

من أشترت أيفون 5 كيف هو و كيف التغيير فيه

أنا أمس رحت مع زوجي لمحل أتصالات على أساس بشتريه مره عجبني شكله لكن

ما أشتريته لإني أنتظر الأتصالات تطرحه بس صاحب المحل قال مافيه إي تميز عن أيفون 4

فقط تغير الشكل و الصراحه أنا معي أيفون 4 لكن 5 أجمل بكثير و مافي أحد حوالي أشتراه

حتى الأن علشان أسأله فياليت اللي أشترته تعطينا الأيجابي و السلبي في الجديد .


السؤال الثالث

أختي عروس وراحت سوق الذهب و أشترت ذهبها وكل محل تشتري منها يعطوها هديه اللي

عطاها فرن كهربائي واللي عطاها ثلاجه مع فريزر صغيره و اللي عطاه مكنسه كهربائيه

و اللي عطاها طقم سفره مطبخ و براد مويه صغير و غلاية مويه و مكرويف وكل محل يعطيها كرتون

و أبتلشت فيها رأيكم يا حلوات هل فيه ناس تقبلها كصدقه ؟!

أخاف الناس تبغى فلوس وبس أنا أقترحت عليها تسلمها للجمعيه الخيريه

أيش رأيكم أو إي وحده تعرف أحد محتاجها



السؤال الرابع


جواز السفر و بطاقة الأحوال هل فعلاً صارو يمنعون الحجاب الأسود ؟ أنا مطلعه جوازي بحجاب

أسود قبل فتره بسيطه و كمان بطاقة أحوال محد

قال لي شيء عن الحجاب لكن أختي العروس راحت تطلع و قالو لها في الأستديو إذا لجواز

أو بطاقة هويه لازم حجاب

أبيض أول مره أسمع كذا مع أني ما لي فتره طويله مطلعه جوازي و بطاقتي



السؤال الأخير و معليش طولت مالي غيركم أمون عليه
بهذي الأسأله


أختي العروس راح تسكن الرياض و لها بيت هناك و لها بيت كمان بالقصيم

لأن أهل زوجها و أهلي بالقصيم أيش رأيكم ننقل جهازها للرياض أو للقصيم ؟

أنا أقول لها دام سكنها الدائم في الرياض معناتها ننقله للرياض لأن سكن القصيم مؤقت

تجي له بس وقت الأجازات و أمي تقول لا عيب أكيد أهل زوجها يبغون يشوفون الجهاز حقها

أحس ماتو اللي يورون الحموله الجهاز و كمان أحس ماله داعي يشوفونه الجهاز لها وإلا لهم




و في الأخير أعذروني إذا الموضوع مو مرتب أكتب من الأيفون