حوائيات فزعتكــــــــــن بعلاقتي / تم التعديل

السلام عليكم
شخباركم بنات حواء
بدخل في الموضوع على طوول مالي بالمقدمات ومستعجلة مافي وقت ههههههههههه
هذا ياطويلات العمر
<< لا لحظة بكتب وانا مستحية 0_0
اممم انا من كم سنة وأنا أحب شخص , ما بيني وبينه ولا شي بس حاطة غلاته بقلبي ومسكرة عليه وساكتة ههههه
قبل فترة قصييييييرة راسلني وقال انه يحبني وانه ماقدر يكتم اكثر من كذا ومن وانا صغيرة وانا ماخذتن قلبه <فديتني هههههه
وصرت اراسله كل هالفترة واحسه حيل متعلق فيني وكل شوي يقول متى بتزوجك
والله يابنات اني ملتزمه وعاقله وماعندي هالسوالف , وهو ملتزم وكل الديرة تشهد له بالاخلاق وعلوم الرجاجيل هههههه
نجي للمشكلة الاساسية
انا من قبيلة كبيرة ومعروفين اهلي ,
هو مو اصيل ‘(
انا مااااعندي مشكلة بهذا الموضوع وبالعكس اكثر شي يهمني دينه وخلقه والناس كله تشهدله بهالشي واخلاقه لا يُعلى عليها تبارك الله .. وفوق كل هذا يحبني ‘(
هو يقول انا كثير قلت لاهلك ابي بنتكم ويقولون اصبر لما تخلص دراسته
واهلي مابحياتهم جابولي طاري هالموضوع , يعني كل ماتقدم لي احد قالولي ويكون الرفض من عندي , الا هو ماقالولي عنه ...... تتوقعون عشان اصله ؟؟؟!!!!
الحين هو يقول انا ماعاد اقدر اصبر اكثر من كذا هالفترة اللي راسلتك فيها علقتني فيك حيل ويقول ابغى اتقدملك رسمي ويقولون لي اما أي او لا عشان مانكسب ذنوب برسايلنا ومن هالكلام
قبل شوي ارسل قال ترى امي الجمعة بتجيكم
هههههههههه هو ماعنده خوات بنات , وامه انا متعلقة فيها حيييل بغلاة امي وما اقدر اصير قدامها مستحية وكذا يعني هي تعرف اني مرجوجة ... بس خايفة ابوي يصدمني !!!
ابغى شوركم يابنات تكفووون
مع اني كنت رافضة فكرة الزواج كنت اقول بخلص دراسة واشبع نوم سنتين ثلاثة بس الحين هو طيرني الله يصلحه ههههه .. طبعاً بس بيكون كتب كتاب الحين والزواج لما اتخرج
عارفة اننا اخطأنا لما تراسلنا لكن هذا اللي حصل و باذن الله ماعاد تتكرر الرسايل لما نملك *_*


يالله هاتوا ماعندكم ترى الجمعة بعد بكرا ماباقي شي والله سجلت بهالمنتدى قلت محد من البشر بيريحني وينصحني الا بنات عالم حواء فديتهم ...... لي كم يوم ما اعرف النوم بسبب هالموضوع خايفة ابوي يرفض بدون مايقولي ‘(