اخيرا بسجل @akhyra_bsgl
عضوة جديدة
حوائيات كلكم تفضلو (خصوصا ) زوجها رايح جاي لاهله-او مايروح لاهله الامعها ).....
اهلين بنات
شخباركم
شلونكم
بغيتكم بسالفه صغيرووونه
كثير بنات اقرا مواضيعهم
زوجي مسؤؤل من اهله 24ساعه يقضي اشغالهم:09:
والثانيه
تشتكي ان زوجها كل يوم لازم يمر اهله
وكاتبه بموضوعها الله يعيني كنها فحرب:42:
والثالثه والرابعه
ليش انتم كذا حرام عليكم وربي حراااام
اخذتي ولدهم تحسين انه ملكك!!!
صدقيني ياللي تقولين يخلص اشغالهم
مع وجود له اخوان
طيب تبين زوجك يعق باهله؟؟
ابشري بالخير بيكبرون عيالك
ويجون حريمهم وان شاء الله ربي يخليهم يعاملونك بالمثل
ماتدرين بالخوافي
يمكن امه مجربه مره مرتين تدق على اخوانه الثانين
ولايعطونها وجه
ليش انتي حارمه زوجك انه لاخلص شغل لامه تقوله
رح الله يرزقك ويفتحها لك :love:
والي ماتبي زوجها يمرهم كل يوم ولاكل يومين
وربي وربي اني حازه بخاطري ان اخواني 2
مالامي غيرهم عيال مايمرونها الا مرتين بالاسبوع:44:
مع زوجاتهم وعيالهم
لدرجه
لولولو مر بيوم غير هذيلا اليومين
كل من شاف وجهه بالبيت قال وش جايبك؟؟؟:blink:
لانه شي غريب جدا جدا انه يجي بدونها ؟؟؟؟؟
بالمقابل هي تروح لاهلها 3-4مرات بالاسبوع
>>اذذا موكل يوم
تنويه صغير
ماعندي اي انتقاد لو تروح لهم كل يوم
بصرهم حياتهم واهم حرييين
بس ليييه ماتنصحه يمر امه ليه
وبداخلي اغااار بس مابغى احكي اضيق صدر اميمتي
انو زوجي مشالله لااله الا الله عليه لازم يمر امه وابوه:biggthump
حسب ضغوط شغله
يوم ايه ويوم لا
واذا سهالات راح لهم كل يوم
وصدقوني انا ازن اقوله رح لهم كل مغرب يقولي لا
لان امه من الي مره يخافون من الحوادث
يقول لو يوم راسي مصدع ولافيني نوم بتحاتي:(
وتخاف ليش ماجيتهم ابي اعودها ان موكل يوم امرها
ســــــــــــــؤالي:rolleyes:
ليش ماقد شفنا مشاركه وحده
تقول ياناس اخوي كل يوم يمر امي؟؟؟؟
ولاالثانيه تقول تعالو شوفو زوجي راضي كل يوم يوديني لاهلي
ياناس حرام عليكم اتقو الله :icon28::icon28:
2
556
يلزم عليك تسجيل الدخول أولًا لكتابة تعليق.
الله يصلح الحال ويعينا على بر والدينا و والدين أزواجنا
وصدقتي الدنيا دوارة وماندري وش مخبي لنا الزمن .
وصدقتي الدنيا دوارة وماندري وش مخبي لنا الزمن .
الصفحة الأخيرة
يعني أي عيب من الولد يتحطونه في الزوجه ...
طبعا أنا عندي أخوان متزوجين وبعضهم يمر أمي كل يوم وبعضهم مايجي إلا كل كم يوم...
وحنا طبعا ماقلنا أن زوجاتهم مايحثونم على زيارة أمي بالعكس نتوقع أنه هو كذا يبي اللي حريص
على أمه يبي يزوره بدون وصايه...
وأنا أشوف زوجي طبعا الزياره كل شوي لأننا في الدور الثاني والحمد لله أنا مبسوطه لهذ الشي..
لكن دايم أي شي يصير من مواقف مع خوانه أو خواته يروح لأمه ينقد ويهاوش ...
وأنا والله دايم أقوله ياأبن الحلال لاتغث أمك بأشياء ماله ذنب فيها...
لكن أتوقع هم على بالهم أني أشيله عليهم لكن أنا ونيتي ربي يعطيني ..
الخلاصه أن اللي حريص على أمه يزوره بدون ماأحد يحثه على هالشي وموكل شي على الزوجه
المسكينه اللي يمكن ماتدري عن كلامكم عنه .. ويمكن أنه تنصحه بالزياره لكن هو مايبي...
مشكوره أختي على الموضوع وأسمحيلي أن كنت قلت كلام مايعجبك...