حوااااااااار ... ادخلوا وأفيدوا الجميع بخبراتكم

السلام عليكم ورحمة الله وبركاته .. مبروك عليكم الشهر والله يعوده علينا وعليكم انشالله بالخير والبركة ....

عزيزاتي .. أنا انخطبت من فترة قصيرة من واحد يداوم ويايه .. والريال محبوب ما شالله..... بس للحين ماصار شيء .. يعني بعدنا في فترة انه أهلي يسألوون عن الريااال ..

أنا الصراحة وايد مستانسة ... بس خواتي و أخوي مب راضين أني أخذ واحد مب من أمارتنا ...:(
يعني أنا من دبي و هو من الفجيرة ... بس الوالد والوالدة ماعندهم مانع ....

كنت وااايد متحمسة للموضوع كوني أعرف الريال من الدوام .. زملاء عمل يعني .... لكن بعد كلام خواتي .. حسيت اني متردده .. صليت امس صلاة استخارة وخليت الباقي على رب العالمين ...

الريال شارني ... بس انا أحين مترددة شوي....
كل حد يقولي الريال عقب العرس يتغير ... وانا الصراحة ماأبغي أعرس وأندم أولا على كلام خواتي، انه الريال مب من ثوبنا والمفروض اتزوج واحد من نفس انارتنا ... وثانيا انه تغيّر علي !!!!
وأنا ادري انه كل بيت فيه مشاكلة ... بس مب انه يتغير !!

فسؤالي ومحور حديثي هو : هل فعلا الريال يتغير بعد الزواج؟ وشو هي الأسباب لهذا التغير؟؟


اتريا ردود بعض الي عنده خبره على هذا الموضوع .. والله يجزيكم الخير يارب :)