ماقريت سؤالك انا لا انتفها ولا انمصها ولا ناويه حتى اشقرها


لو عندك غير هالحلولو وبعيده عن الحرام هاتي


وتسلمين اختي

:24: :24: :24: :24: :24:

حلو التفاعل:27:

لا ننتفها ولا نقصها انخليها على طبيعتها افضل ..... وكمان انا سمعت ان نتفها يجيب الامراض والعلل وهذي منطقه حساسه لانها قريبه من العين فكل شعره تنتف من مكانها تعطل خليه منالخلايا اللي عند العين ...
فعلا الله ورسوله ما نهو عن شيء الا لحكمة ....:26: :26:

هلا والله وحيا الله كل المفاعلات ... اقصد المتفاعلات
عزيزاتي أولا..... شكرا جزيلا
ثانيا .... في شي عن مضار النمص نسيت اقوله لكم , وهو ان النمص له مخاطركبيرة جدا على العيون والبصر ...مخاطر ممكن توصل لدرجة العمى..نسأل الله العافية. وفي كذا قصة سمعتها او قريت عنها عن بنات اصيبوا بالتهابات حادة في منطقة الاجفان والحاجبين... وبعضهم اصيبوا بأكياس مائية وانتفاخات تترك اثر اقرب للحروق تشوه الوجة مع ان الغرض الاول كان الزينة.. ووحدة منهم اصابها العمى .. الله يعافينا واياكم ويمن عليها بالشفا

والحين عشان نتجنب الوقوع في معصية النمص... ونحسن هالوجيه بحواجب هلال ... اختكم lonesome_bride ... اللي هي انا .... عندي كم معلومة للاهتمام بحواجبنامنها ... بسم الله.. احم .. احم
1. لما توقفي قدام المراية تمشطي شعرك وتأملي هالحواجب زين ... وش يبيلها .. وش يبيلها .. وش يبيلها ... نسيت ..

امزح ..خذي لك فرشة صغيرة او مشط , وسرحي حواجبك على فوق وعلى تحت وعكس اتجاه نموها... وكرري كل جهة عدة مرات.
بتلاحظين ان الحواجب بتتعبك شوي وشكلك اكيد بيطلع ... نكتة الموسم .. لا تخلين احد يشوفك عشان يعني .. سبحان الله .. يمكن يفكرون ان فيك شي ما شيات..تذكروا الغولة اللي قلت عنها اول .. والساحرة ..لا تستغربوا الشبه بينكم وبينهم ..امزح مرة ثانية

2. بعد التمشيط جربي الفازلين بكمية بسيطة, حطي في طرف اصبعك شي بسيط وادهني حواجبك ومشطي .. مشطي.. مشطي .. مشطي.. شكل علقت.. مشطي في نفس الاتجاهات الاولى حتى تحسين ان حواجبك صايرة مطيعة .. هي بتلزق مكانها لو مسدتيها .. وفي هالمرحلة بيكون شكلك .. اشوى .. حبتين..

3. الحين حطي اصبعك السبابة فوق عظمة الحاجب .. واصبعك الوسطى تحته والحواجب بينهم وابدئي في التدليك بشكل حركات دائرية على طول الحاجب... رايح ..جاي.. ودلكي...ودلكي..ودلكي...علقت مرة ثانية.. احم

4. الحين امسحي الفازلين الزايد.. اذا كان باقي شي..وامشطي حواجبك ورتبيها.. خلي شعر الحاجب من اوله يتجه فوق وبعدين مسدي الباقي في نفس اتجاه الشعر.. وحطي عليها كريم مرطب .. سواء كريم للشعر او للبشرة .. انا شخصيا لما اخلص من هالمرحلة احس براحة...

5. طولت السالفة ..صح .. الحين ابدي بتحديد شكل حواجبك.. وارسميها بالمشط او الفرشاة وجمعي الشعر الطاير والزايد من فوق او تحت ولميه مع بقيت الحاجب واعطيه الشكل اللي تتمنيه.. وخذي قلم رسم الحواجب اللي تستخدميه وارسمي ... بس لا تضغطي عليه ..ما فيه داعي يبان مرة بس لمسة خفيفة تعطي لون بسيط.. وحاولي تمشي القلم في اتجاه نمو الشعر وفي الاماكن اللي الشعر فيها خفيف. وياليت ما تستخدمي القلم الاسود لانه لونه .. ماش .. ولو استخدمتيه انتبهي مرة .. عشان ما يصير الوجه كله حواجب

6.الحين شوفي النتيجة.. ياريت تعجب.. بس اذا مو حلوة .. لاتلوموني العيب مو مني .. حواجبكم كذا .. انا ايش اسوي .. امزح .. مرة ثالثة. في طريقة حلوة تساعدك في ترطيب الحواجب وتثبتها مكانها .. حزروا ايش ؟ ..مرطب الشفايف.. حقيقة انا شخصيا استخدمه عشان اثبت سيوفي المحنية على جبيني .. لو تدرون .. حواجبي غير.. في الجو الرطب تعجزني ما اقدر اتحكم فيها.. تكش وتنتفش .. ويصير شكلي زي امبراطور اليابان.. واللي يبغى يحدد نسبة الرطوبة في الجو يشوف حواجبي.. والمرطب يؤدي المطلوب تماما

مرري المرطب على حواجبك .. ورتبيها بالشكل اللي تحبين بنفس الاسلوب اللي قلت لكم عليه
واذا خرب الرسم ضبطيه وامسحي الزايد.. يكفي يمر المنديل او القطنة مرة واحدة على خفيف

انا مرات اسوي ذا كله و اتعب عليه بس النتيجة اللي حصلتها تستاهل التعب .. جربوها وادعولي بالتوفيق والذرية الصالحة .. ووظيفة بدل القعدة

ملاحظات.. لا تمشطي الشعر بقوة .. مشي الفرشاة عليه بس الين يطاوع .. واذا ما طاعك سيبيه لا تأذينه...بتلاحظين كمان انه فيه كم شعرة بتطيح .. لا تخافين ..هذا مونمص اذا انت ما نتفتيها بإيدك
تقدري كمان تستعملي زيت الخروع على حواجبك لما تجي تنامي .. لمسة بسيطة باصبعك في الزيت ومرريه عالحواجب.. الزيت هذا يرطب الشعر ويطوله ويطوعها لك تمشيها زي ما تحبي

حبيباتي طولت عليكم.. واتمنى فعلا تجربوا ما بتخسروا شي .. احسن من لما الوحدة تنتف وتنتف وبعدين .. طرد من رحمة الله .. ادعولي بالرحمة وطيب الرزق وبالتوفيق
اختكم في الله
lonesome_bride :24: :24: :24: :24:

اختي الغاليه ..
lonesome_bride
اولا اهنيك على اسلوبك الراااائع ماشاء الله ...:32:
ثانيا طريقه جديده وحلوه وغريبه وراح اسويها ان شاااء الله ..:32: :32:
وثالثا .
هذي اضافه مني ..
انا كنت اشيل حواجبي وكنت ادري انه حرام لكن الشيطان كان يقنعني اني ماراح اقدر اتقبل شكلي من غير شيل الحواجب .:44: :44:

ولما احد ينصحني استمع لنصيحته واقوله ان انا ماقدر اعيش من غير ما انتفها مع ان حواجبي ولله الحمد مو شينه بالعكس كانت حلوه قبل لا انتفها ..

اما الحين الله يجزا زوجي كل خييييييير منعني منع بااات اني اشيل حواجبي في البدايه حسيت بصعوبه وشلون ؟؟!! ماقدر؟؟!! لكن الحين حمدلله ما اتخيل نفسي راح ارجع ثاني لشيل الحواجب ..:27: :27:


ادري اني قصيت قصة حياتي بس ابي اقول للي تتوقع انها ماتستغني عن النتف ان هالشي من الشيطان اللي يمده في المعصيه وانها راح تقدر تبعد عن النتف لكن بقليل من العزيمه والاصرار ...


تحياتي