السلام عليكم بنات انا لي فتره كبيره ماعاد نزلت موضوع في الاسريه قلت خليني اجيهم اليوم بموضوع مهم جدا .
مشرفات سامحوني اني حطيت الموضوع هنا خلوه حتى يوم يومين نظرا لاهميه الموضوع لنا كلنا
كلنا يعرف ان احنا مهما حرصنا على اولادنا واخذنا بالنا منهم لازم ما تجينا حوادث وخصوصا من سن سنه الى ثلاث سن الاكتشاف وكمان ممكن تحصل حوادث في غير هذه الاعمار يارب تحفظ اولادنا وماتورينا فيهم مكروه
قبل ما ابدا موضوعي اسألي نفسك هذا السؤال هل قد جاء يوم وفتحتي جوجل وكتبتي الاسعافات الاوليه للطفل وجلستي تقرأي فيها وتشوفي الصور الخاصه بالاسعافات الاوليه؟
نجي للموضوع كل واحده تدخل تقول لنا حدث حصل لطفلها وتذكر كيف اتصرفت مع هذا الحدث وماهي الاسعافات الاوليه التي قامت بها ؟
- انا بذكر هنا ثلاثه احداث والباقي بالردود
١_قبل اسبوع ابني ابتلع قطعه معدنيه انا حسبته شرغ بالاكل واخبط ظهره واشوفه يختنق حسيت الموضوع مو اكل لا شعوريا صرخت واخبط ظهره بقوه وتخرج القطعه ليدي سجدت سجود الشكر وحضنته
ان شاء بالردود بنزل صوره تبين كيفيه اخراج القطعه المعدنيه او اي شيء شبيه له لذلك ينصح عدم اعطاء الطفل لعب صغيره تحت سن الثلاث كمان انتبهوا من البطاريات الصغيره الي تجي دايره صغيره شفت صورة بنت بالواتس بلعتها وماتت انتبهوا من الاكياس لو بلعها الطفل ممكن تسد مجرى التنفس وهذه حذرنا زوج اختي دكتور شاف حالات وصلت للمستشفى باختناق بكيس بعضهم ماتوا
٢_ مره ابني طاح ع انفه وخرج دم كثير مارجعت رأسه للوراء خليته منحني للامام وسويت كمادات بارده للجبهه وفوق الجبهه الين وقف النزيف ولما جيت شفت بالنت ان كمان كان لازم اغلق انفه بالسبابه والابهام
٣_ بالنسبه للمنظفات يجب ان ترفع بمكان عالي لايصل اليه الاطفال انا حريصه ع هذا الشي ء ومره نسيت ارجعه كان ليله سفر واشوف الكلوركس بيد ابني وكانه كبه على بجامته جلست اشم فمه الحمدلله مافي ريحه بس جاء لي وسواس كل شويه اشمه واراقبه وخلاص من يومها حرصت
طبعا الطريقه الصحيحه للكلوركس لا تقومي بتطريشه اكرمكم الله شربيه ماء كثير ويقاا ل لبن فالتي قد حصل معاها زي هذا الموقف وشرب ابنها كلوركس تكلمنا كيف سوت اعرف واحده بنتها شربت فلاش عطول دخلوها العنايه وجلست بالمستشفى كثير . انتبهوا تحطوا الفلاش في علبه زجاجيه او قارورة لان هذه البنت شافتها بقاروره شرب وحسبته ماء وشربته
اترك لكم المايك
والله ولدي قد بلع كيس صغير وماكنت عارفه .. جلس يرجع الله يعزك الين شفت الكيسه طلعت ( كيسة حلاوه )
فالله يحفظ عيالنا وعيال المسلمين .. متابعه لموضوعك وبقوووووه