ملَك إنسان :

أنا من النوع اللي م أعرف أتصرف نهاائي مو جهل مني بس مع الخوف أتوتر وأرتبك سارت كذا حادثة الله لايعيدها من أيام الأولى بنتي الكبيرة يوم كان عمرها 3 سنوات كنت ف بيت أهلي ساكنين الدور الثاني وعيني عليها أخاف تطيح من الدرج كل شوي الأقيها تدخل راسها مع الدرابزين وأجيبها وعلى ذا الحال ويادوب جلست إلا أسمع خبطة قووووية البيت كله فز من صوت الخبطة رحت جرري لقيت بنتي طايحة وغرقانة ف دمها طبعاً صنمت مكاني وأبوي الله يرحمه هو اللي نزل شالها ودينا المستشفى وخيطوها 8 غرز الجرح كان سطحي الحمدلله ومكانه ف الجبهة لمقدمة الراس بس أشوى من الجنب مو النص الحادثة الثانية نفس البنت كانت عند جدتها ليلة العيد وخبركم الناس تنظف وترتب وتلاقي كوب وتاخذ منه شفطة ع بالها مويه وطلع كلوركس ودوها المستشفى ومحد بلغني إلا لما قال الدكتور لازم تنويم فين أمها ( قضينا العيد ف المستشفى ) الحادثة الثالثة : بنتي عمرها 8 سنوات حاطه ف فمها لعبة صغيررة وغصت فيها خبطت ضربت مافي فايدة جات أختها الكبيرة صاحبة الحوادث الأولى قالت غلط ي ماما حضنتها من ورا وضغطت ع بطنها بقووة وسبحانه طلعت اللعبة ع طول آخر شي اللي عندها أطفال تنتبه لهم وخصوصاً اللي لساتهم متعلمين الحبي جارتي ولدها عمره 7 شهور لقي حبة فشار طايحة ف الأرض وبلعها وقفت ف حلقه وللأسف م عرفت تتصرف ولا بلغتني ولا بلغت جارتي الثانية عشان نساعدها ضلت تخبط فيه وتنتظر أبوه لحد م يجي وجا متاخر وأتوفى الولد وهم لسى م وصلوا المستشفى ( الله يجعله شفيع لها ) الله يحفظنا ويحفظ ذرياتنا من كل مكروه يعطيك العافية أم عبود ع الطرح المفيد

أنا من النوع اللي م أعرف أتصرف نهاائي مو جهل مني بس مع الخوف أتوتر وأرتبك سارت كذا حادثة الله...

أم عبووووود :

اقروا هذه القصه للعظه 💟 مات طفلي بسببي لا أعلم كيف أبدا ماحدث معي كنت دائما أسمع قصص لامهات مات اطفالهم بسبب اهمالهم وانشغالهم اليوم كحال كثير من الامهات بالجوال لدي ثلاث ابناء الابنه الكبرى عمرها ست سنوات والابن 4 سنوات والصغير سنه واربعة اشهر كنت دائما اجلس اشاهد السناب والانستقرام واتابع المشاهير حتى وانا بالمطبخ لدرجة احيانا ابنتي تاتي لتتحدث معي وتسالني او ترغب باللعب فأسكتها واقول لها بعدين مشغوله واي انشغال سوى مشاهدة مالا فائدة منه طفلي الصغير ذات السنه يبكي احيانا فاعطيه المصاصه لاسكته ولا يشغلني لاكتشف بعد ساعه انه يحتاج تغير الحفاظه وكثير امور حدثت معي تمنيت اليوم ليعود الزمان للوراء لاأصلحها لكن لاجدوى زوجي دائما ينبهني ويحذرني من انشغالي عنهم ومن دخولهم المطبخ معي اثناء انشغالي بالطبخ وكنت لا أبالي وككل يوم كنت اتصفح الجوال بالمطبخ وأصغر ابنائي كان معي يلعب ويتبعني وضعت الجوال واخذت قدر المكرونه لاسكب الماء الساخن بسرعه وارجع للجوال فانزلقت قدمي وانسكب الماء فوق طفلي ليلفظ انفاسه الأخيره أصبت بهلع شديد وصراخ وطرقت الباب على جيراني وانا بحاله لا يعلم بها الا الله اخذو طفلي لاقرب مستشفى ودعت روح طفلي.. ابتسامته.. حركته.. اليوم لي سنه من وفاته وكل يوم من هذه الايام اعيش لحظة ندم على تقصيري زوجي تركني عند اهلي معلقه ولا ألومه على ذلك احاول ان اعوض ابنائي تركت الجوال وبرامج التواصل فرغت نفسي لابنائي وأتمنى أن أعود لزوجي لأبدأ حياة جديده رغم أن بداخلي ألم وندم لايعلم به الا رب العالمين هي رساله وعبره كتبتها بجوال اختي لكل أم لاتجعلي جوالك أهم من ابناءك تحدثي معهم عن مدرستهم ويومهم فيها خصصي، وقت للعب معهم احضنيهم كل يوم لبي احتياجاتهم أطفالك أمانه قد يحرمك الله منهم بسبب اهمال بسيط فكوني قدر المسؤولية والامانه اللتي وهبك الله إياها 1437/10/20 🍃🍃

اقروا هذه القصه للعظه 💟 مات طفلي بسببي لا أعلم كيف أبدا ماحدث معي كنت...