جزاكي الله خير اختي الموضوع رائع

انا صراحة اكبر مشكله تواجهني مع بنتي 11شهر كل شيء تاكله من السجاد من الاوراق اي شيء لذلك يجب الحذر من ترك الاولاد بدون ملاحظة

وقت النوم تتحرك لذلك انومها في مكان ما فيه اشياء حادة

الموضوع عجبني وايد .. لأني هذي المواقف وايد تصير مع ابني مع اني اراقبه بشكل مستمر ومكثف بس هو ما شاء الله عليه يتعرف على العالم بطريقة خاصة جداً :22:

على فكرة عمره 11 شهر وبكتب لكم بعض المواقف واللي اتمنى تستفيدون منها وتفطنون لها علشان ما يتعرض لها اطفالكم ..

1- الكهربا.. اخطر شي .. ولدي سوسو يموت في شي اسمه سلك ( واير كهربا ) اول ما يشوف الواير على طول في فمه :09: .. مرة صادف ان الواير مشبوك في الكهربا وما انتبهت إلا الولد ينتفض فجأة لما حط الواير في فمه .. والحمدلله عدت على خير ..

2- الثلاجة .. الحبيب صار يعرف يفتحها .. يعني لازم اخذ حاجتي منها واقفلها وارفع المفتاح عنه ..

3- احطيه على السرير والتهي عنه بأمور على اساس ارجع له بسرعة .. بس ما انتبه إلا على صياحه وراسه ضارب في السيراميك أو في حديد السرير .. :eek:

4- سالفة كيس التشبس اللي قالتها الاخت فوق خطيرة جداً .. وأضيف لها بعد كيس بيب العصير ( المصاصة ما ادري شو تسمونه .. احيانا اعطي سوسو العصير يلعب فيه بدون ما افتحه يقوم هو يحاول يفك البيب باسنانه وطبعاً يكون بعده مغلف والنتيجة يروح شي من التغليفة في حلقه .. وسمعت ان فيه طفله بلعت هذي التغليفة فسبب عندها انسداد مجرى التنفس وماتت .. الله يحفظ عيالنا :(

لما اتذكر شي غير برجع لك

كثيره هي الحوادث التي تواجه أطفالنا في حياتهم ،،الأم الذكيه من تعرف كيف تقلل من نسبة الحوادث التي ممكن أن يقع فيها الطفل كل مايلزم هوتوقع الخطر قبل وقوعه لازم نأمن منزلنا من جميع ما يمكن أن يؤذي الطفل

من أصعب المواقف التي واجهتني موقف صار لبنتي والحمدلله انو الله سبحانه وتعالى ألهمني وعرفت أتصرف

بنتي كان عمرها تقريبا 3 سنوات نزلت بيت جدتها ودخلت في نشاف الغسالة والغسالة من النوع اللي

يتعبأ من فوق الحجم الوسط لحسن الحظ وجلست داخل النشاف ولا استطاعت الخروج جيت وحاولت أخرجها

ماقدرت فكرت شويه والفكره اللي خطرت ببالي لا أعرف كيف خطرت بس الظاهر ما كان عندي فكره


غيرها خلعت بلوزتها ودهنت ظهرها وركبها بزيت طعام وحاولت مره ثانيه والحمدلله خرجت بعد ما

كانت تصرخ وتصرخ وتعرفو الطفل لمن يصرخ يربك الأم لذلك مهم جدا انو الأم تكون متماسكه وهادئه

في المواقف اللي مثل هذي عشان تعرف تتصرف وتحل الموقف

هذا حاليا ماأتذكر وان تذكرت شيء لاحقا كتبته

وهذا الرابط مكمل لموضوعك

http://forum.hawaaworld.com/showthread.php?t=424095

اخطر شي حبيباتي المكوى لما يكون حار بعد الاستخدام شيليه على طول وحطيه بمكان امن وعالي لين يبرد وبعدين حطيه في درج مقفل...وحده من قريباتي احترق ولدها في يده من المكوى بعد ما استخدموه ما شالوه...اخذوا بالكم حبيباتي والله يحفظ لنا عيالنا من كل مكروه يارب.

الله يستر على عيالنا يارب


انا اكثر شي مجننتني بنتي على درج الكاسات في المطبخ تتغيفلني وتروح تفك الدرج وتاخذ الكاس وتلطخ فيه على الارض والنتيجه يتكسر ويطير الرذاذ على وجها وعيونها

الشي الثاني مثل ما قالت اختنا الوايرات والشاحن حق الجوال انا دايم اخليه في الكهرب والسلك عادي نازل على الارض ... طبعا بنتي الحلوه تجي وتاخذ السلك وتحطه في فمها واكيد راح تتكهرب بس ربي ستر

اذا كان بيتك سيراميك انتبهي له بحيث يكون ولا مويه فيه ولا قطره ولا قطرتين وخاصة اذا كان الطفل بو سنه ويحاول يتمشى ... انا بنتي مسكينه تتمشى توها وكل يوم تطيح في قطرات المويه الناتجه من دورات المياه بعد الوضوء ولا اذا جيت اجيب لابوها مويه شوي تطيح قطرات يعني
مع العلم بنتي عمرها سنه وشهر


اذا ذكرت شي برجع