حوار عن البنت السنقل الي صارت اخطر من الولد تعالو نتناقش

بسم الله الرحمن الرحيم . السلام عليكم ورحمة الله وبركاته. اليوم حبيت اتطرق لنقاش معكم عن موضوع يفتقر له المنتدى واتمنى من الجميع للمشاركه سواء بنت ولا متزوجه لأكن اتمنى ان الحوار يكون حوار راقي بدون سب لو شتم خلوني أعطيكم نبذه عن من هي البنت السنجل هل هي بويه او مجرد بنت من خلال جلساتي وسماعي لسواليف بنات الجامعه من أقاربي شدني جداً موضوع البنت السنجل اكثر من البويه فجمعة معلومات عنها لان البنت السنجل تظهر عليها كل علامات الانوثه تلبس وتتمكيج وحتى مايبان عليها اي مظهر طيب وش ميول هالبنت للاسف ميولها نفس ميول البويه تحب بنت مثلها وتكون علاقات مع بنات وللأسف تسوي زي مايسوي الرجال مع الحرمه و هاذا الشي يخالف الفطره الاسلاميه. الي الله خلق الأنثى عشانها الي هي ان كل بنت تطلع على هالدنيا تكون ميولها وتفكيرها في تكوين اسره وبيت وزوج وعيال تربيهم وترعاهم وتهتم فيهم من وهي بزر تلعب بالعرائس والمواعين لأكن وش سبب هالانحراف عن فطرة الاسلام ؟ وهل هو موضه ؟ بعد البعد عن الله سبحانه وتعالى هل تقليد أعمى او عدم رقابة الأهل ومن وين جاء ؟ ماكان عندنا هالنوع من البنات من عشر سنوات طيب انتي كاام وش بتسوين اذا دريتي ان بنتك سنجل خاصه انه ماتقدرين تسيطرين على الوضع لانه هالبنت بتكون موجوده بكل مكان باالمدرسه بالبلاك بيري ومواقع التواصل الاجتماعي زي التويتر والفيس بوك والجامعة وفي السوق والملاهي وحتى الأعراس والحفلات هل ممكن تكون فتره وتعدي ولا البنت هاذي لايمكن تتخلى عن مبداءها خلوني أبدء الحوار وأقول وجهة نظري للاسف هالموضوع له اكثر من شهر شاغل بالي وللوله الاولى اكتشفت ان السبب الرئيسي بعد البنت عن الله سبحانه وتعالى. ماتلقى بالبيت الام الحنونه والاب الحنون الي يحتونها وعندها فراغ عاطفي وممكن تكون مرة بتجربة زواج او حتى خطوبه فاشله عدم مراقبة الأهل لبنتهم لانه لها صديقات فهم بنات زي بعض للاسف الأهل يتطمنون من هالناحيه وصديقات السوء الي يمكن يعبون راسها لانهم من هالنوع من البنات وهي مراهقه والتقليد الأعمى للموضه لأكن الحل هو الشي الوحيد الي مااقدرت اوصل لحل بسبب ان الحين كل شي متوفر النت الجوال وغيره قلت ابد البنت الي تسوي كذا مالها الا الزواج مدري احس تفكيري في تزويج البنت من هالنوع سطحي وموب عميق فكرت انها لازم تتعالج عند دكتور نفساني تبتعد عن الصديقات السوء ويدورلها عن صديقات صالحات والافضل تسجيلها في حلقات تحفيض القراءن ومراقبتها الدائمه واحتواء الوالدين لها وتقرب الام منها واعتقد من ناحية الفتره نعم انا اقول انها فتره وتعدي وممكن البنت تتزوج وتتخلى عن هالشي اذا تعالجة منه لانه زي الإدمان واذا ماتعالجت منه راح تعزف عن الزواج وتوصل للعنوسه وآسفه على الاطاله واتمنى من المشرفات مايسكرون الموضوع او يحذفونه لاهميته الحين ابي راي كل وحده فيكم