حوار فانتازي

بسم الله الرحمن الرحيم

وبه نستعين

الحوار القادم من وحي خيالي لا أكثر


:arb: هلا يمه

....هلا ياوليدي وش في وجهك منقلب

:arb: أبد يمه مرتي لسانها طويل وحاس إن عينها زايغه على الرجال شوي ومتغيره علي

....طيب ياوليدي حاول إنك تغير من نفسك أكيد هي ما احترمتك عشانك غلطان في شي

وبالنسبه لزياغه عينها روح غير من شكلك ونحف كرشك ألبس اللي تحب حط سكسوكة

ولا عوارض و تعلم حركات رومانسيه عشان ما تطالع غيرك

:arb: طيب حابستني لا أروح ولا أجي

....ماعليه تحمل كل الحريم كذا انت تطلع لدوامك و تجيني مرتين في الشهر شف زوج فلانه ما يطلع الا بالعيد

:arb: تصدقين يمه تاخذ راتبي كله وما تعطيني الا مصروف بسيط

....مايخالف ياوليدي فلوسك لمرتك وعيالك مو أحد غريب

:arb: تخيلي يمه ذاك اليوم مدت يدها علي أنا مفكر أنفصل بعد هالحركه بس قلت أصبر شوي

...لالالالا ياوليدي كل شي ولا الانفصال الواحد ماله إلا مرته حتى لو حولت حياته جحيم

عالأقل قدام الناس إنه متزوج أفا عليك ما هقيت يطلع منك هالكلام ولا عاد تجيني مرتن ثانيه الين

ينظف راسك من هالأفكار أها بس

والحين ورنا عرض اكتافك ورح قابل مرتك أحسن لك

وخرج يجر أذيال الخيبه لا مشاكل انحلت ولا أحد يوقف معه حتى بالكلام

انتهى


اللي خلاني أكتب هالحوار مشاهداتي في المنتدى و الواقع المر مهما كان الرجال غلطان محد يحط الحق

عليه

له علاقات وعينه زايغه قالوا مرته ما تشبعه

يمد يده ولسانه ورجله :dry: قالوا مسيكين عصبي و المفروض تروضه ما تستفزه

قليل أدب ودين قالوا من مرته ما تنصحه و تعدله

والحرمه لو تغلط غلط أتفه مايكون محد رحمها حتى الحريم اللي زيها

يعني أشوف وحدة كاتبه موضوع عن رجال ما فيه مواصفات الرجوله وبعد يقولون تحمليه :08:



للتوضيح لا أكثر

أدري إن الرجال له قوامه و له احترام و تقدير وله واجبات علي أنا ما أنكرت هالشي

فلا تجي وحده مدرعمه تتكلم عن واجباتنا كنساء حنا نقوم بها وزياده و المنتدى هذا خير شاهد

أحس جا الوقت اللي نكون فيه واعين لحقوقنا لأن الواجبات ترضعينها منذ الصغر


الله يعين بس