~{ حوامــــل ونفــــاس الغربة }~ {الملف 2}

أم أحلى بدر • 15 سنة

كروشات حبايبي موعد ولادتي الأسبوع الجاي ..
و ودي أعرف بعض المصطلحات المتعلقة بسوالف الحمل و الولادة بالإنجليزي مثل : المشيمة ، الخياطة ، موانع الحمل ، الإمساك .. وين ألقاها ؟؟ هل في بالنت و هل سبق أحد كتبها و لا شي .. خايفة أتوهق ..

معليش أنا جديدة عالتجمع هنا .. و جديدة على بريطانيا بعد صار لي حول شهرين بأكسفورد .. و شكلي بعوشر بعد .. موعد ولادتي إن شاء الله الخميس الجاي 22/4/2010 و لا في بوادر ولادة ..

الله يسهل لنا كلنا الحمل و الولادة .. و يجعل الولادة سهلة هينة و سريعة .. اللهم آمين .. مررررة خايفة .. لأنها تجرية جديدة هنا ..

شمس؟؟؟ المحبه • 15 سنة

أم أحلى بدر :

كروشات حبايبي موعد ولادتي الأسبوع الجاي .. و ودي أعرف بعض المصطلحات المتعلقة بسوالف الحمل و الولادة بالإنجليزي مثل : المشيمة ، الخياطة ، موانع الحمل ، الإمساك .. وين ألقاها ؟؟ هل في بالنت و هل سبق أحد كتبها و لا شي .. خايفة أتوهق .. معليش أنا جديدة عالتجمع هنا .. و جديدة على بريطانيا بعد صار لي حول شهرين بأكسفورد .. و شكلي بعوشر بعد .. موعد ولادتي إن شاء الله الخميس الجاي 22/4/2010 و لا في بوادر ولادة .. الله يسهل لنا كلنا الحمل و الولادة .. و يجعل الولادة سهلة هينة و سريعة .. اللهم آمين .. مررررة خايفة .. لأنها تجرية جديدة هنا ..

كروشات حبايبي موعد ولادتي الأسبوع الجاي .. و ودي أعرف بعض المصطلحات المتعلقة بسوالف الحمل و...

اهلين بنت كلورادو انا بدنفر وانتي وين ان شاء الله تكوني قريبه مني

SilenT EmotioN • 15 سنة

يااهلا بنت النور .. الله يسمع منج انا بعد مااابي اعوشر .. :"( ..

الخمس فناجيل حسبتها شراب نفاس طلعت لشي ثاني .. ولهجة الاخت شوي صعبة ما فهمت عليها هههه ..

بالنسبة لي جهزت كم شغلة لما يبدي الطلق لتقويته وتسريع الولادة ... وبعد كم شغلة لبعد الولادة ... وكل هالشغلات قريتها وسجلتها من كتاب اسرار الحريم .. على فكرة تراه كتاب رووووووووعة لكل البنات انصح فيه .. :)

ماادري اذا تقدرون تحصلونه من النت .. انا اخذته من اختي قبل ما نجي بريطانيا ..

هذي صورته

ان شالله بكره اكتب الشغلات اللي جهزتها لنفسي وانقلها لكم للفائدة .. :)

ام احلى بدر .. حياج بيننا اختي والله يسهل عليج يااااارب ..
الكلمات اللي بغيتيها هي :
المشيمة : Placenta
الخياطة : stiches
موانع الحمل : Contraceptives
الامساك : Constipation

بما انج جديدة في بريطانيا فحبيت افيدج شوي ..
بالنسبة للخياط هم ما يسوونه ابداً الا للحالات المستعصية ..
الامساك علاجه اكلات ملينة للمعدة مثل العنب والمنغة وكثرررررررررة السوائل .. وتمرين عضلات الرحم والفرج ..
والله يهون عليج وتولدين بالسلامة يارب :)

الجـمانة • 15 سنة

يالله حنيت لهذا الملف تذكرت البنات رورو وام نسيبة وحواء وروزان وزينة ومرمر واعتذر اذا نسيت احد وقريت لكم وحدة لحقت عليها قبل اولد مثل سايلنت وبحلس وفتون
الله يسهل عليكم جميعا>>>كل الي بالملف والي مغتربات
والا تقول مافيه بوادر سبحان الله انا جاتني وانا ماكنت متوقعة ولا مستعدة مرة لكن الحمدلله على تسهيله

أم أحلى بدر • 15 سنة

الله يعطيج العافية أختي SilenT EmotioN ماقصرت ..

بالنسبة للخياطة إلي فهمته من كلامكم إنه إذا كان في توسيع يخيطون .. صح و لا ؟؟

و الله يعطيك العافية عجلي علينا بأسرار الحريم ..

و بالنسبة للإمساك .. بصراحة كان وضعي زين بس حبوب الحديد إلي عطتني إياها الدكتورة جابت لي أزمة مع الإمساك .. بس تقول حديدك نازل مرة و لازم ترفعينه ..

المشكلة أحس إن الإمساك بيأخر ولادتي ..؟؟