مرررررررحباااً نفيخات عسى نفيخاتكم تنفقع على خير بس ...

الحمدلله امس خلص زوجي من الفاينل ريبورت فأخيراً قدرت ادخل واتابعكم ، كنت مشغولة بالكتابة معاه هههه ..

نرجع للردود والسموحة اذا ما تابعت كل الردود ..

طفلة مغتربة .. الف مبروووووووك والحمدلله على سلامتكم .. ننتظر قصة الولادة لا تبخلين علينا .. اغلب البنات صارو ما يكتبونها !

فتون ... سألت عنج العافية .. الوضع مستقر حتى الان هههههه ... حبيبتي انتي بالشهر الثامن ... تدخلين التاسع بالاسبوع 36 ان شالله ..

عصبية وحنونة ... شو سالفة الي ما يخلونكم تنامون بالمستشفى وايد اسمعها بس صدقيني عاااادي يخلون الحرمة تنام !! .. هو على حسب الطلب والوضع لو وحدة شافت نفسها خلاص تعافت وتبي تطلع بنفس اليوم يطلعونها .. انا بصراحة دخلت اول الصبح وطلعت ظهر اليوم اللي بعده وولا وحدة قالت لي يلا قومي طلعي !!! :/

ام السنفورة حبيبتي الولادة هي الـ labour ... اما الطلق هو contructions
اميرة باحساسي .... اسم ابره الظهر .. ايبيدورال .. اما تبع الفخذ نسيتها ^^" ..

القدر انحرق .. اكيد اخذي بدون وصفة ما يحتاج .. بس تعرفين انج حامل ابدي بالفولك ..

ام احلى بدر .. يعاافيج ربي ومبروك العاشر ههههههه ... عقبالي عن قريب اعرف اني راح اعوشر .. ههههه ..

بنت النور .. مبرووووك التاسع ،، وتبين اقول عقبال العاشر ؟؟ خخخخخخ .. الله يهون عليج يارب صفي جنبي بس عالثقل والتعب .. :( ..

انا الشنطة جاهزة بعد بين فترة وفترة اطل فيها اشوف اذا في شي ناقص ..
و راح ادخل العاشر بعد 8 ايام .. خخخخخخ .. للحين مافي طلق .. بس شوية نغزات و احس البيبي نزل بقوة الضغط تحت ..
الحركة والنوم حدث ولا حرج .. هلااااااااك غصب اتحرك وانام .. ياربي سهلها بس واولد بسرعة ..

السموحة بنات نسيت اكتب الجزء الثاني من الكتاب ... ان شالله بكره او اشوف اذا الليل قدرت اكتبه لكم بأسرع وقت ..

بنات الله يسعدكم انا بكريه وعندي موعد يوم الثلاثاء الجاي وابغاء منكم تعلموني وش يسوون لكم يعني اقدر اسمع
نبضه وخصوصا ان الموعد جاي في نهاية الشهر الثاني وهل يعطوني فايتمينات لاني بس على حمض الفوليك
وكيف متابعتهم في الحمل لاني راح اكون الى الخامس في بريطانيا وبعدها بروح لسعوديه واماااااااانه الي
تابعة نص فترة الحمل هنا وبعدين راحت تولد عند اهلها كيف دبرت عمرها بمستشفياتنا وسلامتكم
ياويلي من كثر اسئلتي الله لايهينكم ردوا علي

fioreLLi .. حبيبتي اذا اول موعد راح تعطيج اوراق تعبين البيانات والعناوين وكل شي .. وتسوي لج تحليل بول تكرمين وتاخذ عينات تحليل دم ترسلها للمستشفى .. قولي لها ماراح اولد هني عشان تسجل هالشي عندها .. وراح تقيس حجم البطن ووزنج والضغط .. وكمان نبض البيبي اذا كان واضح .. > نسيت متى يبين ههههه ..

وكافي الفولك ما تحتاجين فيتامينات .. اهتمي بأكلج زين .. كل يوم اكلي فواكه عصاير طبيعية وخضار ورقية .. خلي وجباتج لا تخلو من السلطات .. وكل صبحية كاس حليب او قبل النوم .. وطبعا التمر .. وضماااااااان ما تحتاجين فيتامينات بإذن الله ..

وبعدين حلو لو تولدين هني .. تجربة ماراح تكرر في حياتج اغلب البنات في الملف بكريات .. انا نفسي ولدت بنتي هني وهذا الثاني الله يسهل ولادته ان شالله .. كنت اقدر اولد عند اهلي بس حبيت اعيش التجربة مرة ثانية لان فرصة ما راح تكرر .. :) ..

السلام عليكم
يمكن افوز كلها ضغطة اصبع لاهنتوا
http://www.e-castig.com/index.php?r=J1uR5

والي تعرفه تفيدني عن طريق الرسايل الخاصة وحدة حمستني قلت بنات الغربة مايقصرون>>>تتمصلح

مرحبا حبيباتي الكروشات

الله يتمم عليكن حملكن وتولدن بالسلامه وترجعن لدياركن سالمات غانمات