عدنااا للغاليات النفيخات والنفيخات المفقوعات امثالي ..

الف شكر لكل الحبيبات اللي باركولي تسلموووووووون الله يسهل على وحدة وحدة منكم يارب.. وعقبال بنت النور و اسدا وليدي وكل الزميلات يارب ما يعوشرون هههههه ...

رورو ياحلو طلتك والله والحمدلله على سلامة العودة .. بشرينا شلون النونو الحين ؟؟

قصة ولادتي شوي وتصير فلم ..

المفروض عمتي تجي 1-5 يعني قبل موعد ولادتي بيومين عشان تكون معاي وبنتي تكون معاها ..
المهم .. الطلق بدا معاي من الجمعة الفجر 30-4 .. وكان كل 5 دقايق علطووول بدون مقدمات ! وموعدي مع المد وايف الجمعة الصبح قلت انتظر اروح لها اشوف شو تقول قبل ما اروح المستشفى احسن .. > وفكري على بنتي اصلاً :"( .

رحت الموعد قالت اوبن 3 سم !! واحتمال توصلين الحد العصر ! قلت يالهوي وعمتي ما وصلت واحاتي بنتي وغير هذا البيت للحين تحت التنظيف خخخخخ ..

تحملت على نفسي طول اليوم طلق الـ 5 دقايق ، قلت يمكن في امل اتأخر ليما توصل عمتي !! ههههههه
وبعدها فجر يوم السبت ماقدرت انتظر اكثر .. اخذنا بنتي وديناها عند جيراننا وانا قلبي عليها :"( ..
وطرنا للمستشفى ساعة 2 الفجر.. دخلوني للغرفة وانا للحين طلق 5 دقايق معاي ما قل ! طبعاً طلبت الكمام والحمدلله فادني وولا شي غيره..
صارت الساعة 6 ووصل 7 سم .. وانا شبه هادية و عاادية .. بعدها قالت المد وايف لازم نطلع الماي عشان يزيد معاج .. وبعدها عالساعة 8 خلص شفت المدوايف واللي معاها وجابو غيرها والحمدلله ما صار ربع ساعة الا وانا والدة احلى هشومي (هاشم) على اسم جد النبي عليه الصلاة والسلام :)
المضحك المبكي اني من سمعت صياح اللي حوالي بالغرف قلت للمدوايف ايه انا ما اصيح اسوي نفسي بطلة لاني ما صحت على بنتي.. ويافشلتي من قرب يطلع البيبي وانا اصيح ليما طلع الكيس بعده .. ههههههههههه > الحمدلله انهم راحوا ما سمعوني ..

طبعاً اخذت ابرة الفخذ عشان يطلع الكيس بسرعة بعد الولادة واعطوا البيبي فيتامين K ..

وبس هذي قصة الولادة والف الحمدلله الولادة كلها طبيعية وعمتي وصلت العصر و طلع حفيدها هو اللي يستقبلها بدل ما هي تستقبله هههه..
وبنتي حبيبتي اخذها زوجي بعد ما وصلت عمتي وجابها المستشفى .. وياحلاتها حبيبتي كلما تسمع اخوها يبكي تركض له وتضحك عليه وتحاول تبط عينه يعني تأشر عليه ههههههههه ..

امس يت مد وايف مجرد اسئلة عامة وتتطمن علينا .. وراح تجي يوم الخميس تقيس الوزن والطول وتسوي تحليل دم للبيبي ..

يلا ياالزميلات الدور عليكم .. الله يهون على الجميع ان شالله :)

** زهرة الغربة ، تسلم ايدج على الغلترز تبع الجدول روعة الله يقومج بالسلامة يارب .. :)

السلام عليكم ورحمه الله وبركاته
ياريت تضيفونني في جدول كروشات 2010
انا في الشهر الثامن وولادتي متوقعه باذن الله في 20 جوي وانا مغتربه في المانيا والمولود ذكر باذن الله

عزيزتي إنتِ الأروع .. وماشاء الله قصة ولادتك حلوه .. الله يجعل هاشم من الصالحين يارب ويخليلك ياه ربي هو وبنوتك حبيبتي ..

وهذه لكِ .. صرتِ أم لولد وبنت ..




أختي .. تم إضافتك في الجدول .. الله يقومك بالسلامه :)

سايلنت ماشاء الله قصتك حلوه >>>>فلم هو هع
الحمد على سلامتك وسلامة هشومي
وعقبالنا النفيخاااااااااااااااات تنفقع يارب قبل العاشر خخخخخخخخخخخخخخخخ

زهره الغربه حبيبتي انتي حاطتني على شهر 9 وانا ولادتي ****لله شهر 12