فتون والكل مفتون :

السلام عليكم كروشات ونفوسات كيف حالكم وشخباركم عساكم بخير ان شاء الله من زماااااااااااان عنكم انشغلنا بالنونو الجديد والنفاس والتعب الله يعين بس مبروووووك لكل اللي ولدوا بعدي ... وشكرا لكل اللي سألوا عني ودعوا لي الله يعطيكم الصحه والعافيه يارب لا تستعجلون ع الولاده يابنات كل شي بوقته حلو انا كنت اتمنى اولد واذا حسيت بألم او عوار اخاف واقول لا خلها تجلس في بطني احسن ههههههههه ماعندنا حل وسط بس الحمد لله ع كل حال تبون الاكشن حقي ولا اخليه بعدين في الحلقه القادمه ماعندي اكشن ولا يحزنون السالفه ومافيها انا يوم الخميس من صحيت العصر وفيه نقط دم وانتم بكرامه ولاعلمت زوجي ولاشي لانه هو على طول على الريحه بيوديني المستشفى وانا مابي اروح الا اذا شفت الالم صدق ولاقدرت اتحمل بس الحمد لله كنت طبيعيه مافيني شي بس الدم مسبب لي قلق المهم قمت وكل شوي ادخل الحمام اشوف فيه دم زياده ينزل ولا لا .. بعدها طلعت غسلت ملابسي مابي يبقى وراي اي شي وسويت لي قرفه واشرب فيها .. المهم قبل المغرب بشوي قلت لزوجي ابي انزل امشي وطلعت مشيت مساااااافه طويله ويوم رجعت الا كمان اشوف فيه دم بس مافيه لا طلق ولا الم ولا اي شي قلت لزوجي ترى فيه دم اقولها وانا اضحك يحسبني امزح قلت والله فيه قال يله بسرعه مستشفى مستشفى قلت ماني رايحه والله ماروح عاد انا اكلمه وانا اضحك اقوله شوفني اضحك معك مافيني الم ولا شي اذا صار معي اوجاع وطلق انا بنفسي بقولك وهو مصرّ الا يوديني المهم رحت المستشفى وقبل لا ادخل اخذت لي كم لفه حول المستشفى بعدين دخلت حطوا لي التخطيط لي وللبيبي بعدها سووا لي كشف لقوه مفتوح 4سم وقالت بخليك ساعه وبرجع اكشف عليك رجعت بعد ساعه لقوه نفسه ماتغير 4 سم قالت خلاص روحي البيت اذا نزل معك دم كثير او نزلت المويه او صار جاك طلق متواصل كل خمس دقايق تعالي وطلعت رحت البيت كانت الساعه وحده الليل الصبح من الساعه سبعه ويجيني الم مثل الدورة بالضبط الم اسفل ظهري ومغص في بطني وكان يجي كل عشر دقايق بس تحملت ولا قلت لزوجي شي ابي الالم يقوى اكثر لاني كنت متحمله زوجي راح للدوام قلت له انتبه لجوالك اذا دقيت عليك لانه حاسه بالم راح للدوام ويوم جات الساعه 12 الظهر خلاااااااص ماعاد اقدر وكنت طوال فترة الصبح اكل تمر ( ملاحظه اذا حسيتي باعراض ولاده لاتاكلين اي شي ممكن تشربين سوائل وتمر شي يسد جوعك لكن اكل ثقيل لاتاكلين ) جاء زوجي ورحت المستشفى كشفوا علي لقوه مفتوح 5 سم على طول ركبوا لي المغذي وطلعوني لغرفه الولاده اول مادخلت الغرفه قلت ابي ابره الظهر قالوا خلاص بنعطيك اياها ( انصحكم فيها يابنات ابره الظهر نعمه من ربي ) وكانت معي المترجمه من اول مادخلت الغرفه الساعه 1 الظهر الين الساعه 1 الليل المهم بعد كل ساعه يكشفون علي لقوه مفتوح 6 سم ( على فكره يابنات انا اكره الكشف على الرحم احسه عذاااااااب بس مع ابره الظهر لو يكشفون علي كل دقيقه ماحسيت بشي ) بعد ساعه كشفوا لقوه نفسه 6 سم وعطوني طلق صناعي في المغذي وبعدها بساعه كشفوا علي لقوه مفتوح عشره سم ماشاء الله تبارك الله بعد الطلق الصناعي انفتح من سته الى عشره.. المهم وانا جالسه ماصرت اسمع نبضات البيبي واحرك الجهاز على بطني ماصرت اسمع قلت لزوجي كلمهم ماعاد اسمع النبض قالل زوجي لا عادي هم ادرى بشغلهم ( يابروده دمك يقهههههر ) المهم جلست شوي وانا حاسه نفسي مو مرتاحه الا والدكاتره كلهم فوق راسي البيبي فعلا صار نبضه ضعيف ( اكتشفت انه عندهم جهاز برا يشوفون النبض ويوم شافوه ضعيف على طول جو عندي )ويحركوني يمين ويسار والا يرجع النبض طبيعي ومن بعدها بدا البوووووش بوووووش جلست ساعتين اطلق الدكتور في الاخير عطاني نص ساعه قال اذا ماولدتي طبيعي بنولدك عمليه لاني خلاص تعبت ماعاد اقدر ادفع والبيبي كمان طول داخل انا قلت لا مابي عمليه تدرون وش سويت بتضحكون قمت فكيت طرحتي وعضيت عليها باسناني والنص الثاني قلت للممرضه تسحبه عشان اقوي الدفع عندي لكن الحمد لله على كل حال اخر شي قرروا انهم يسحبون البيبي بالملقط طبعا زوجي كان رافض لانه ممكن ياثر على الجنين ويسبب له تشوه في الراس او تخلف عقلي لكن في الاخير استخار وسحبوا البنوته وولدت على الساعه عشره ونص يوم الجمعه في الليل الللللللله مااحلاها من لحظه يوم يطلع طفلك ويرمونه على طول فوق بطنك جلست ابكي من الفرحه ومن الروعه يوم شفت بنتي ههههههههههه ماصدقت وبكيت ان ربي سلم لي بنتي وما صار لها شي يوم سحبوها والحمد لله على كل حال ياربي لك الحمد والشكر اللي انا لاحظته وبقولكم عليه يابنات طبعا انا بكريه اول مولوده لي بس بنصحكم خلوا ازواجكم يدخلون معاكم نصيحه يحسون فيكم انا كنت ابي زوجي معي صح بس ماكنت ابيه يشوف شي لكن شاف كللللللللللل شي كنت اطرده لكن هو عيا وقف بجنبي مسك رجلي والممرضه مسكت رجلي الثانيه وهو اللي قطع الحبل السري للبنت الشي الثاني انصحكم بابرة الظهر بعد الاستخاره الشي الثالث اللي قررته كل مره بحمل قررت اني اولد في امريكا هههههههههههه وزوجي اعجبته الفكره الشي الرابع اللي مانصحكم فيه ابدا لاعاد تولدون في الغربه اذا ماعندك احد يساعدك قبل لاتفكرين تحملين وتولدين لازم تجيبين احد من اهلك عندك والله العظيم معاناه وتعب نفسي لدرجه اني كرهت بنتي مابيها اقول لزوجي مابيها وانت اكرهك اكرهكم كلكم لدرجه اهلي يدقون علي جوال ولا ارد عليهم كرهت الناس كلهم مابي اكلم احد ولا اشوف احد وزياده عليها ماعندي احد القسطره اللي كنت مركبتها وجلست فيني عشره ايام والله معاناه لكن الحمد لله مرت على خير بس توووووبه تووووبه ماالد لوحدي ولا اتنفس عند زوجي ابد ابد الرجاجيل ماعندهم احساس بالمسؤوليه في امور الحريم الله يعين بس بالرغم من مرور 23 يوم على ولادتي مازالت نفسيتي تعبانه ومازلت انا اقوم بنفسي وببنتي وبزوجي وبيتي كل شي على راسي محد يلومني اذا تعبت نفسيتي لكن اجر ان شاء الله والله يهون على كل حامل يارب ويهون عليكم بنات بسالكم متى تطح الخيوط انا الى الان ماطلحت واحس اذا دخلت الحمام وانتوا بكرامه تحرقني اذا غسلت بالمويه مدري وش اسوي فيها ماستخدمت ولا شي بس اغسل بمويه دافيه واجفف المنطقه وبس هذا كل اللس اسويه ..احس فيه شي غلط او شي ناقص ماسويته ابي خبرتكم ياحريم ..

السلام عليكم كروشات ونفوسات كيف حالكم وشخباركم عساكم بخير ان شاء الله من زماااااااااااان عنكم...

ام سلمان وهيا :

كيفكم ياصبايا شخباركم والله اني مشتااااااقتلكم كان ودي اشوف من اللي وللدت وجابت بالسلامه بس تعرفون الاجازه بالسعوديه وتو بنتي صغيرره وكل يوم اقول بقولكم قصة ولدتي بس والله يا اما عزيمه عااد تعرفون السعوديه ههههه ولا بنتي تتعب :44: وانتضروني قريبا بقصة ولادتي :06: والله يقومكم بالسلامه جمييعا

كيفكم ياصبايا شخباركم والله اني مشتااااااقتلكم كان ودي اشوف من اللي وللدت وجابت بالسلامه بس...