يالله هانت حبيبتي
ما بقي شي
راح الكثير و بقى القليل
طبعا انا طفشت مووووووووووت
لكن اصبرك و اصبر نفسي بنفس الوقت
وش نبي نسوي؟؟؟
بالنسبة لالم اسفل البطن يذبح و الفخوذ من فوق
الله يكتب لنا فيه الاجر
اللهــــــــم اميــــــــــــن

حاولي نجلا لا تحكين
بينعدم جسمك
يصير كله تشققات بعدين
حطي زيت او بودرة عشان يخف الحك

امين يارب الله يآجرنا :(
..
صادقه والله الزيت والباودر يخفف بس كنت احط زيت بيبي جونسون وزبدة الكاكاو حتى كريم التشققات من مذركير اما الحين ماعاد لي خلق شي ! طنشتهم الله يستر مايطلع لي تشققات بعد الولاده..

مشكوره ياقلبي .

هلا بالبنات الكتكوتات

كيفكم وكيف الحمل الله يكتب أجرنا يارب ولا يجعله هباء منثورا 000 اللهم آمين

بالنسبة للالم والثقل فحدث ولا حرج لكن الاحتساب يا بنات والله يعظم اجرنا .

على فككرة يا بنات عندي لكم طريقة خطيرة لما بعد الولادة وأفضل انكم تسوونها في العشرين الأخيرة

هذي الله يسلمكم شغالة أختي الاندونيسية قالت لها عليها ..

تجيبين :

هرد أخضر

حمر

قشر رمان

تغلين من كل شي مقدار يعني تاخذين منهم مقدار معين وتغلينهم الجميع في قدر وتصفيه

وتضعيه في ثلاجة القهوة وتشربين منه كوبين في اليوم

واللي تجربه تقول لي النتيجة انا عن نفسي ما جربته لكن أختي جربته وهي لا ولادة ولا شي لكن حست بفرق واشياء انا ما حأقولها لكم انتم جربوا وقولوا لي .

وانتم اكيد تعرفون اللي يؤخذ عن طريق الشرب او الأكل اكثر فائدة وأمن من اللي يوضع على المنطقة الحساسة او يدخل فيها من تحاميل وخرابيط << المعذرة

واذا ما فادك ما حيضرك لأنه أعشاب

المهم انا حبيت اقول لكم هالطريقة لما بعد الولادة وانتم اكتبوها ولا تنسون تسوونها وتشوفون النتيجة واللي اتمنى انكم تكتبون شي منها عشان الأخوات يجربون ويستفيدون.

وانا ان شاء الله حسويها

بالنسبة لقشر البن انا سمعت انه مفييد بعد الولادة لو وضع مع القرفة والزنجبيل يعني تجيبين من كل شي مقدار وتغليه وتضعيه في ثلاجة ( ترمس ) وتشربين منه ينظف الرحم ويظبط لك الأمور .

على فكرة يا بنات قشر الرمان صاروا حتى محلات العطور والعود يبيعونه لانه مفيد

فتقدرين تلقين عندهم مطحون وجاهز ويعطيكي الرجال الطريقة وكيفية شربه.

أدري اني طولت عليكم لكن ان شاء الله للفائدة.


دمتم بطيبة ودامت لكم الأيام الطيبة .

أختكم // عبير

تسلمين ام منصور
و انشالله باجرب