مرحبا بنات
شهوده اول مره اسمع بهالشي؟انشالله كلامك صدق :)
بشوف انشالله هاليومين بروح اتاكد ..
درة ابها كلك ذوووق ياقلبي ,

الله يقومكم بالسلامه ويهون عليكم
ماشاءالله ياليتني معكم وارتاح

pinkvip
يالله نشوف من تولد اول على قولتك
انتي باي مستشفى؟؟؟ و اي دكتورة؟؟؟
وش جنس الجنين؟؟؟؟


مشمشه الغاليه
صادقة انا و pinkvip مع بعض
و يمكن انتي تولدين قبل
انشالله ربي يسهلها علينا جميعا


بدراوي
لا توسوسي كثير
خليها على الله
فكري بشكل البنوتة
فكري شلون بتتغير حياتك اذا جات
و الولادة فكرتي و لا ما فكرتي ..... النتيجة واحدة
حاولي لما يجيك التفكير تتعوذين من ابليس
حتى انا والله احيان افكر و احاول اشغل نفسي عشان اطرد هالخوف
حتى انا اول حمل
و انشالله مااحنا ناسينك ولا شي


الحسناء 11
يا هلا فيك
الله يسهل عليك و تولدين بصحة و عافية
والحمدلله نعمة من الله انك ما تحسين بالحرقان



النــــجــــلاء تسلمين و هذا من ذوقك


<<همسة غلا>>
نورتي الموضوع
و صدقيني تمر الشهور بسرعة
ماتدرين الا و انتي بالشهر السابع
و بعدها الشهور تصير بطيييييييييئة
الله المستعان

حبيباتي لي يومين وانا احس بعوار في بطني ياخذ ساعه

ويروح واحس بحكه فضيعه في سيقاني وفخوذي وش اسوي


تسلمين يادره ابها والله يهون علينا

هلا و الله بنات .. انا في بداية الثامن و توي اليوم شفت الدكتور و طمني على كل شي غير ان سكر الحمل مرتفع مع اني تعالجت منه و اختفى و كنت اتبع حميه ما ادري ليش رجع :( و كتب لي ابر انسولين الله يعيني و يكافيكم الشر...
طبعاً الثقل في هالفتره لا بد منه و الام الطلق تكون خفيفه و غير منتظمه... يسمونها الطلق الكاذب... وهذا اعاني منه باستمرار من دخلت السابع...
غير الام الظهر اللي تذبح والام الورك ياااااااااه ياهي موجعه ان قعدت ما قدرت اقوم و ان وقفت ما قدرت اقعد ... عن جد يعور و عندي شد عضلي برجولي خاصه أول ما اقوم من النوم... وعلى طاري النوم متقطع للآخر .. واحس بحرقان في صدري :( بس احسه يخف اذا شربت حليب بارد ... اما الامساك ما ادري شالحل فيه شربت مره خروع وخوفوني العالم و بعدها بطلت بس كانت نتايجه اوكي و سريعه.. بس الاحظ نفسي اذا كليت بطيخ بكثره تنحل مشكلة الامساك و انتوا بكرامه...
بالنسبه لحركة البيبي كثيره بس ثقيله مش مثل قبل و هذا شي طبيعي... و الحمد لله أكدوا لي انها بنووووته و شفتها وااااضحه في الالتراساوند يا حيلها...
ما بقى شي ما شريته لها من دخلت الخامس وانا اشتري اغراضها واجهز غرفتها اخاف اني اثقل وما اقدر اتسوق لها كأني كنت حاسه اني بتعب كل هالتعب... باقي لي كم شغله بسيطه و اخلص... وجهزت الشنطه اللي باخذها معاي المستشفى و الشنطه اللي باخذها بيت اهلي حق النفاس...
اما نفسيتي خلوها على جنب .. صايره حساسه زياده عن اللزوم و عاطفيه وااااجد و عصبيه واقل حاجه تنرفزني... واحس نفسي طفشانه ابي اولد بسرررعه خلااااص تعبت..

اما بالنسبه للحكه هذي لابد منها بس استخدموا كريم خاص لتشققات البطن و الصدر بصراحه انا من استخدمتهم حتى على فخوذي و رجولي ولاحظت الحكه خفت واااااجد ولله الحمد...


الله يسهل علينا و يقومنا بالسلامه و يرزق كل وحده تتمنى تحمل يا رب..