ريف الرياض :

ياااااااااااااااا عمري انتي الله يسهل لك ويهون عليك بقول لك شي بس عشان تهدين وتقدرين تركزين تفكيرك على الشيء الضروري من الخرابيط اللي ماليه المنتدى انا هذا ثالث حمل لي ,,, ولله الحمد ... في حملاتي اللي قبل ما كان عندي نت !! والحمد لله مبسوووطه وحملي ماشي تمااااام وعارفه وش المطلوب من الممنوع المره هذي اول مره ادخل واتابع القسم .... اللي يشوفني وانا مختبصه وحايسه يقول هذي اول مره تحمل وتولد .!!! بالعربي قدمي عقلك على كلام الحريم .... مو كل معلومه هنا صحيحه ... ولا كل من نصحتك ناسبتك نصيحتها يمكن تجيك وحده متحمسه وتعلمك باللي سوته والنتايج ... لكن ممكن تنقلب عليك كارثه ... وبدل ما تستفيدين يجيك مضاعفات انتي في غنى عنها ... لأن الأجسام مو سوا !! الولاده تسهيل من رب العالمين !! ومحد راح ياخذ رزقه الا اذا امر ربي ,, واليوم اللي بينولد فيه ابن آدم مقدر ومكتوب قبل لا يخلق الكون!! صحيح فيه اشياء مجربه ومعروفه تسهل الولاده وتقوي الرحم... لكن لا تكون هم بالنسبه لك ... ولا تاخذينها الا اذا تأكدتي انها مناسبه لك حاولي تعيشين كل مرحله وتستمتعين فيها ,,, واللي كاتبه ربي بيقع عليك حتى لو ما فكرتي فيه من رايي لا تفكرين كثير بتجارب غيرك ... ادعي ربك بالتسهيل واكثري استغفار وتوكلي على رب العالمين ... هو الوحيد القادر على استجابة دعواتك وبيده امرك وهو ارحم بك حتى من نفسك !! بالنسبه للأكل شي طبيييييييييييييييييعي ... لأن البيبي يكبر بسررررررعه في هالشهرين ... يعني له 6 شهور ينمو ببطئ .. وسبحان الله في هالشهور الثلاثه يستهلك طاقتك اكثر من الشهور السته اللي قبل فشي بديهي ان شهيتك تنفتح على الأكل .... لكن المشكله في ضابط هالأكل لأن لو سويتي ريجيم او حرمتي نفسك من النشويات بيتضرر الطفل وبيطلع وزنه أقل من المطلوب ... وراح يتعبك في الولاده خلي لك وجبه رئيسيه في اليوم,,, خذي فيها كل المواد الغذائيه اللي يحتاجها البيبي .... يعني لا تحرمين نفسك بعد كذا خليك على الفواكه >>> هذا موسم أغلب وأشهى الفواكه ... والجو يساعد انك تخلينها عندك في الصاله او المطبخ ,,, يعني كل ما مريتي عليها خذي منها لماااااااا تحسين بطنك بينفقع خخخخخخخ وحطي معها طماطم وجزر وخيار وخضار ورقيه ,,, اشياء تعبي بطنك وتفيدك العشاء خليه على الحليب ومشتقاته .. لأنها ثقيله شوي وما تحسين بالجوع بسرعه ... مثل اللبن والزبادي والجبنه والقشطه وتعرفين الجو في هالأيام ,,الجسم يحرق سعرات اكثر من الأيام العاديه ... يعني شي طبيعي الجوع في البرد ولا تنسين الموز والمانجا << مدري هذا موسمها او لا؟؟ .... لكنها ممكن تكون وجبه لأنها دسمه شوي وتعطيك طاقه اما الحركه والشغل ... اذا ما كان عندك مشاكل في حملك فالحمد لله نعمه كبيره ,,, دام ما فيه آلام تجبرك على ترك شغلك ... فشغلك في بيتك مفيد لك ... لأن عضلاتك وقت الولاده يتبذل مجهود كبيرررررررررررررر ,,, فلا تخلين هالمجهود يجيها فجأه بدون مقدمات ,, لازم تعودينها على الحركه عشان تسهل ولادتك ويخف التعب ان شاء الله وعمر الشغل ما ضر الحوامل ولا غيرهم,, الا كثرة الراحه والاسترخاء هي اللي سببت لنا هالمشاكل !!!!!!!!!! كثرت الكلام عليك بس مره اتحمس للبكريات ... لأنها بتكون حريصه على كل معلومه تقراها وتحاول تطبق كل شي على نفسها الله يسهل علينا وعليك وعلى كل حامل

ياااااااااااااااا عمري انتي الله يسهل لك ويهون عليك بقول لك شي بس عشان تهدين وتقدرين تركزين...