WeeLaaH مشكورة الغالية... وفعلا ما يسوا علي الطلعه والمخاطره .. بس والله ملل تخيلي انا من شهر يناير للحين وانا بفندق ما لقينا بيت او شقه تناسب اللي نبيه... ولكن اخيرا حصلنا بيت مناسب ولكن صاحبة البيت تعمل فيه ترميمات وتعديلات وهنا لو تبين تشترين فرش مو مثل عندنا تاخذيه علي طول .. لا لا لا.. لازم تقولين ابي هذا مثلا وتعبين طلب وتستلمينه بعد ? شهور هذا اذا تقيدوا بمواعيدهم،، لذلك طلبت كل حاجياتي من بلدي يعني اتوقع خلال الشهرين الجايين اكون سكنت بالبيت وجتني الخدامة ويدوب الحق اعلمها قبل ولادتي ... ما تدرين كيف الفندق ممل تخيلي نفسك بغرفة طول اليوم في بلد ما تعرفين فيه احد.

om maya .... ما تشوفين شر حبيبتي واحنا بانتظارك

imay ... شكرا لاهتمامك .. بس حبيت اسأل انتي تاخذين فيتامينات.. وبعدين انا بهالفتره بديت احس بحرارة بمعدتي من فوق اظن انها الحرقان اللي يصير بالحمل.. ولاحـظت اني اذا تعشيت شئ فيه لو نسبة قليلة من الزيت فتلك الليله احرم فيها لذيذ النوم. فاعتقد المسلوق والشوربات هي الافضل.

معمول بالتمر... ممتاز انا بجرب البيبي اويل لجسمي ولكن بستمر بزيت الزيتون لبطني ووجهي...

وعلي فكره بنات الدكتور بآخر زيارة تصوير عملتها سألني اذا كنت استخدم كريم او زيت لبطني فقلت له اني استخدم زيت فقالي قبل لا تعملي تصوير وقفي استعمال اي كريم او زيت علي بطنك بأربع ايام علي الأقل،، فقلت له اني متسبحه قالي حتي ولو غسلتي يبقي منه بمسام البشرة وبالتالي يأثر علي وضوح الصورة... فحبيت اقولكم وانا موعدي بعد ? ايام وموقفه من اسبوع كل علشان وضوح الصورة لاني هالمره ان شاء الله بعمل الصوره ثلاثية الابعاد الملونه.

imay .... الكل كان يقولي ولد ... اهلي واهل زوجي كانوا قانعيني اني حامل بولد لغاية ما اقتنعت بالولد وكنت دايما اتكلم عن البيبي بصيغة المذكر.. لغاية ما قالي الدكتور انها بنت... بالبداية انصدمت مع اني كنت فرحانه فيها وما تفرق عندي ولد ولا بنت و حتي زوجي كان نفسه في بنت... ومافي احلي من البنات وناطرين اليوم اللي نشوفها فيه بفارغ الصبر.. الله لا يحرم احد هالفرحه.

رائدةةةةةةةةةةةةةة ... هلا وغلا ... وان شاء الله تبدي تحسي بالحركه ..... خاصة بنص الخامس تبدا توضح شوي شوي .. وربي يكمل لك علي خير ويقومك بالسلامة.

ام عبادة ج .... هلا وحياج الله معانا واحنا بانتظارك.


بنات ... ادري لسه بدري ولكن هل بديتوا تفكرون بهدايا التوزيع للبيبي والأشياء اللي بتاخذونها معاكم لمستشفي الولاده.. واللي بتدلع نفسها وتزين غرفتها بالمستشفي هل بديتي بالتفكير بما ستحتاجينه لجعلها تجربة ولا احلي????

كيفكم حبيباتي؟ انشاء الله الكل بخير
شكراimay
شكرا weelaah والله يسمع منك يارب
شكراbintsultan وانا كمان مستنية افضا وادخل معاكم زي الناس بدل شغل الطياري دا
وعلى فكرة ترى انا وانتي نفس الاسابيع انت متى موعد ولادتك؟ يالله انشاء الله تمر عليكي وعلينا بخير
بس يا بنات ابغا اعرف في وحدة فيكم من سكان جدة؟
يالله انا في انتظاركم

أم عبادة ج
حياك معانا ووجودك ينورنا وفعلا احنا هنا مثل الخوات

رائدةةةةةةةةةةةةة
ياهلا فيك وحبيبتي النبض هو البداية وعقبال الحركة والرفس .......

weelaah
أنا مثلك خليتها مفاجأءة للكل بس زوجي كان معي وعرف ولازم يعرف لأني مااقدر مااقولة هههههههههه اللي في قلبي على لساني على طول اقولة كل شئ

واللي حولي كلهم يقولون بنت وانا كنت حاسة من البداية انه ولد حتى قبل الفحص اتحديت مع زوجي هو قال بنت وانا قلت ولد وكسبت التحدي طبعااااااااا

أهلي غصب عني دروا لأن اهلي كانوا بيسافرون من شهر تقريبا وكنت بروح معهم بس ظروف الحمل والتعب الى آخر لحظة يعني قبل دقائق من سفرهم ربي ماكتب لي اروح معاهم ووصيت أخوي يشتري لي بعض الأغراض اللي هي هدايا للبيبي وكان لازم اقولة سماوي وعررررررررف وقال لأبوي اما امي واختي شافوا الأغراض اول ماشراهم وانكشفت بس يعني في حدود بيت أهلي بس اللي برا واهل زوجي ماحد يري كل ما يسألون أقول لهم مو متأكدة يابنت ياولد هههههههه ولا أقول توأم

وانتي مبروك على الولد والله يهديهم ويصلحهم ويجعلهم قرة أعين لنا ياااااااااااااارب

بنت السلطان

انتبهي من المقليات أ:تشفت حتى زوجة أخوي تتعب وهي ثالث حمال لها وقالت لي كل ماتقدمتي بالحمل المعدة تتعب أكثر والصراحة انا مرتاحة على المسلوق والشوربة أحس اني خفيفة مهما كلت مو مثل الطبخ يكبس على القلب

ومبروك البنوتة والله يخليها لكم وتفرحين فيها واتملى عليك وقتك ماقلتي لنا انت يفي اي بلد ؟؟؟
والله يعينك على الغربة وعقبال ماتستقرون في البيت اللي يريحكم ان شا ء الله

انا لاعن الأغراض بديت اشتري يعني اشتريت السكر المغلف من البنات هنا في المنتدى
وبديت اشتري هدايا البيبي واتفقت مع محل يسوي لي بعض الأشياء بس اسعارة غالية وشكلي بدور غيرة واذا مالقيت مافي الا هو
لقيت وحدة تسوي لي المدخل وغرفة الأستقبال في بيت أهلي اتفقت معها تقريبا بس لمن ادخل التاسع تجي وتشوف المكان تنسقة
اما غرفة المستشفى ودي بس اشياء بسيطة لأنها ماراح تدوم واكثر قرايبنا يزورون بالبيت مو المستشفى يعني ممكن أخلي كم بوكية حلو وهدايا للبيبي وكم شكل من الشوكولا لأني بسوي اشكال متنوعة
بنات انا ودي أغير شوي عن اللون السماوي بس احس انة مافي شئ احلى منة بالذات للولد ايش رايكم لو حطيت معاة أصفر تتوقعون بيطلع حلو
وحدة من قرايبي مسوية اخضر واصفر وجايبة ولد والثانية مسوية اروانج وكان ولد انا محتارة

وبصراحة خاطري في زينة المستشفى شرايكم اجيب واحد يسوي لي الغرفة ولا مالة داعي خصوصا انها تكلف كثير
وصحيح ان هذا اول بيبي والواحد ودة يسوي كل شئ
يالله عطوني ارئآكم وافكاركم