هلا الحنين هههههههههه ضحكتيني صحيح انا كنت في حملي الي فات كذا يضيع الوقت وانا ادور ع الوضع المناسب للنوووووووووووم

مرحبا بنات وش اخباركم
بالنسبه لي خف الوحام وخف التعب بس باقي ماستعدت نشاطي
ولاانام من خشمي دايم مقفل
لازكمه ولا شي
الدكتور يقول حساسيه تبي تستمر معك والله يستر
شعري طاح ثلاث ارباعه ولا بقى الا شعرتين
مع العلم اني حملت كذا مره قبل ولا حت شعري زي كذا الله يعين
والله بديت اخاف عليه
واكل حديد (فروز) وكالسيوم مره اذكر ومره لا
واشوفكم على خير

السلام عليكم .وش أخباركم صديقاتي في الشهر الرابع قوالوا أمين الله لايفرقنا على الاقل لين الولادة وعقبال مانصير في الشهر الخامس ونكون بعد مع بعض ولما نوالد نرجع لكتباتنا اول وتنذكر وش كان يصير معنا .أنا توني قبل أجلس على الكمبيوتر كانت طالعه روحي من الامساك اللي مو راضي يفارقني وقلت خلاص أنا مو ناقصة هم ببطل الحديد وعنه ماتقوى البيبي بسم الله عليه عيوني هو بس وش أسوي والله راسي بينفجر من الأمساك .

السلام عليكم .هلا أختي جرح يقتل وأنا مثلك اعاني من حساسية الانف وخاصة من البخور .ولقيت في المنتدى وحد أسمه وقفوا شوي كاتب موضوع عن علاج الحساسية بالاعشاب يوجد الان علاج مفيد جدا وجميل ورخيص الثمن و ( مجرب ) بشكل كبير واثبت فاعليته لكثير من الناس الذي يشكون من الحساسيه من عشرات السنين ..

هذا العلاج يأتي على شكل ( حبات الليـبتون ) اي مثل شاي ليبتون ..

يوضع في كأس ماء حار مع شوي سكر ثم تضعين ( حبتين ) من هذا العلاج ثم تشربينه وكأنك تشربين ( كأس شاهي ) .. ثم بعد ذلك بدقائق تحسين ان ( انفك ) قد انفتح ولا تشعرين بشيء ..

هذا العلاج من الاعشاب متوفر في محلات ((( GNC ))) - وترى موقصدي اسوي لهم دعايه لكن اعرف اشخاص استفادوا منه كثير - .. وهذا المحلات كبيره واعرف واحد منها موجود بأسواق ( العثيم ) الجديده التي بجوار اسواق النخبه على طريق الملك فهد ..

يعطيك كرتون فيه حوالي 20 حبه بسعر ( 33 ) ريال فقط ..
أتمنى أكون افدتك أختي جرح يقتل وتقدرين ترجعين للموضوع نفسه


..

اي واللة عندي وعندكم خير عندي مشكلة الامسااك اعزكم اللة من يووم بديت ااخذ الحديد وانا الله لايوريكم معاانااة من جد
ولمى اجي اناام خشمي يتسدد مررة وحدة وطوول الليل افتح فمي واتنفس معاااة
لو تدخل ذباانة فيه مادريت عنهااا