انا ما ادري في نهاية الخامس او دخلت السادس
صراحة هذي الحسابات تعبني
بس اللي اعرف إن موعد ولادتي مع دااانة 15-9
والحمدلله حركة البيبي اوكي
وشهيتي للاكل تختلف من وقت الى الثاني
يعني لو تغذيت بس ما اشتهي اكل شي ال العشى
ووزني زاد
وطلع لي بطن عدل
وما اقدر امسك نفسي وعلى طول بالحمام (الله يعزكم)
والم الظهر على طول على طول
وخوفا من ظهور التشققات كل يوم ازهن جسمي في كريم زبدة الكاكو الخاصة بالحوامل علشان تترطب لأنه كل ما كانت جافة زادت الحكة وترع ظهور الخطوط
بس طولت عليكم وايد

خواتي الحوامل .. كيفكم ...
أختي (دلوعة البنات) ترى انا مثلك من اول حملي المشيمة نازله .. ب الدكتورة قالت لاتخافي لان غالبا على الخامس او السابع .. ترتفع .. كل مالرحم كبر وارتفع لفوق راح ترتفع المشيمه باذن لله ..
بس طول ما المشيمه نازله .. اتجنبي الجماع لانه يزيد نزلها .. وارتاحي ..
وانا الحين بالخامس وقالت لي الحمد لله ارتفعت عن اول ..
والجيوب الانفيه تاعبتني .. وما اقدر اخذ اي دواء لها .. والقولون كمان ..

يابنات .. بقول لكم شي .. انا سألت الدكتورة عن الاسابيع والاشهر وقالت لي :
الحساب حق الدكاترة من اول يوم لاخر دورة , بس الحساب الاساسي هو من بعد اخر دورة تحسبي 14 يوم , يكون من يوم التبويض تحسبي .
يعني الاسبوع 22 يعتبر بالنسبه للدكاترة ( اخر اسبوع بالخامس)

وبالنسبه لاغراض البيبي :
بدأت مثلك يا (بك استجير) وصرت اشتري كل شهر شوي شوي >>اذا شفت شي عجبني آخذه .
ورحت أمس (سيتي بلازا) لانه مسوي تخفيضات واشتريت اغراض حلوه للبيبي ..
وكمام قبل فترة رحت (فل فري_ feel free) بصراااااااحه ملابس البيبي من (0-3) رووووووووعه وغريبه , وحتى مع كل لبس القبعه حلوه وغريب شكلها ..

أختي بك استجير :
انتي تقصدي بالاشعه هذه ايلي تكون ملونة وواضحه ملامح البيبي ؟؟
أنا كنت ابغى اسويها بس الدكتورة نصحتني بالثامن في اوله أسويها لان الشكل بيكون قريب من ايلي حتنجبيه باذن الله .
اما حاليا قالت لي :ماحتكون نفس الملامح بدقتها زي الشهر الثامن .
وقلت باذن الله في اول الثامن أسويها ..؟؟

ياهلا بكم خواتي العزيزات

بس بقيت أقولكم شي وقولوا لي إذا هالشي طبيعي أو لا

أحس بألم في بطني بشبهه لكم كأن البيبي متضايق وبطني ضيق عليه واحس بحركته بصعوبه يعني الحركة بطيئه مب نفس قبل :(
وأحس أن بطني منشد وبيتقطع :(

ساعدوني هذا أول أسبوع لي بالسادس هل هذا الشي طبيعي أو لا ؟؟؟

بنات ودي اسالكم لاني مثلكم بالسادس تنزل عليا افرازات بيضاء بكمية قليلة جدا ومالها رائحة الحمدلله وبدون حكة هل هذا طبيعي او لا وغالبا تنزل اول ما اصحى من النوم